章節 | 全民台語聖經全羅經文 | 註釋 |
8:1 | Khó͘-bē thang lí chò góa ê hiaⁿ-tī, sī bat suh góa lāu-bú ê leng ê; ánne, góa nā tī gōa-bīn tú tio̍h lí, to̍h-sī kah lí chim-chhùi, mā bô lâng ē khòaⁿ-khin góa. | 註釋 串珠 原文 典藏 |
8:2 | Góa beh ín-chhōa lí, chhōa lí ji̍p-khì góa lāu-bú ê ke, i ē kà-sī góa; góa beh hō͘ lí lim tiâu-hô ê chiú kah sia̍h-liû ê chiap. | 註釋 串珠 字典 原文 典藏 |
8:3 | I ê tò chhiú ē hû góa ê thâu-khak, i ê chiàⁿ chhiú beh phō góa. | 註釋 串珠 原文 典藏 |
8:4 | Ê-lú-sa-lèm ê chèng chabó͘ gín'á, góa pek-chhiat hoan-hù lín: M̄-thang kā i phah chhéⁿ, m̄ thang kiáu-jiáu góa só͘ ài ê, tio̍h thèng-hāu i kakī chêng-goān. | 註釋 串珠 原文 典藏 |
8:5 | [chèng chabó͘ gín'á] Hitê khò tī i ê lông-kun, tùi khòng-iá khí-.lâi ê, che sī siáⁿ lâng? [siàu-lí] Góa tī phông-kó chhiū-ē kiò-chhéⁿ lí, lí ê lāu-bú tī hia keng-kòe thòng-khó͘, tī hia keng-kòe thòng-khó͘ chiah seⁿ lí. | 註釋 串珠 字典 原文 典藏 |
8:6 | Kiû lí kā góa khek tī lí ê sim, chhin-chhiūⁿ ìn-á; khek tī lí ê chhiú-kut, chhin-chhiūⁿ ìn-á; in-ūi ài-chêng kiông-lia̍t kah kiông-beh sí-.khì, chi̍t-tò͘ chân-jím kah chhin-chhiūⁿ im-hú. I só͘ hoat-chhut ê jia̍t-khì chhin-chhiūⁿ hóe-iām, sī ke̍k béng-lia̍t ê hóe-iām. | 註釋 串珠 字典 原文 典藏 |
8:7 | Koh khah chē ê chúi mā bē tàng siau-bia̍t ài-chêng; tōa-chúi mā bē tàng kā i im-ba̍t. Nā ū lâng beh ēng chhù lāi choân-pō͘ ê sán-gia̍p lâi ōaⁿ ài-chêng, i tek-khak ē hō͘ lâng biáu-sī. | 註釋 串珠 原文 典藏 |
8:8 | [siàu-lí ê hiaⁿ-tī] Goán ū chi̍t-ê sè-hàn sió-mōe, i iáu-bōe tióng-sêng, lâng lâi kóng chhin-chiâⁿ ê ji̍t-chí, goán tio̍h án-chóaⁿ thè goán ê sió-mōe siat-hoat? | 註釋 串珠 原文 典藏 |
8:9 | I nā-sī chhiûⁿ, goán beh tī i ê téng-bīn khí gîn thah; i nā-sī mn̂g, goán beh ēng pek-hiuⁿ chhâ pán kā i ûi khí-.lâi. | 註釋 串珠 字典 原文 典藏 |
8:10 | [siàu-lí] Góa sī chhiûⁿ, góa ê leng chhin-chhiūⁿ lâu-koh. Hit sî, góa tī i ê ba̍k-chiu tiong chhin-chhiūⁿ tit tio̍h pêng-an ê lâng. | 註釋 串珠 字典 原文 典藏 |
8:11 | [chùn-lâm] Só͘-lô-móng tī Ba-al-Ha-móng ū chi̍t khu phû-tô hn̂g, i kā chit-ê phû-tô hn̂g cho͘ hō͘ lâng khì kò͘-siú; ta̍k lâng ūi tio̍h in siu-sêng ê kóe-chí tio̍h la̍p chi̍t chhìn gîn. | 註釋 串珠 字典 原文 典藏 |
8:12 | Góa ū kakī ê phû-tô hn̂g; Só͘-lô-móng, hit chi̍t chheng kui hō͘ lí, nn̄g pah kui hō͘ kò͘-siú kóe-chí ê lâng. | 註釋 串珠 字典 原文 典藏 |
8:13 | Tiàm tī hn̂g tiong ê tâng-phōaⁿ lóng ài thiaⁿ lí ê siaⁿ, kiû lí hō͘ góa mā ē-tàng thiaⁿ-.tio̍h. | 註釋 串珠 原文 典藏 |
8:14 | [siàu-lí] Góa ê lông-kun, lí tio̍h kóaⁿ-kín lâi, chhin-chhiūⁿ lêng-iûⁿ á-.sī lo̍k-á tī phang chháu ê soaⁿ. | 註釋 串珠 字典 原文 典藏 |