章節 | 全民台語聖經全羅經文 | 註釋 |
7:1 | [chùn-lâm] Kun-ông ê chabó͘ kiáⁿ, lí ê kha chhēng ê ná ē hiah súi! Lí ê tōa-thúi îⁿ-ku̍t ná chhin-chhiūⁿ tin-pó, sī kî-khiáu ê chhiú-kang chò-chiâⁿ ê. | 註釋 串珠 原文 典藏 |
7:2 | Lí ê tō͘-châi chhin-chhiūⁿ îⁿ ê poe, bô khiàm-khoeh tiâu-hô ê chiú; lí ê pak-tó͘ ná chhin-chhiūⁿ kui tui ê be̍h, sì-kho͘-ûi ū pek-ha̍p hoe. | 註釋 串珠 字典 原文 典藏 |
7:3 | Lí ê nn̄g lia̍p leng ná chhin-chhiūⁿ chi̍t tùi lo̍k-á, to̍h-sī lo̍k-bú siang-seⁿ ê. | 註釋 串珠 字典 原文 典藏 |
7:4 | Lí ê ām-kún ná chhin-chhiūⁿ chhiūⁿ-gê ê thah, lí ê ba̍k-chiu ná chhin-chhiūⁿ He-si-bóng ê tî, óa-kīn Bat-la-bín; lí ê phīⁿ ná chhin-chhiūⁿ Le-ba-nòng ǹg Ta-má-su-ko ê thah; | 註釋 串珠 字典 原文 典藏 |
7:5 | lí ê thâu-khak tī lí ê seng-khu ná chhin-chhiūⁿ Kal-mel soaⁿ, lí ê thâu-khak téng sôe lo̍h-.lâi ê mn̂g sī chí-sek ê; ông ê sim hō͘ i ê thâu-mn̂g bê-.khì. | 註釋 串珠 字典 原文 典藏 |
7:6 | Góa só͘ thiàⁿ ê, lí ná ē hiah súi; lí ná ē hiah thang hoaⁿ-hí, hō͘ lâng hoaⁿ-hí khoài-lo̍k! | 註釋 串珠 字典 原文 典藏 |
7:7 | Lí ê sin-châi ná chhin-chhiūⁿ chó chhiū, lí ê leng ná chhin-chhiūⁿ kui pha ê kóe-chí. | 註釋 串珠 原文 典藏 |
7:8 | Góa kóng: Góa beh chiūⁿ chit châng chó chhiū, khîⁿ-tiâu i ê ki; goān lí ê leng chhin-chhiūⁿ phû-tô kui pha, lí ê khì-bī chhin-chhiūⁿ phông-kó; | 註釋 串珠 原文 典藏 |
7:9 | lí ê chhùi chhin-chhiūⁿ siōng hó ê chiú. [siàu-lí] Ūi tio̍h góa ê lông-kun lim liáu ku̍t-âu, lâu ji̍p-khì teh khùn ê lâng ê chhùi-tûn. | 註釋 串珠 字典 原文 典藏 |
7:10 | Góa sio̍k góa ê lông-kun, i mā him-bō͘ góa. | 註釋 串珠 字典 原文 典藏 |
7:11 | Góa ê lông-kun, lâi, lán lâi-khì soaⁿ-tiûⁿ, lán lâi-khì chng-thâu hioh mê. | 註釋 串珠 原文 典藏 |
7:12 | Lán thàu-chá khí-.lâi, khì phû-tô hn̂g, khòaⁿ phû-tô puh íⁿ khui hoe á-bōe, sia̍h-liû khui lúi á-bōe. Góa tī hia beh kā ài-chêng hō͘ lí. | 註釋 串珠 原文 典藏 |
7:13 | Chhui-chêng-kó hoat-chhut phang-bī, tī lán ê mn̂g piⁿ ū ta̍k chióng chin hó ê kóe-chí, sin ê, kū ê lóng ū; góa ê lông-kun, che lóng sī góa ūi lí chek-chū ê. | 註釋 串珠 字典 原文 典藏 |