章節 | 全民台語聖經全羅經文 | 註釋 |
3:1 | Góa àm-sî theⁿ tī góa ê bîn-chhn̂g, chhōe góa sim só͘ ài ê, góa chhōe i, mā chhōe bē tio̍h. | 註釋 串珠 字典 原文 典藏 |
3:2 | Taⁿ góa beh khí-.lâi, tī siâⁿ lāi sì-kè kiâⁿ, tī ke-lō͘, tī khui-khoah ê só͘-chāi, góa beh chhōe góa sim só͘ ài ê; góa chhōe i mā chhōe bē tio̍h. | 註釋 串珠 字典 原文 典藏 |
3:3 | Siâⁿ lāi sûn-lô ê lâng tú tio̍h góa, góa mn̄g in kóng: Lín ū khòaⁿ tio̍h góa sim só͘ ài ê á-bô? | 註釋 串珠 原文 典藏 |
3:4 | Góa lī-khui in bô gōa hn̄g, chiū tú tio̍h góa sim só͘ ài ê, góa kā i khîⁿ tiâu-.leh, m̄ hō͘ i cháu-.khì; thèng-hāu góa chhōa i ji̍p góa lāu-bú ê ke, to̍h-sī seⁿ góa ê lāu-bú ê pâng lāi. | 註釋 串珠 字典 原文 典藏 |
3:5 | Ê-lú-sa-lèm ê chèng chabó͘ gín'á, góa kí lêng-iûⁿ kah chhân-iá ê lo̍k-bú, pek-chhiat hoan-hù lí: M̄-thang kā i phah chhéⁿ, m̄ thang kiáu-jiáu góa só͘ ài ê; tio̍h thèng-hāu i kakī chêng-goān. | 註釋 串珠 字典 原文 典藏 |
3:6 | [siàu-lí]Hitê tùi khòng-iá lâi, hêng-chōng chhin-chhiūⁿ hóe-ian ê thiāu, ēng bu̍t-io̍h kah jú-hiuⁿ, í-ki̍p senglí lâng ta̍k chióng ê phang-hún lâi hō͘ i phang ê, sī siáⁿ lâng? | 註釋 串珠 字典 原文 典藏 |
3:7 | Lí khòaⁿ, sī Só͘-lô-móng ê kiō, sì-kho͘-ûi ū la̍k-cha̍p-ê ióng-sū, lóng sī tùi I-su-la-el ióng-sū tiong kéng ê. | 註釋 串珠 字典 原文 典藏 |
3:8 | In lóng ē-hiáu ēng kiàm, gâu kau-chiàn, lâng-lâng to hâ tī io-.ni̍h, thê-hông àm-sî ê gûi-hiám. | 註釋 串珠 字典 原文 典藏 |
3:9 | Só͘-lô-móng ông ēng Le-ba-nòng ê chhâ, ūi kakī chò chi̍t téng hôa-lē ê kiō. | 註釋 串珠 原文 典藏 |
3:10 | I ê thiāu sī ēng gîn chò ê, i ê té sī ēng kim chò ê, i ê tiām sī chí-sek ê, kî-tiong sī ēng Ê-lú-sa-lèm ê chèng chabó͘ gín'á ê ài-chêng pho͘ ê. | 註釋 串珠 字典 原文 典藏 |
3:11 | Si-óng ê chèng chabó͘ gín'á, lín tio̍h chhut-khì khòaⁿ Só͘-lô-móng ông. I tì bián-liû, to̍h-sī tī i ha̍p-hun ê ji̍t, i ê sim hoaⁿ-hí ê ji̍t, i ê lāu-bú kā i tì ê. | 註釋 串珠 字典 原文 典藏 |