章節 | 全民台語聖經全羅經文 | 註釋 |
11:1 | Bêng-tì Lâng ê Chok-ûiTio̍h kā lí ê bí-niûⁿ iā tī chúi-bīn, in-ūi ji̍t kú chiū ē tit-.tio̍h. | 註釋 串珠 康來昌 字典 原文 典藏 |
11:2 | Hūn-gia̍h tio̍h pun-chò chhit hūn á-.sī peh hūn, in-ūi lí m̄-chai chiong-lâi ū siáⁿ-mi̍h chai-hō ē lîm-kàu tē-chiūⁿ. | 註釋 串珠 康來昌 原文 典藏 |
11:3 | Hûn nā ū hō͘ móa-móa, chiū piàⁿ lo̍h-lâi tē-chiūⁿ. Chhiū nā ǹg lâm á-.sī ǹg pak tó, chhiū tó tī siáⁿ-mi̍h só͘-chāi, chiū tiāⁿtiāⁿ tī hia. | 註釋 串珠 康來昌 原文 典藏 |
11:4 | Khòaⁿ hong-sè ê lâng bô beh iā chéng, khòaⁿ hûn-sek ê lâng bô beh siu-koah. | 註釋 串珠 康來昌 原文 典藏 |
11:5 | Hong só͘ chhoe ê lō͘, lí m̄-chai, kut-hâi tī īn-hū ê thai án-chóaⁿ seng-tióng, lí mā m̄-chai; ánne, kiâⁿ bān sū ê Siōng-tè só͘ chò ê tāichì, lí mā sī bē tàng chai. | 註釋 串珠 康來昌 字典 原文 典藏 |
11:6 | Chá-khí sî tio̍h iā lí ê chéng-chí, ê-hng sî mā m̄ thang thêng lí ê chhiú, in-ūi lí m̄-chai tó chi̍t-ê ē bō͘-sēng, sī chit-ê á-.sī hit-ê, á-.sī nn̄g-ê ē pêⁿ hó. | 註釋 串珠 康來昌 原文 典藏 |
11:7 | Kng chin-chiàⁿ sī hó, ba̍k-chiu khòaⁿ tio̍h kng mā sī thang hoaⁿ-hí. | 註釋 串珠 康來昌 原文 典藏 |
11:8 | Lâng oa̍h chin chē nî, chiū tio̍h khoài-lo̍k chin chē nî; chóng-.sī, mā tio̍h siūⁿ kàu o͘-àm ê ji̍t-chí, in-ūi o͘-àm ê ji̍t-chí ē chin chē. Só͘ beh lâi ê lóng sī khang-hi. | 註釋 串珠 康來昌 原文 典藏 |
11:9 | Tùi Siàu-liân Lâng ê Khoàn-kòSiàu-liân lâng, lí tī siàu-liân ê sî tio̍h khoài-lo̍k; tī siàu-liân ê ji̍t-chí hō͘ lí ê sim-sîn an-ùi lí, mā tio̍h chiàu lí sim só͘ ì-ài ê kah ba̍k-chiu só͘ khòaⁿ-.tio̍h ê lâi kiâⁿ. Chóng-.sī, lí tio̍h chai, ūi tio̍h che it-chhè ê tāichì, Siōng-tè ē kā lí sím-phòaⁿ. | 註釋 串珠 康來昌 字典 原文 典藏 |
11:10 | Só͘-í, tio̍h hō͘ iu-būn lī-khui lí ê sim, mā tùi lí ê seng-khu tû-khì pháiⁿ tāi, in-ūi siàu-liân kah chòng-liân, lóng sī khang-hi. | 註釋 串珠 康來昌 原文 典藏 |