章節 | 全民台語聖經全羅經文 | 註釋 |
8:1 | Siáⁿ lâng chhin-chhiūⁿ tì-hūi ê lâng? Siáⁿ lâng chai sū-chêng ê khui-thiah? Lâng ê tì-hūi hō͘ i ê bīn ū kng, mā hō͘ i kong-kiông ê bīn tit tio̍h kái-ōaⁿ. | 註釋 串珠 康來昌 原文 典藏 |
8:2 | Ho̍k-chiông Kun-ôngGóa kóng, tio̍h chun-siú ông ê bēng-lēng, in-ūi i ū kí Siōng-tè lâi chiùchōa. | 註釋 串珠 康來昌 原文 典藏 |
8:3 | M̄-thang kóaⁿ-kín lī-khui ông ê bīn-chêng, m̄ thang kú-tn̂g tiàm tī pháiⁿ tāi, in-ūi pháiⁿ lâng hoân-sū lóng chiàu kakī ê sim-ì lâi kiâⁿ. | 註釋 串珠 康來昌 原文 典藏 |
8:4 | In-ūi ông ê ōe ū koân-ui, siáⁿ lâng ē tùi i kóng, " Lí chò siáⁿ-mi̍h? " | 註釋 串珠 康來昌 原文 典藏 |
8:5 | Chun-siú bēng-lēng ê lâng bē tú tio̍h chai-hō. Tì-hūi lâng ê sim ē hun-piān sî-sè kah sím-phòaⁿ. | 註釋 串珠 康來昌 原文 典藏 |
8:6 | Ta̍k hāng tāichì lóng ū i ê sî kah sím-phòaⁿ, in-ūi lâng ê khó͘-lān tāng-tāng kā i teh-.leh. | 註釋 串珠 康來昌 原文 典藏 |
8:7 | I m̄-chai chiong-lâi ê tāichì, in-ūi āu-lâi ē án-chóaⁿ, siáⁿ lâng ē kā i kóng? | 註釋 串珠 康來昌 原文 典藏 |
8:8 | Bô lâng ē-tàng chiáng-koán i ê oa̍h-miā, kā oa̍h-miā lâu-.leh, mā bô lâng ē-tàng koat-tēng sí ê ji̍t-kî; chit khoán ê kau-chiàn sī bē bián-.tit, chōe-ok mā bē tàng kiù chiàu chōe-ok kiâⁿ ê lâng. | 註釋 串珠 康來昌 原文 典藏 |
8:9 | Siâ-ok ê Lâng kah Chèng-ti̍t ê LângChe it-chhè góa lóng ū khòaⁿ-.tio̍h, mā choan-sim chhâ-khó ji̍t-kng ê ē-bīn só͘ chò it-chhè ê tāichì; ū sî chit-ê lâng koán-hat hit-ê lâng, tì-sú hāi tio̍h i. | 註釋 串珠 康來昌 原文 典藏 |
8:10 | Góa khòaⁿ tio̍h pháiⁿ lâng bâi-chòng, kui tī bōng, koh ū kiâⁿ chèng-ti̍t ê lâng lī-khui sèng ê só͘-chāi, tī siâⁿ lāi hō͘ lâng bē kì-.tit; che mā sī khang-hi. | 註釋 串珠 康來昌 字典 原文 典藏 |
8:11 | In-ūi ū tēng chōe, bô chek-sî si-hêng hêng-hoa̍t, só͘-í, sè-kan lâng ê sim tōa táⁿ kiâⁿ pháiⁿ. | 註釋 串珠 康來昌 原文 典藏 |
8:12 | Chōe-jîn sûi-jiân chò pháiⁿ chi̍t pah pái, iáu koh chia̍h tn̂g hòe-siū, m̄ koh, góa khak-si̍t siong-sìn, kèng-ùi Siōng-tè ê, to̍h-sī tī I ê bīn-chêng kèng-ùi ê lâng, kàu bóe ē tit tio̍h hok-khì. | 註釋 串珠 康來昌 原文 典藏 |
8:13 | Chóng-.sī, pháiⁿ lâng bē tàng ū hok-khì, mā bē tàng tn̂g hòe-siū, ná chhin-chhiūⁿ iáⁿ chhun tn̂g, in-ūi i bô tī Siōng-tè ê bīn-chêng kèng-ùi I. | 註釋 串珠 康來昌 原文 典藏 |
8:14 | Sè-chiūⁿ koh ū chi̍t kiāⁿ khang-hi ê tāichì, to̍h-sī gī lâng tú-.tio̍h ê sī chiàu pháiⁿ lâng ê pò-èng; pháiⁿ lâng só͘ tú-.tio̍h ê sī chiàu gī lâng ê pò-siúⁿ. Góa kóng, che mā sī khang-hi. | 註釋 串珠 康來昌 原文 典藏 |
8:15 | Góa chiū oló khoài-lo̍k ê tāichì; in-ūi lâng tī ji̍t-kng ê ē-bīn, put-jû lâi chia̍h, lâi lim, lâi khoài-lo̍k. In-ūi tī ji̍t-kng ê ē-bīn, Siōng-tè siúⁿ-sù i it-seng ê nî-hòe tiong, i só͘ lô-lo̍k ê sêng-kó ē tiāⁿtiāⁿ kah i tông-chāi. | 註釋 串珠 康來昌 原文 典藏 |
8:16 | Góa choan-sim ài bat tì-hūi, mā beh khòaⁿ sè-chiūⁿ só͘ chò ê tāichì. Hit sî góa chai, ū lâng mê-ji̍t bē khùn-.tit, ba̍k-chiu bô pàng-kheh, | 註釋 串珠 康來昌 原文 典藏 |
8:17 | mā bô hoat-tō͘ khòaⁿ tio̍h Siōng-tè só͘ chò ê it-chhè, góa chai lâng bē tàng chhâ-khó ji̍t-kng ê ē-bīn só͘ chò ê tāichì, in-ūi lâng bô-lūn án-chóaⁿ lô-khó͘ lâi chhâ-khó, mā chhâ bē chhut tap-àn. Tì-hūi ê lâng sûi-jiân lia̍h-chò chai, si̍t-chāi mā sī bē tàng chhâ-chhut. | 註釋 串珠 康來昌 原文 典藏 |