章節 | 全民台語聖經全羅經文 | 註釋 |
6:1 | Góa khòaⁿ tio̍h ji̍t-kng ê ē-bīn ū chi̍t hāng chai-hō hō͘ lâng ū tāng-tàⁿ, | 註釋 串珠 康來昌 原文 典藏 |
6:2 | Chiū-sī ū lâng tit tio̍h Siōng-tè siúⁿ-sù i chîⁿ-châi, hó-gia̍h kah chun-kùi, tì-sú i ê sim só͘ ì-ài ê bô khiàm kah pòaⁿ-hāng. Chóng-.sī, Siōng-tè bô hō͘ i hióng-siū, tian-tò hō͘ gōa-lâng lâi hióng-siū; che mā sī khang-hi, mā sī tōa pi-kio̍k. | 註釋 串珠 康來昌 原文 典藏 |
6:3 | Lâng siat-sú seⁿ chi̍t pah-ê kiáⁿ, koh chia̍h tn̂g hòe-siū, m̄ koh, keng-kòe chin chē nî, i ê sim bô tit tio̍h hióng-hok lâi boán-chiok, koh bô tit tio̍h bâi-chòng; chiàu góa kóng, hit-ê bô kàu goe̍h lâi tūi-lo̍h ê thai mā pí i khah hó. | 註釋 串珠 康來昌 字典 原文 典藏 |
6:4 | I tī khang-hi lâi, tī o͘-àm khì, i ê miâ siū o͘-àm khàm ba̍t. | 註釋 串珠 康來昌 原文 典藏 |
6:5 | Jî-chhiáⁿ i bô khòaⁿ tio̍h ji̍t-thâu, mā lóng bô ti-kak, m̄ koh, chit-ê pí hit-ê khah pêng-an. | 註釋 串珠 康來昌 原文 典藏 |
6:6 | Hitê lâng sûi-jiân oa̍h kàu chi̍t chheng nî , koh-chài chi̍t chheng nî, chóng-.sī, bô hióng-hok; chèng lâng kám m̄-sī lóng kui khì kāng chi̍t-ê só͘-chāi? | 註釋 串珠 康來昌 原文 典藏 |
6:7 | Lâng ê lô-lo̍k lóng sī ūi tio̍h saⁿ tǹg, sim khiok bô ti chiok. | 註釋 串珠 康來昌 原文 典藏 |
6:8 | Tì-hūi ê lâng pí gû-gōng ê lâng ū siáⁿ-mi̍h khah iâⁿ? Sàn-chhiah lâng tī chèng lâng ê bīn-chêng chai só͘ thang kiâⁿ ê, ū siáⁿ-mi̍h khah iâⁿ? | 註釋 串珠 康來昌 原文 典藏 |
6:9 | Ba̍k-chiu só͘ khòaⁿ ê iâⁿ-kòe sim-lāi ê khong-su bōng-sióng. Che mā sī khang-hi, mā sī lia̍h-hong. | 註釋 串珠 康來昌 原文 典藏 |
6:10 | Chá-chêng só͘-ū ê í-keng chá to̍h ū hō i ê miâ, chai i sī lâng, mā bē tàng kah hit-ê pí i khah ū la̍t ê lâi sio-cheⁿ. | 註釋 串珠 康來昌 原文 典藏 |
6:11 | Í-keng ū chin chē tāichì ke-thiⁿ khang-hi, tùi lâng ū siáⁿ-mi̍h lī-ek? | 註釋 串珠 康來昌 原文 典藏 |
6:12 | Lâng it-seng hi-tō͘ kong-im, chhin-chhiūⁿ hêng-iáⁿ kòe-.khì. Siáⁿ lâng ē chai siáⁿ-mi̍h tāichì tùi i it-seng ū lī-ek? In-ūi siáⁿ lâng ē kā lâng kóng i kòe-sin liáu-āu, tī ji̍t-kng ê ē-bīn ū hoat-seng siáⁿ-mi̍h tāichì? | 註釋 串珠 康來昌 原文 典藏 |