章節 | 全民台語聖經全羅經文 | 註釋 |
5:1 | M̄-thang Sûi-piān Hē GoānLí khì-kàu Siōng-tè ê tiān, tio̍h kín-sīn lí ê kha-pō͘. In-ūi kiâⁿ óa-lâi thiaⁿ ê iâⁿ-kòe gōng lâng hiàn chè, in-ūi in m̄-chai só͘ kiâⁿ ê sī pháiⁿ. | 註釋 串珠 康來昌 原文 典藏 |
5:2 | Lí tī Siōng-tè ê bīn-chêng m̄ thang sûi-piān kóng-ōe, mā m̄ thang sim tio̍h-kip lâi kóng-ōe. In-ūi Siōng-tè tī thiⁿ-.ni̍h, lí tī tē-.ni̍h, só͘-í, lí ê giân-gí tio̍h khah chió. | 註釋 串珠 康來昌 原文 典藏 |
5:3 | In-ūi tāichì chē chiah ē bîn-bāng; giân-gí chē chiah ū gōng lâng ê siaⁿ. | 註釋 串珠 康來昌 原文 典藏 |
5:4 | Lí tùi Siōng-tè hē goān, siā goān m̄ thang iân-chhiân; in-ūi I bô hoaⁿ-hí gû-gōng ê lâng, lí só͘ hē ê goān eng-kai tio̍h siā. | 註釋 串珠 康來昌 原文 典藏 |
5:5 | Lí hē goān nā bô siā goān, lêng-khó bô hē. | 註釋 串珠 康來昌 原文 典藏 |
5:6 | M̄-thang hō͘ lí ê chhùi tì-sú jio̍k-thé hoān chōe, mā m̄ thang tī sù-chiá ê bīn-chêng kóng lí ê hē goān sī chhò-gō͘ ê; lí ná ē hō͘ Siōng-tè in-ūi lí ê siaⁿ siū-khì, lâi pāi-hoāi lí ê chhiú só͘ chò ê tāichì? | 註釋 串珠 康來昌 原文 典藏 |
5:7 | In-ūi bîn-bāng chin chē, giân-gí chin chē, kî-tiong ū khang-hi; chóng-.sī, tio̍h kèng-ùi Siōng-tè. | 註釋 串珠 康來昌 原文 典藏 |
5:8 | Jîn-seng ê Khang-hiLí nā tī séng lāi khòaⁿ tio̍h sànchhiah lâng siū ap-pek, á-.sī ēng kiông-koân chhiúⁿ-toa̍t kong-gī kong-pêⁿ ê tāichì, m̄ thang in-ūi ánne lâi tio̍h-kiaⁿ kah gāng-.khì; in-ūi ū chi̍t ūi pí hit-ê chē koân ūi khah koân-.ê teh kàm-chhat; chóng-.sī, tī lâng ê téng-bīn iáu ū pí in khah koân ê Siōng-tè. | 註釋 串珠 康來昌 原文 典藏 |
5:9 | Jî-chhiáⁿ tē-.ni̍h ê lī-ek sī kui tī kûn-chiòng, to̍h-sī kun-ông mā ū siū tio̍h chhân-tē ê kiong-kip. | 註釋 串珠 康來昌 字典 原文 典藏 |
5:10 | Tui-kiû chîⁿ-châi ê lâng bô in-ūi ū chîⁿ lâi ti chiok; ì-ài hù-jū ê lâng bô in-ūi tit lī lâi ti chiok; che mā sī khang-hi. | 註釋 串珠 康來昌 原文 典藏 |
5:11 | Châi-bu̍t ke-thiⁿ, chia̍h i ê lâng mā ke-thiⁿ, gia̍p-chú ū tit tio̍h siáⁿ-mi̍h lī-ek? Put-kò sī ba̍k-chiu khòaⁿ tio̍h niā-niā. | 註釋 串珠 康來昌 原文 典藏 |
5:12 | Lô-lo̍k ê lâng put-koán chia̍h chē chia̍h chió, lóng chin hó khùn; hó-gia̍h lâng ê hong-sēng hō͘ i bē khùn-.tit. | 註釋 串珠 康來昌 原文 典藏 |
5:13 | Góa khòaⁿ tio̍h ji̍t-kng ê ē-bīn ū chi̍t kiāⁿ tōa chai-hō, to̍h-sī châi-chú tiāⁿtiāⁿ siú i ê chîⁿ-châi lâi hāi tio̍h kakī. | 註釋 串珠 康來昌 原文 典藏 |
5:14 | In-ūi tú tio̍h bô phah-sǹg ê tāichì, chiahê chîⁿ-châi chiū siau-sit-khì; hit-ê lâng nā seⁿ kiáⁿ, chhiú lāi mā ē bô pòaⁿ-hāng. | 註釋 串珠 康來昌 原文 典藏 |
5:15 | I án-chóaⁿ tùi lāu-bú ê thai chhut-.lâi, mā ē chhin-chhiūⁿ ánne thǹgpaktheh tńg-.khì. I lô-lo̍k só͘ tit tio̍h ê, chhiú lāi bē tàng tòa kah pòaⁿ sián chîⁿ khì. | 註釋 串珠 康來昌 原文 典藏 |
5:16 | I lâi ê chêng-hêng án-chóaⁿ, i khì ê sî mā sī ánne; che mā sī chi̍t hāng tōa chai-hō. I ūi tio̍h hong lâi lô-lo̍k ū siáⁿ-mi̍h lī-ek? | 註釋 串珠 康來昌 原文 典藏 |
5:17 | Jî-chhiáⁿ i chi̍t-sì-lâng tī o͘-àm tiong teh chia̍h, ū chin chē hoân-ló, koh ū pēⁿ-thiàⁿ kah siū-khì. | 註釋 串珠 康來昌 原文 典藏 |
5:18 | Lí khòaⁿ, góa só͘ khòaⁿ-chò hó kah bí-biāu ê, to̍h-sī lâng tī Siōng-tè siúⁿ-sù i it-seng ê ji̍t-chí lâi lim-chia̍h, hióng-siū tī ji̍t-kng ê ē-bīn lô-lo̍k só͘ tit tio̍h ê hó pò-siúⁿ, in-ūi che sī i ê hūn-gia̍h. | 註釋 串珠 康來昌 原文 典藏 |
5:19 | Kiàn-nā tit tio̍h Siōng-tè hō͘ i ū chîⁿ-châi lâi hó-gia̍h, hō͘ i ē-tàng hióng-siū, chhú i ê hūn-gia̍h, tī i ê lô-khó͘ tiong lâi khoài-lo̍k, che sī Siōng-tè ê siúⁿ-sù. | 註釋 串珠 康來昌 原文 典藏 |
5:20 | I m̄-bián su-sióng it-seng ê nî-ji̍t, in-ūi Siōng-tè ū chiàu i sim só͘ ì-ài ê kā i pò-siúⁿ. | 註釋 串珠 康來昌 原文 典藏 |