章節 | 全民台語聖經全羅經文 | 註釋 |
1:1 | Khang-hi ê Jîn-sengTī Ê-lú-sa-lèm chò ông, Ta-bi̍t ê kiáⁿ, thoân-tō ê ōe. | 註釋 串珠 康來昌 原文 典藏 |
1:2 | Thoân-tō-chiá kóng: Khang-hi ê khang-hi, khang-hi ê khang-hi, hoân-sū lóng sī khang-hi. | 註釋 串珠 康來昌 原文 典藏 |
1:3 | Lâng it-chhè ê lô-khó͘, to̍h-sī i tī ji̍t-kng ê ē-bīn só͘ lô-khó͘ ê, ū siáⁿ-mi̍h lī-ek? | 註釋 串珠 康來昌 原文 典藏 |
1:4 | Chi̍t tāi kòe-.khì, koh chi̍t tāi lâi, chóng-.sī, tē iû-goân chûn-chāi. | 註釋 串珠 康來昌 原文 典藏 |
1:5 | Ji̍t chhut, ji̍t lo̍h, kóaⁿ-kín chàu tò tńg-khì i só͘ chhut-.lâi ê só͘-chāi. | 註釋 串珠 康來昌 原文 典藏 |
1:6 | Hong chhoe ǹg lâm, koh tò tńg-lâi ǹg pak, tńg-se̍h bô soah, mā tò tńg-khì tī i tńg-se̍h ê khoân. | 註釋 串珠 康來昌 原文 典藏 |
1:7 | Kang-hô lóng lâu lo̍h hái, chóng-.sī, hái ā bô móa; kang-hô lâu kàu tó-ūi, chiū koh lâu kàu hia. | 註釋 串珠 康來昌 原文 典藏 |
1:8 | Bān sū lô-khó͘ kàu-ke̍k, lâng kóng bē chīn; ba̍k-chiu khòaⁿ, khòaⁿ bē pá; hīⁿ-khang thiaⁿ, thiaⁿ bē tīⁿ. | 註釋 串珠 康來昌 原文 典藏 |
1:9 | Só͘ ē ū ê sī chá-chêng í-keng to̍h ū ê; só͘ ē chò ê sī chá-chêng í-keng to̍h chò ê. Tī ji̍t-kng ê ē-bīn bô ū sin ê tāichì. | 註釋 串珠 康來昌 原文 典藏 |
1:10 | Kám ū siáⁿ-mi̍h sū, lâng thang kí Siōng-tè kóng: Lí khòaⁿ chit-ê sī sin ê? Tī lán í-chêng ê sè-tāi, chá-chá í-keng to̍h ū à. | 註釋 串珠 康來昌 原文 典藏 |
1:11 | Í-keng kòe-.khì ê sè-tāi, bô lâng ē kì-.tit; chiong-lâi ê sè-tāi, āu-lâi ê lâng mā bē kì-.tit. | 註釋 串珠 康來昌 原文 典藏 |
1:12 | Thoân-tō-chiá ê Keng-giāmGóa chò thoân-tō ê, bat tī Ê-lú-sa-lèm chò I-su-la-el ông. | 註釋 串珠 康來昌 原文 典藏 |
1:13 | Góa choan-sim ēng tì-hūi gián-kiù chhâ-khó thian-hā só͘ chò it-chhè ê tāichì, chiū chai Siōng-tè só͘ hō͘ lâng lô-khó͘ ê sī thòng-khó͘ ê lô-khó͘. | 註釋 串珠 康來昌 原文 典藏 |
1:14 | Góa khòaⁿ tio̍h ji̍t-kng ê ē-bīn só͘ chò it-chhè ê tāichì. Lí khòaⁿ, lóng sī khang-hi, lóng sī teh lia̍h-hong. | 註釋 串珠 康來昌 原文 典藏 |
1:15 | Oan-khiau ê bē tàng hō͘ i ti̍t, bô chûn-chāi ê bē tàng koh sǹg-.tit. | 註釋 串珠 康來昌 原文 典藏 |
1:16 | Góa ê sim-lāi siūⁿ kóng, " Lí khòaⁿ, góa tit tio̍h tōa tì-hūi, iâⁿ-kòe góa í-chêng só͘-ū tī Ê-lú-sa-lèm ê lâng; jî-chhiáⁿ góa ê sim ū keng-le̍k kòe chin chē tì-hūi kah tì-sek. " | 註釋 串珠 康來昌 原文 典藏 |
1:17 | Góa choan-sim tì-ì ài chai tì-hūi, ài chai tian-kông kah gû-gōng, jiân-āu chiū chai che mā sī teh lia̍h-hong. | 註釋 串珠 康來昌 原文 典藏 |
1:18 | In-ūi ū chin chē tì-hūi chiū ē ū chin chē hoân-ló, ke-thiⁿ tì-sek chiū ke-thiⁿ iu-siong. | 註釋 串珠 康來昌 原文 典藏 |