章節 | 全民台語聖經全羅經文 | 註釋 |
31:1 | Tùi Ông ê Khoàn-biánMak-sá ông Le-mu-el ê lāu-bú só͘ kà-sī ê ōe, | 註釋 串珠 康來昌 原文 典藏 |
31:2 | Góa ê kiáⁿ, góa chhin-seⁿ ê kiáⁿ, góa hē goān tit tio̍h ê kiáⁿ, góa tio̍h án-chóaⁿ kā lí kà-sī? | 註釋 串珠 康來昌 原文 典藏 |
31:3 | M̄-thang kā lí ê cheng-le̍k choân-pō͘ hō͘ chabó͘ lâng, lí ê só͘ chò m̄ thang chiàu hiahê pāi-hoāi ê ông. | 註釋 串珠 康來昌 字典 原文 典藏 |
31:4 | Le-mu-el, chò ông lim chiú sī bô ha̍p-gî; ông-chhin nā kóng, " Kāu-chiú tī tó-ūi? ", mā sī bô ha̍p-gî. | C註釋 註釋 串珠 康來昌 字典 原文 典藏 |
31:5 | Khióng-kiaⁿ in lim lo̍h-khì chiū bē kì-tit lu̍t-hoat, phòaⁿ-toàn só͘-ū siū khó͘ ê lâng ê àn-kiāⁿ chiū ē ū phian-chha. | 註釋 串珠 康來昌 原文 典藏 |
31:6 | Kāu-chiú tio̍h hō͘ teh beh sí ê lâng lim, chiú tio̍h hō͘ kan-khó͘-sim ê lâng lim; | 註釋 串珠 康來昌 字典 原文 典藏 |
31:7 | hō͘ i lim-liáu bē kì-tit i ê sànchhiah, bô koh ē kì-tit i ê kan-khó͘. | 註釋 串珠 康來昌 原文 典藏 |
31:8 | Lí tio̍h ūi é-káu ê lâng lâi khui chhùi, ūi só͘ ū bô i-óa ê lâng lâi sin-oan. | 註釋 串珠 康來昌 原文 典藏 |
31:9 | Lí tio̍h khui chhùi chiàu kong-gī phòaⁿ-toàn, ūi khùn-khó͘ kah sànchhiah ê lâng sin-oan. | 註釋 串珠 康來昌 原文 典藏 |
31:10 | Ū Châi-tek ê Cha-bó͘ LângSiáⁿ lâng chhōe ē tio̍h ū châi-tek ê chabó͘ lâng? I ê kè-ta̍t tōa-tōa iâⁿ-kòe pó-chio̍h. | 註釋 串珠 康來昌 原文 典藏 |
31:11 | I ê tiōng-hu ê sim óa-khò i, lóng bô khiàm-khoeh siáⁿ-mi̍h. | 註釋 串珠 康來昌 原文 典藏 |
31:12 | I chi̍t-sì-lâng ê ji̍t-chí, hō͘ tiōng-hu ū lī-ek bô sún-hāi. | 註釋 串珠 康來昌 原文 典藏 |
31:13 | I ēng mî-iûⁿ ê mn̂g kah iù-môa chò saⁿ, kam-sim ēng chhiú chò-kang. | 註釋 串珠 康來昌 字典 原文 典藏 |
31:14 | I chhin-chhiūⁿ siong-chûn, tùi hn̄g-hn̄g ūn bí-niûⁿ lâi. | 註釋 串珠 康來昌 字典 原文 典藏 |
31:15 | Thiⁿ bōe kng, i chiū khí-.lâi, ūi chhù lāi ê lâng chún-pī chia̍h-mi̍h, koh kā eng-kai chò ê kang hun-phài hō͘ lú-pī. | 註釋 串珠 康來昌 原文 典藏 |
31:16 | I chim-chiok khòaⁿ chhân-hn̂g, nā ū hó ê thó͘-tē chiū bé khí-.lâi, koh ēng i ê chhiú só͘ thàn ê chîⁿ lâi chai-chèng phû-tô hn̂g. | 註釋 串珠 康來昌 字典 原文 典藏 |
31:17 | I ēng khùi-la̍t chò tòa hâ io, koh hō͘ i ê chhiú-kut giám-ngē. | 註釋 串珠 康來昌 原文 典藏 |
31:18 | I chai-iáⁿ i só͘ keng-êng ê sī ū lī-ek; i kui mê chò-kang, teng-hóe lóng bô hoa. | 註釋 串珠 康來昌 字典 原文 典藏 |
31:19 | I ê chhiú the̍h ák-á, i ê chhiú-sim hōaⁿ pháng-chhia. | 註釋 串珠 康來昌 字典 原文 典藏 |
31:20 | I chhut-chhiú chín-chè kan-khó͘ lâng, chhun chhiú pang-chān sànchhiah lâng. | 註釋 串珠 康來昌 原文 典藏 |
31:21 | I m̄-bián in-ūi lo̍h seh lâi ūi chhù lāi ê lâng chhau-hoân, in-ūi choân ke lóng chhēng chu-âng ê saⁿ-khò͘. | 註釋 串珠 康來昌 字典 原文 典藏 |
31:22 | I ūi kakī chò súi ê thán-á; i chhēng iù-tē pò͘ kah chí-sek pò͘ ê saⁿ-khò͘. | 註釋 串珠 康來昌 字典 原文 典藏 |
31:23 | I ê tiōng-hu tī siâⁿ mn̂g-kháu lâng-lâng bat, in-ūi i kah pún-tē ê tiúⁿ-ló chò-hóe chē. | 註釋 串珠 康來昌 字典 原文 典藏 |
31:24 | I chò iù-tē pò͘ ê saⁿ-khò͘ khì bē, koh kā io-tòa bē hō͘ senglí lâng. | 註釋 串珠 康來昌 字典 原文 典藏 |
31:25 | Khùi-la̍t kah ui-gî sī i ê saⁿ-khò͘; i siūⁿ tio̍h chiong-lâi ê kéng-hóng chiū hoaⁿ-hí chhiò. | 註釋 串珠 康來昌 字典 原文 典藏 |
31:26 | I khui chhùi chiū kóng tì-sek ê ōe; i ê chi̍h ū jîn-chû ê kà-sī. | 註釋 串珠 康來昌 原文 典藏 |
31:27 | I chim-chiok khòaⁿ chhù lāi ê tāichì, bô chia̍h êng-pn̄g. | 註釋 串珠 康來昌 字典 原文 典藏 |
31:28 | I ê kiáⁿ-jî khùn chhéⁿ khí-lâi chiū kā i chiok-hok; i ê tiōng-hu mā oló i, | 註釋 串珠 康來昌 原文 典藏 |
31:29 | kóng: Hó tek-hēng ê chabó͘ lâng chin chē, to̍k-to̍k lí sī siōng hó ê. | 註釋 串珠 康來昌 原文 典藏 |
31:30 | Gōa-piáu hó khòaⁿ sī hi-ké, súi mā sī khang-khang; to̍k-to̍k kèng-ùi Siōng-chú ê chabó͘ lâng ē tit tio̍h oló. | 註釋 串珠 康來昌 原文 典藏 |
31:31 | I ê chhiú só͘ chò ê sêng-kó tio̍h kui i; i ê sêng-chiū tī siâⁿ mn̂g tāi-chiòng bīn-chêng eng-kai tit tio̍h oló. | C註釋 註釋 串珠 康來昌 字典 原文 典藏 |