章節 | 全民台語聖經全羅經文 | 註釋 |
30:1 | A-gú-l ê Chim-giânIa-keh ê kiáⁿ A-gú-l ê ōe, to̍h-sī be̍k-sī; chit-ê lâng tùi I-thé-el kah U-kal kóng, | 註釋 串珠 康來昌 原文 典藏 |
30:2 | " Góa pí kûn-chiòng khah gû-gōng, mā bô it-poaⁿ lâng ê chhong-bêng. | 註釋 串珠 康來昌 原文 典藏 |
30:3 | Góa bô o̍h tio̍h tì-hūi, mā m̄ bat chì-sèng-.ê ê tì-sek. | 註釋 串珠 康來昌 原文 典藏 |
30:4 | Siáⁿ lâng bat chiūⁿ thiⁿ koh lo̍h-.lâi? Siáⁿ lâng bat kā hong chū-chi̍p tī chhiú tiong? Siáⁿ lâng bat kā chúi pau tī saⁿ-á lāi? Siáⁿ lâng bat tiāⁿ tio̍h tē ê sì-ke̍k? I ê miâ kiò-chò siáⁿ-mi̍h, I kiáⁿ ê miâ kiò-chò siáⁿ-mi̍h, lí kám chai? | 註釋 串珠 康來昌 字典 原文 典藏 |
30:5 | Siōng-tè ê ōe ta̍k kù lóng ū keng-kòe toàn-liān, kiàn-nā óa-khò I ê lâng, I chiū chò in ê tîn-pâi. | 註釋 串珠 康來昌 字典 原文 典藏 |
30:6 | I ê ōe, lí m̄ thang ke-thiⁿ; khióng-kiaⁿ I ē kā lí chek-pī, lí chiū hián-bêng sī teh kóng pe̍h-chha̍t. | 註釋 串珠 康來昌 原文 典藏 |
30:7 | Kî-tha ê Chim-giânGóa kiû Lí nn̄g kiāⁿ sū; tī góa bōe sí chìn-chêng, m̄ thang bô hō͘ góa. | 註釋 串珠 康來昌 原文 典藏 |
30:8 | Kiû Lí hō͘ hi-ké kah pe̍h-chha̍t lī-khui góa hn̄g-hn̄g; hō͘ góa bô sànchhiah, mā bô hó gia̍h. Kiû Lí kantaⁿ sù góa kàu-gia̍h ê bí-niûⁿ, | 註釋 串珠 康來昌 字典 原文 典藏 |
30:9 | Bián-tit góa nā pá-chiok soah m̄-jīn Lí, kóng Siōng-chú sī siáⁿ lâng? Koh khióng-kiaⁿ góa sànchhiah chiū ē thau-the̍h, tì-kàu siat-to̍k góa ê Siōng-tè ê miâ. | 註釋 串珠 康來昌 原文 典藏 |
30:10 | M̄-thang tùi chú-lâng kóng i lô͘-po̍k ê pháiⁿ ōe, khióng-kiaⁿ chú-lâng ē kā i chiù-chó͘, lí soah sǹg-chò ū chōe. | 註釋 串珠 康來昌 原文 典藏 |
30:11 | Ū chi̍t-kóa lâng chiù-chó͘ i ê lāu-pē, mā bô kā i ê lāu-bú chiok-hok. | 註釋 串珠 康來昌 原文 典藏 |
30:12 | Ū chi̍t-kóa lâng, kakī khòaⁿ-chò chheng-khì; chóng-.sī, pēng bô sé-tû kakī ê ù-òe. | 註釋 串珠 康來昌 原文 典藏 |
30:13 | Ū chi̍t-kóa lâng ba̍k-thâu hui-siông koân, ba̍k-chiu phôe mā thí koân-koân. | 註釋 串珠 康來昌 原文 典藏 |
30:14 | Koh ū chi̍t-kóa lâng ê gê chhin-chhiūⁿ kiàm, khí chhin-chhiūⁿ to, in beh thun-bia̍t tē-bīn chiūⁿ khùn-khó͘ ê lâng kah sè-kan ê sànchhiah lâng. | 註釋 串珠 康來昌 字典 原文 典藏 |
30:15 | Gô͘-khî ū nn̄g-ê chabó͘ kiáⁿ, in tiāⁿtiāⁿ kóng, " Hō͘ góa, hō͘ góa! " In ū saⁿ hāng bē ti chiok ê, nā liân m̄ bat kóng " Kàu-gia̍h "ê ū sì hāng: | 註釋 串珠 康來昌 字典 原文 典藏 |
30:16 | to̍h-sī im-hú, bē hoâi-īn ê chio̍h thai, bô kàu chúi ê tē kah bē kóng " Kàu-gia̍h " ê hóe. | C註釋 註釋 串珠 康來昌 原文 典藏 |
30:17 | Hì-lāng lāu-pē, khòaⁿ-khin koh m̄ chun-thàn lāu-bú ê ōe ê lâng, in ê ba̍k-chiu ē hō͘ soaⁿ-kok tiong ê o͘-a tok chhut-.lâi, ē hō͘ eng-á-kiáⁿ chia̍h lo̍h-pak. | 註釋 串珠 康來昌 字典 原文 典藏 |
30:18 | Góa só͘ siūⁿ bē chhut ê kî-biāu ū saⁿ hāng, liân góa só͘ m̄-chai ê ū sì hāng, | 註釋 串珠 康來昌 原文 典藏 |
30:19 | Chiū-sī eng-chiáu tī khong-tiong ê lō͘, chôa tī chio̍h-pôaⁿ téng ê lō͘, chûn tī hái tiong ê lō͘, lâm kak lú kau-ha̍p ê lō͘. | 註釋 串珠 康來昌 字典 原文 典藏 |
30:20 | Îm-hū ê lō͘ mā sī ánne, i chia̍h-liáu, chhit chhùi chiū kóng, " Góa bô chò pháiⁿ. " | 註釋 串珠 康來昌 字典 原文 典藏 |
30:21 | Hō͘ tē iô-tāng ê goân-in ū saⁿ hāng, liân tam-tng bē khí ê ū sì hāng: | 註釋 串珠 康來昌 原文 典藏 |
30:22 | to̍h-sī lô͘-po̍k chò ông, gōng lâng chia̍h kàu pá, | 註釋 串珠 康來昌 字典 原文 典藏 |
30:23 | Bô lâng-iân ê lú-chú chhut-kè, lú-pī chhú-tāi chú-bó. | 註釋 串珠 康來昌 原文 典藏 |
30:24 | Tē-bīn chiūⁿ ū sì hāng bî-sè ê oa̍h-mi̍h, chóng-.sī, ke̍k ū tì-sek. | 註釋 串珠 康來昌 原文 典藏 |
30:25 | Káu-hiā sī bô la̍t ê tōng-bu̍t, chóng-.sī, ē-hiáu tī joa̍h-thiⁿ sî chún-pī chia̍h-mi̍h. | 註釋 串珠 康來昌 字典 原文 典藏 |
30:26 | Soa-hoan sī loán-jio̍k ê tōng-bu̍t, chóng-.sī, ē-hiáu tī chio̍h-pôaⁿ téng khí chhù. | 註釋 串珠 康來昌 字典 原文 典藏 |
30:27 | Chháu-me̍h bô kun-ông, chóng-.sī, lóng ē-hiáu hun tūi chhut-.khì. | 註釋 串珠 康來昌 字典 原文 典藏 |
30:28 | Sian-ang-á ē-tàng ēng chhiú lia̍h, chóng-.sī, in tòa tī ông-kiong lāi. | 註釋 串珠 康來昌 字典 原文 典藏 |
30:29 | Kiâⁿ-lō͘ ui-hong ê ū saⁿ hāng, liân kiâⁿ-ta̍h kha-pō͘ ui-hong ê ū sì hāng: | 註釋 串珠 康來昌 原文 典藏 |
30:30 | sai sī iá-siù tiong tē-it béng, i bián ūi tio̍h pa̍t mi̍h lâi siám-phiah; | C註釋 註釋 串珠 康來昌 字典 原文 典藏 |
30:31 | kî-tha saⁿ-ê sī la̍h-káu kah kang ê soaⁿ-iûⁿ, í-ki̍p bô lâng ē-tàng tí-te̍k ê kun-ông. | 註釋 串珠 康來昌 字典 原文 典藏 |
30:32 | Lí nā kiau-ngō͘, gōng-gōng-á chò, á-.sī chûn pháiⁿ liām-thâu, tio̍h ēng chhiú am chhùi. | 註釋 串珠 康來昌 原文 典藏 |
30:33 | Phah gû-leng ē piàn-sêng leng-iû, phah tio̍h phīⁿ-khang ē chhut-hoeh; chhin-chhiūⁿ ánne, kek lâng siū-khì ē khí sio-cheⁿ. | 註釋 串珠 康來昌 字典 原文 典藏 |