章節 | 全民台語聖經全羅經文 | 註釋 |
22:1 | Hó miâ-siaⁿ khah iâⁿ-kòe tōa hoat-châi; un-hūi pí sûn-kim, sûn-gîn khah hó. | 註釋 串珠 康來昌 字典 原文 典藏 |
22:2 | Hó-gia̍h lâng kah sànchhiah lâng hō͘-siong óng-lâi, lóng sī Siōng-chú só͘ chhòng-chō ê. | 註釋 串珠 康來昌 原文 典藏 |
22:3 | Thong-ta̍t ê lâng khòaⁿ tio̍h chai-hō chiū siám-phiah; gōng-ti̍t ê lâng chìn-chêng khì siū chai-hāi. | 註釋 串珠 康來昌 原文 典藏 |
22:4 | Khiam-pi kèng-ùi Siōng-chú ê pò-siúⁿ, to̍h-sī hó-gia̍h, chun-kùi, oa̍h-miā. | 註釋 串珠 康來昌 原文 典藏 |
22:5 | O͘-pe̍h-kóng ê lâng ê lō͘ ū chhì-phè kah lô-bāng; pó-siú kakī lêng-hûn ê lâng lī-khui hit tiâu lō͘ hn̄g-hn̄g. | 註釋 串珠 康來昌 字典 原文 典藏 |
22:6 | Kàu-ióng gín'á tio̍h ēng ha̍p-gî ê hong-hoat, i kàu-lāu lóng-bē oai-chhoa̍h. | 註釋 串珠 康來昌 字典 原文 典藏 |
22:7 | Hó-gia̍h lâng koán-hat sànchhiah lâng; khiàm-chè ê lâng chò chè-chú ê chhe-ēng. | 註釋 串珠 康來昌 原文 典藏 |
22:8 | Chai-chèng chōe-ok ê lâng ē siu tio̍h chai-hō; i siū-khì ê koái-á ē siū hùi-tû. | 註釋 串珠 康來昌 字典 原文 典藏 |
22:9 | Hó sim ê lâng ē tit tio̍h hok-khì, in-ūi i kā bí-niûⁿ pun hō͘ sànchhiah lâng. | 註釋 串珠 康來昌 字典 原文 典藏 |
22:10 | Kā bú-bān ê lâng kóaⁿ chhut-.khì chiū bô sio-cheⁿ, oan-ke kah lêng-jio̍k mā ē soah. | 註釋 串珠 康來昌 原文 典藏 |
22:11 | Ài sim-koaⁿ chheng-khì ê lâng kóng un-tián ê ōe, ông ē chò i ê pêng-iú. | 註釋 串珠 康來昌 原文 典藏 |
22:12 | Siōng-chú ê ba̍k-chiu khòaⁿ-kò͘ chhong-bêng ê lâng; chóng-.sī, i pāi-hoāi kan-chà lâng ê giân-gí. | 註釋 串珠 康來昌 原文 典藏 |
22:13 | Pîn-tōaⁿ ê lâng kóng, " Ū sai tī gōa-bīn, góa nā khì ke-lō͘, ē hō͘ i kā-sí. " | 註釋 串珠 康來昌 字典 原文 典藏 |
22:14 | Îm-hū ê chhùi sī chhim kheⁿ; Siōng-chú só͘ thó-ià ê lâng ē poa̍h lo̍h-khì hit lāi-bīn. | 註釋 串珠 康來昌 字典 原文 典藏 |
22:15 | Gû-gōng pa̍k-tîⁿ tī gín'á ê sim-lāi; m̄ koh, kàu-tok ê koái-á ē kā gû-gōng kóaⁿ lī-khui hn̄g-hn̄g. | 註釋 串珠 康來昌 字典 原文 典藏 |
22:16 | Khi-hū sànchhiah lâng lâi lī-ek kakī, koh sàng lé-mi̍h hō͘ hó-gia̍h lâng ê lâng, lóng ē tì-kàu khiàm-khoeh. | 註釋 串珠 康來昌 原文 典藏 |
22:17 | Tì-hūi lâng ê ŌeLí tio̍h àⁿ hīⁿ-khang thiaⁿ tì-hūi lâng ê ōe; choan-sim lâi niá-siū góa ê tì-sek. | 註釋 串珠 康來昌 原文 典藏 |
22:18 | Nā chûn tī lí ê sim, tiàu tī lí ê chhùi-tûn, che to̍h-sī hó. | 註釋 串珠 康來昌 原文 典藏 |
22:19 | Góa kin-á-ji̍t thiau-tî ēng che chí-sī lí, sī ūi tio̍h beh hō͘ lí óa-khò Siōng-chú. | 註釋 串珠 康來昌 原文 典藏 |
22:20 | Kè-ōe kah tì-sek ê hó-chhù, góa kám bô siá hō͘ lí? | 註釋 串珠 康來昌 原文 典藏 |
22:21 | Hō͘ lí chai chin-lí ê ōe khak-si̍t khó-khò; hō͘ lí thang ēng chin-lí ê ōe hôe-hok chhe-phài lí ê lâng. | 註釋 串珠 康來昌 原文 典藏 |
22:22 | Saⁿ-cha̍p Tiâu Tì-hūi ê ŌeTē-it TiâuM̄-thang chhiúⁿ-kiap sànchhiah lâng ê mi̍h, in-ūi i sànchhiah; mā m̄ thang tī siâⁿ mn̂g-kháu khi-hū khùn-khó͘ ê lâng, | 註釋 串珠 康來昌 字典 原文 典藏 |
22:23 | In-ūi Siōng-chú ē thè i sin-oan; chhiúⁿ-toa̍t in ê lâng, Siōng-chú ē chhiúⁿ-toa̍t hiahê lâng ê sèⁿ-miā. | 註釋 串珠 康來昌 原文 典藏 |
22:24 | Tē-jī TiâuKhoài siū-khì ê lâng m̄ thang kah i kau-pôe; tōa siū-khì ê lâng, m̄ thang kah i óng-lâi. | 註釋 串珠 康來昌 原文 典藏 |
22:25 | Khióng-kiaⁿ lí ē o̍h i ê hêng-ûi, kakī soah hām-lo̍h lô-bāng. | 註釋 串珠 康來昌 字典 原文 典藏 |
22:26 | Tē-saⁿ TiâuLí m̄ thang chò hit khoán kā lâng tap-èng, á-.sī kā khiàm-chîⁿ ê lâng chò tam-pó ê tāichì. | 註釋 串珠 康來昌 原文 典藏 |
22:27 | Lí nā bô thang hêng, khióng-kiaⁿ lâng ē lâi kā lí teh khùn ê bîn-chhn̂g giâ khì. | 註釋 串珠 康來昌 字典 原文 典藏 |
22:28 | Tē-sì TiâuChá-chêng lí ê chó͘-sian só͘ li̍p ê tē-kài, lí m̄ thang chhian-sóa. | 註釋 串珠 康來昌 字典 原文 典藏 |
22:29 | Tē-gō͘ TiâuLí ū khòaⁿ tio̍h lâng in-khîn pān tāichì ê lâng bô? I ē khiā tī ông ê bīn-chêng, bô beh khiā tī kē-chàn lâng ê bīn-chêng. | 註釋 串珠 康來昌 原文 典藏 |