章節 | 全民台語聖經全羅經文 | 註釋 |
19:1 | Chèng-ti̍t ê sànchhiah lâng, iâⁿ-kòe o͘-pe̍h-kóng koh gû-gōng ê lâng. | 註釋 串珠 康來昌 原文 典藏 |
19:2 | Jia̍t-sim nā bô tì-sek sī m̄-hó; kha kiâⁿ kín ê lâng bē bián-tit ē hoān chōe. | 註釋 串珠 康來昌 原文 典藏 |
19:3 | Lâng in-ūi gû-gōng lâi pāi-hoāi kakī ê lō͘, i ê sim tian-tò-khì bâi-oàn Siōng-chú. | 註釋 串珠 康來昌 字典 原文 典藏 |
19:4 | Hó-gia̍h chiū ē ke-thiⁿ chin chē pêng-iú, sànchhiah chiū ē hō͘ pêng-iú lī-khui i. | 註釋 串珠 康來昌 原文 典藏 |
19:5 | Lām-sám kiàn-chèng ê lâng bē bián-tit ē siū hêng-hoa̍t; kóng pe̍h-chha̍t mā bē tàng tô-thoat hêng-hoa̍t. | 註釋 串珠 康來昌 原文 典藏 |
19:6 | Chiáng-koân ê lâng, chin chē lâng ē tùi i kiû un; chín-chè ê lâng, lâng-lâng chò i ê pêng-iú. | 註釋 串珠 康來昌 原文 典藏 |
19:7 | Sàn-chhiah lâng liân i ê hiaⁿ-tī to thó-ià i, hô-hòng i ê pêng-iú koh khah ē lī-khui i; jiok beh kah in kóng-ōe, in í-keng bô tī hia. | 註釋 串珠 康來昌 原文 典藏 |
19:8 | Tit tio̍h tì-hūi ê lâng, ē thiàⁿ-sioh i ê lêng-hûn; pó-siú bêng-lí ê lâng, ē tit tio̍h hok-khì. | 註釋 串珠 康來昌 原文 典藏 |
19:9 | Lām-sám kiàn-chèng ê lâng bē bián-tit siū hêng-hoa̍t; kóng pe̍h-chha̍t ê lâng ē tú tio̍h bia̍t-bông. | 註釋 串珠 康來昌 原文 典藏 |
19:10 | Gōng lâng hióng-siū iàn-lo̍k sī bô ha̍p-gî; lô͘-po̍k koán-hat kùi-cho̍k koh khah bô eng-kai. | 註釋 串珠 康來昌 原文 典藏 |
19:11 | Lâng ū kiàn-sek chiū bē khoài siū-khì; sià-bián lâng ê kòe-sit to̍h-sī kakī ê êng-kng. | 註釋 串珠 康來昌 原文 典藏 |
19:12 | Ông ê tōa siū-khì chhin-chhiūⁿ sai hm̄-hm̄ háu; i ê un-tián chhin-chhiūⁿ chháu-téng ê lō͘-chúi. | 註釋 串珠 康來昌 字典 原文 典藏 |
19:13 | Gōng kiáⁿ sī lāu-pē ê chai-hō; bó͘ ê chháu-nāu chhin-chhiūⁿ hō͘-chúi chho̍p-chho̍p tih. | 註釋 串珠 康來昌 原文 典藏 |
19:14 | Chhù-the̍h châi-sán sī chó͘-sian só͘ lâu ê, to̍k-to̍k hiân-hūi ê bó͘ sī Siōng-chú só͘ sù. | 註釋 串珠 康來昌 原文 典藏 |
19:15 | Lán-si ê lâng khùn tāng-bîn, pîntōaⁿ ê lâng ē tú tio̍h iau-gō. | 註釋 串珠 康來昌 原文 典藏 |
19:16 | Siú kài-bēng ê lâng sī teh siú lêng-hûn; bô sè-jī kiâⁿ Siōng-chú ê lō͘ ē tì-kàu sí-bông. | 註釋 串珠 康來昌 字典 原文 典藏 |
19:17 | Chín-chè sànchhiah lâng to̍h-sī teh chioh hō͘ Siōng-chú; I ē chiàu i só͘ kiâⁿ ê hó sū lâi hêng i. | 註釋 串珠 康來昌 原文 典藏 |
19:18 | Thàn iáu ū ǹg-bāng, tio̍h kàu-tok lí ê kiáⁿ, lí m̄ thang siūⁿ beh hō͘ i sí. | 註釋 串珠 康來昌 原文 典藏 |
19:19 | Khoài siū-khì ê lâng it-tēng tio̍h siū hêng-hoa̍t, lí nā kiù i tio̍h koh ke chi̍t pái hêng-hoa̍t. | 註釋 串珠 康來昌 原文 典藏 |
19:20 | Lí tio̍h thiaⁿ khó͘-khǹg, siū kà-sī, thang hō͘ lí kàu bóe ū tì-hūi. | 註釋 串珠 康來昌 原文 典藏 |
19:21 | Lâng sim-lāi ū chin chē kè-bô͘, chí ū Siōng-chú ê chí-ì chiah ē ún-tàng si̍t-hiān. | 註釋 串珠 康來昌 原文 典藏 |
19:22 | Lâng só͘ ì-ài sī i ê jîn-chû; sànchhiah pí kóng pe̍h-chha̍t khah hó. | 註釋 串珠 康來昌 原文 典藏 |
19:23 | Kèng-ùi Siōng-chú chiū ē tit tio̍h oa̍h-miā; i ē an-ki pá-chiok bē tú tio̍h chai-hō. | 註釋 串珠 康來昌 原文 典藏 |
19:24 | Pîn-tōaⁿ ê lâng chhun chhiú tī pôaⁿ-.ni̍h, mā m̄-khéng the̍h kàu chhùi. | 註釋 串珠 康來昌 字典 原文 典藏 |
19:25 | Phah bú-bān ê lâng ē hō͘ gōng-ti̍t ê lâng chhéⁿ-ngō͘; chek-pī bêng-lí ê lâng ē hō͘ i koh khah ū tì-sek. | 註釋 串珠 康來昌 原文 典藏 |
19:26 | Pháiⁿ khoán-thāi lāu-pē koh kóaⁿ-chhut lāu-bú ê lâng, sī sià bīn-chú koh tì-kàu lêng-jio̍k ê kiáⁿ. | 註釋 串珠 康來昌 原文 典藏 |
19:27 | Góa ê kiáⁿ, choa̍t-tùi m̄ thang phian-lī tì-sek ê ōe, tì-sú bô thiaⁿ koán-kà. | 註釋 串珠 康來昌 原文 典藏 |
19:28 | Chò hi-ké kiàn-chèng sī teh bú-bān kong-pêⁿ, pháiⁿ lâng kā chōe-ok chún pn̄g thun lo̍h-.khì. | 註釋 串珠 康來昌 原文 典藏 |
19:29 | Hêng-hoa̍t sī ūi tio̍h bú-bān ê lâng lâi siat; piⁿ-phah mā sī ūi tio̍h gōng lâng ê kha-chiah-phiaⁿ lâi chún-pī. | 註釋 串珠 康來昌 原文 典藏 |