章節 | 全民台語聖經全羅經文 | 註釋 |
17:1 | Iàn-se̍k móa chhù mā ū sio-cheⁿ, put-jû chi̍t tè-á piáⁿ koh ū hô-bo̍k. | 註釋 串珠 康來昌 字典 原文 典藏 |
17:2 | Gâu pān tāichì ê lô͘-po̍k ē koán-kà sià thé-biān ê kiáⁿ; koh ē-tàng tī hiaⁿ-tī ê tiong-kan kah in chò-hóe pun ke-hóe. | 註釋 串珠 康來昌 原文 典藏 |
17:3 | Tiáⁿ sī beh toàn-liān gîn, lô͘ sī beh toàn-liān kim, to̍k-to̍k Siōng-chú sī teh toàn-liān lâng ê sim. | 註釋 串珠 康來昌 字典 原文 典藏 |
17:4 | Chò pháiⁿ ê lâng ài chù-ì thiaⁿ kan-chà ê ōe, kóng pe̍h-chha̍t ê lâng ài chù-ì thiaⁿ siâ-ok ê giân-gí. | 註釋 串珠 康來昌 原文 典藏 |
17:5 | Thí-chhiò sànchhiah lâng sī teh lêng-jio̍k Chhòng-chō-chú; ài lâng tú tio̍h chai-hō ê lâng it-tēng ē siū hêng-hoa̍t. | 註釋 串珠 康來昌 原文 典藏 |
17:6 | Kiáⁿ-sun sī lāu lâng ê bián-liû, lāu-pē sī kiáⁿ-jî ê êng-kng. | 註釋 串珠 康來昌 原文 典藏 |
17:7 | Gōng lâng kóng tōa-ōe sī bô sek-ha̍p, ū tō-tek ê lâng kóng pe̍h-chha̍t koh khah bô sek-ha̍p. | 註釋 串珠 康來昌 原文 典藏 |
17:8 | O͘-se tī i ê chú-lâng gán-tiong khòaⁿ-chò sī pó-chio̍h, in siūⁿ kóng bô-lūn kiâⁿ tó chi̍t hong-hiòng lóng ē thong. | 註釋 串珠 康來昌 原文 典藏 |
17:9 | Jia-khàm lâng ê kòe-sit ê lâng sī ì-ài thiàⁿ-sim, tāichì chho̍p-chho̍p liām ê lâng ē hō͘ chhin-bi̍t ê pêng-iú pìⁿ léng-tām. | 註釋 串珠 康來昌 原文 典藏 |
17:10 | Bêng-lí ê lâng chi̍t-ē siū chek-pī chiū thiaⁿ ji̍p-khì i ê sim, hāu-kó iâⁿ-kòe phah gōng lâng chi̍t-pah ē. | 註釋 串珠 康來昌 原文 典藏 |
17:11 | Pháiⁿ lâng chûn-sim chō-hoán, só͘-í ē chhe chân-jím ê sù-chiá khì kong-kek. | 註釋 串珠 康來昌 原文 典藏 |
17:12 | Lêng-khó tú tio̍h sit-lo̍h kiáⁿ ê hîm-bú, m̄ thang khì tú tio̍h gû-gōng koh hô͘-tô͘ ê gōng lâng. | 註釋 串珠 康來昌 字典 原文 典藏 |
17:13 | Ēng pháiⁿ pò hó ê lâng, chai-eh bē lī-khui i ê ke. | 註釋 串珠 康來昌 原文 典藏 |
17:14 | Sio-cheⁿ ê khí-thâu chhin-chhiūⁿ chúi-pân phòa-khiah; só͘-í, tī chháu-nāu ê chìn-chêng tio̍h seng hō͘ oan-ke soah-.khì. | 註釋 串珠 康來昌 原文 典藏 |
17:15 | Gí-tiāⁿ pháiⁿ lâng chò gī, á-.sī tēng gī lâng chò ū chōe ê, chit nn̄g hāng lóng sī Siōng-chú só͘ thó-ià. | 註釋 串珠 康來昌 原文 典藏 |
17:16 | Gōng lâng kì-jiân bô beh bêng-lí, the̍h-chîⁿ lâi bé tì-hūi ū siáⁿ lō͘-ēng? | 註釋 串珠 康來昌 原文 典藏 |
17:17 | Pêng-iú sī ūi tio̍h sî-siông sio chhin-ài, hiaⁿ-tī ê chhut-sì sī ūi tio̍h beh hō͘-siong hun-tam hoān-lān. | 註釋 串珠 康來昌 原文 典藏 |
17:18 | Tī chhù-piⁿ ê bīn-chêng tap-èng chò pó-chèng, hit khoán lâng to̍h-sī gōng lâng. | 註釋 串珠 康來昌 原文 典藏 |
17:19 | Ài sio-cheⁿ ê lâng sī ài hoān chōe; chū-ko ê lâng sī kakī chhú pāi-hoāi. | 註釋 串珠 康來昌 字典 原文 典藏 |
17:20 | O͘-pe̍h siūⁿ ê lâng chhōe bē tio̍h hok-khì; chi̍h péng-lâi péng-khì ê lâng ē hām-lo̍h hoān-lān. | 註釋 串珠 康來昌 原文 典藏 |
17:21 | Seⁿ tio̍h gōng kiáⁿ sī pē-bú ê iu-būn; gōng lâng ê lāu-pē lóng bô thang hoaⁿ-hí. | 註釋 串珠 康來昌 原文 典藏 |
17:22 | Hoaⁿ-hí ê sim sī liông io̍h; iu-siong ê sim ē hō͘ kut ko͘-tâ. | 註釋 串珠 康來昌 原文 典藏 |
17:23 | Pháiⁿ lâng thau-thau-á chiap-siū lâng ê o͘-se, ē hō͘ àn-kiāⁿ péng liàn-tńg. | 註釋 串珠 康來昌 字典 原文 典藏 |
17:24 | Tì-hūi sī tī bêng-lí ê lâng ê ba̍k-chiu chêng; gōng lâng ê ba̍k-chiu khòaⁿ tī tē ê ke̍k-thâu. | 註釋 串珠 康來昌 原文 典藏 |
17:25 | Gû-gōng ê kiáⁿ hō͘ lāu-pē hoân-ló, hō͘ lāu-bú iu-khó͘. | 註釋 串珠 康來昌 原文 典藏 |
17:26 | Hêng-hoa̍t gī lâng sī m̄-hó, phah péng-kong ê koaⁿ-oân mā sī m̄-hó. | 註釋 串珠 康來昌 原文 典藏 |
17:27 | Giân-gí chió ê lâng ū tì-sek, sèng-chêng chū-chāi ê lâng ū chhong-bêng. | 註釋 串珠 康來昌 原文 典藏 |
17:28 | Gōng lâng nā tiām-tiām mā sǹg-chò sī tì-hūi; bô sûi-piān kóng-ōe ê lâng mā sǹg-chò sī chhong-bêng. | 註釋 串珠 康來昌 原文 典藏 |