章節 | 全民台語聖經全羅經文 | 註釋 |
15:1 | Un-hô ê ìn-tap ē hō͘ siū-khì soah; kóng-ōe hoâiⁿ-pà ē kek-khí siū-khì. | 註釋 串珠 康來昌 原文 典藏 |
15:2 | Tì-hūi lâng ê chi̍h gâu kóng tì-sek; gōng lâng ê chhùi thò͘-chhut gû-gōng. | 註釋 串珠 康來昌 原文 典藏 |
15:3 | Siōng-chú ê ba̍k-chiu ta̍k só͘-chāi teh khòaⁿ; hó-pháiⁿ lóng ū teh kàm-chhat. | 註釋 串珠 康來昌 原文 典藏 |
15:4 | Sûn-liông ê chi̍h sī oa̍h-miā ê chhiū; nā-sī o͘-pe̍h-kóng chiū ē sún-siong sim-sîn. | 註釋 串珠 康來昌 原文 典藏 |
15:5 | Gōng lâng khòaⁿ-khin lāu-pē ê kàu-tok; goān-ì siū chek-pī ê lâng ē tit tio̍h kiàn-sek. | 註釋 串珠 康來昌 原文 典藏 |
15:6 | Gī lâng ê chhù lāi ū chin chē châi-pó; pháiⁿ lâng só͘ thàn ê ē hām-hāi kakī. | 註釋 串珠 康來昌 原文 典藏 |
15:7 | Tì-hūi lâng ê chhùi-tûn soan-iông tì-sek; gōng lâng ê sim lóng bô ánne. | 註釋 串珠 康來昌 原文 典藏 |
15:8 | Pháiⁿ lâng hiàn chè sī Siōng-chú só͘ thó-ià; chèng-ti̍t lâng ê kî-tó sī I só͘ hoaⁿ-hí. | 註釋 串珠 康來昌 原文 典藏 |
15:9 | Pháiⁿ lâng ê lō͘ sī Siōng-chú só͘ thó-ià ê; to̍k-to̍k tui-kiû kong-gī ê lâng ē tit I thiàⁿ. | 註釋 串珠 康來昌 字典 原文 典藏 |
15:10 | Pàng-sak chiàⁿ lō͘ ê lâng ē siū chin tāng ê chek-hoa̍t; oàn-hūn chek-pī ê lâng ē tì-kàu sí-bông. | 註釋 串珠 康來昌 字典 原文 典藏 |
15:11 | Im-hú kah bia̍t-bô lóng tī Siōng-chú ê ba̍k-chiu chêng, hô-hòng sè-kan lâng ê sim kám bô koh khah siū I kàm-chhat? | 註釋 串珠 康來昌 原文 典藏 |
15:12 | Bú-bān ê lâng bô ài siū chek-pī, mā bô beh lâi kìⁿ tì-hūi ê lâng. | 註釋 串珠 康來昌 原文 典藏 |
15:13 | Khoài-lo̍k ê sim ē hō͘ bīn chhiò-chhiò; iu-būn ê sim ē sún-siong sim-sîn. | 註釋 串珠 康來昌 原文 典藏 |
15:14 | Chhong-bêng lâng ē choan-sim cháu-chhōe tì-sek; gōng lâng ê chhùi kantaⁿ ì-ài gû-gōng. | 註釋 串珠 康來昌 原文 典藏 |
15:15 | Khùn-khó͘ ê lâng ji̍t-chí lóng ū chai-hō; sim khoài-lo̍k ê jîn-iàn-se̍k bô tn̄g. | 註釋 串珠 康來昌 原文 典藏 |
15:16 | Hó-gia̍h mā ū chhau-hoân, put-jû sànchhiah lâi kèng-ùi Siōng-chú. | 註釋 串珠 康來昌 原文 典藏 |
15:17 | Chia̍h chhài-se, tāi-ke sio-thiàⁿ, iâⁿ-kòe chia̍h pûi gû-á, tāi-ke sio oàn-hūn. | 註釋 串珠 康來昌 字典 原文 典藏 |
15:18 | Pháiⁿ sèng-tē ê lâng ē jiá-khí oan-ke; bô khoài siū-khì ê lâng ē hō͘ sio-cheⁿ soah. | 註釋 串珠 康來昌 原文 典藏 |
15:19 | Pìn-tōaⁿ lâng ê lō͘ ná chhin-chhiūⁿ chhì-phè ê lî-pa; chèng-ti̍t lâng ê lō͘ chiâⁿ-chò tōa lō͘. | 註釋 串珠 康來昌 字典 原文 典藏 |
15:20 | Tì-hūi ê kiáⁿ hō͘ lāu-pē hoaⁿ-hí; gōng lâng khòaⁿ-khin kakī ê lāu-bú. | 註釋 串珠 康來昌 原文 典藏 |
15:21 | Bû-ti ê lâng lia̍h gû-gōng chò hoaⁿ-hí; bêng-lí ê lâng chiàu chèng-ti̍t lâi kiâⁿ. | 註釋 串珠 康來昌 原文 典藏 |
15:22 | Bô chò-hóe chham-siông ê kè-ōe ē sit-pāi; chin chē bô͘-sū chò-hóe kè-ōe ē sêng-kong. | 註釋 串珠 康來昌 原文 典藏 |
15:23 | Lâng ê chhùi ìn-tap ha̍p-gî chiū ē hoaⁿ-hí; ha̍p sî ê ōe si̍t-chāi chin hó! | 註釋 串珠 康來昌 原文 典藏 |
15:24 | Tì-hūi ê lâng ū oa̍h-miā ê lō͘ thang kiâⁿ, chiah ē-tàng lī-khui im-hú. | 註釋 串珠 康來昌 字典 原文 典藏 |
15:25 | Siōng-chú ē thiah-húi kiau-ngō͘ ê lâng ê chhù, ē pó-hō͘ kóaⁿ-hū ê tē-kài. | 註釋 串珠 康來昌 原文 典藏 |
15:26 | Pháiⁿ ê kè-bô͘ sī Siōng-chú só͘ thó-ià; m̄ koh, hó ê ōe tī I gán-tiong sī chheng-kiat. | 註釋 串珠 康來昌 原文 典藏 |
15:27 | Tham-châi ê lâng ē hām-hāi kakī ê ke, oàn-hūn o͘-se ê lâng ē tit tio̍h oa̍h-miā. | 註釋 串珠 康來昌 原文 典藏 |
15:28 | Gī lâng ê sim siūⁿ liáu chiah ìn; pháiⁿ lâng ê chhùi thò͘-chhut pháiⁿ tāi. | 註釋 串珠 康來昌 原文 典藏 |
15:29 | Siōng-chú lī-khui pháiⁿ lâng hn̄g-hn̄g; chóng-.sī, I thiaⁿ gī lâng ê kî-tó. | 註釋 串珠 康來昌 原文 典藏 |
15:30 | Ba̍k-chiu ê kng-bêng hō͘ sim hoaⁿ-hí; hó siau-sit ē chu-jūn kin-kut. | 註釋 串珠 康來昌 原文 典藏 |
15:31 | Chun-thàn chek-pī ê lâng ē tit tio̍h oa̍h-miā, ē tòa tī tì-hūi lâng ê tiong-kan. | 註釋 串珠 康來昌 原文 典藏 |
15:32 | M̄-thiaⁿ kéng-kài ê lâng to̍h-sī khòaⁿ-khin kakī; chóng-.sī, chun-thàn chek-pī ê lâng ē tit tio̍h kiàn-sek. | 註釋 串珠 康來昌 原文 典藏 |
15:33 | Kèng-ùi Siōng-chú sī tì-hūi ê kà-sī; seng khiam-pi chiah ū êng-kng. | 註釋 串珠 康來昌 原文 典藏 |