| 章節 | 全民台語聖經全羅經文 | 註釋 |
| 14:1 | Tì-hūi ê chabó͘ lâng ta̍k-ê kiàn-li̍p kakī ê ke; gōng ê chabó͘ lâng chhin-chhiú thiah-húi ka-têng. | 註釋 串珠 康來昌 原文 典藏 |
| 14:2 | Chiàu chèng-ti̍t lâi kiâⁿ ê lâng kèng-ùi Siōng-chú; to̍k-to̍k chò tāichì hêng-ge̍k ê lâng biáu-sī Siōng-chú. | 註釋 串珠 康來昌 字典 原文 典藏 |
| 14:3 | Gōng lâng ê chhùi lāi ū kiau-ngō͘-ê koái-á; to̍k-to̍k tì-hūi lâng ê chhùi-tûn ē pó-sioh kakī. | 註釋 串珠 康來昌 原文 典藏 |
| 14:4 | Chhù nā bô gû, gû-tiâu chiū khang-khang; gû nā ū khùi-la̍t, seng-sán siu-sêng chiū ē chin chē. | 註釋 串珠 康來昌 字典 原文 典藏 |
| 14:5 | Chin-si̍t ê kiàn-chèng bô kóng pe̍h-chha̍t; ké ê kiàn-chèng kóng pe̍h-chha̍t ōe. | 註釋 串珠 康來昌 原文 典藏 |
| 14:6 | Bú-bān ê lâng beh chhōe tì-hūi, mā chhōe bē tio̍h; chhong-bêng ê lâng ē chin kín tit tio̍h tì-sek. | 註釋 串珠 康來昌 原文 典藏 |
| 14:7 | Kiâⁿ kàu gōng lâng ê bīn-chêng, chiū ē khòaⁿ tio̍h i ê chhùi-tûn bô tì-sek. | 註釋 串珠 康來昌 原文 典藏 |
| 14:8 | Thong-ta̍t ê lâng ū tì-hūi thang bêng-pe̍k i ê lō͘; gōng lâng ê gōng to̍h-sī kúi-chà. | 註釋 串珠 康來昌 字典 原文 典藏 |
| 14:9 | Gōng lâng lia̍h hoān chōe chò kún-chhiò; chèng-ti̍t lâng ê tiong-kan ū hô-pêng. | 註釋 串珠 康來昌 原文 典藏 |
| 14:10 | Ta̍k lâng ê sim ē chai kakī ê kan-khó͘; i ê hoaⁿ-hí, gōa-lâng mā bô hūn. | 註釋 串珠 康來昌 原文 典藏 |
| 14:11 | Pháiⁿ lâng ê chhù ē tó-hoāi; chèng-ti̍t lâng ê pò͘-pêⁿ ē heng-ōng. | 註釋 串珠 康來昌 原文 典藏 |
| 14:12 | Ū chi̍t tiâu lō͘ lâng khòaⁿ-chò sī chèng-ti̍t, kàu bóe ē chiâⁿ-chò sí-bông ê lō͘. | 註釋 串珠 康來昌 字典 原文 典藏 |
| 14:13 | Lâng teh chhiò ê sî, sim mā ū iu-būn; khoài-lo̍k ê kiat-kio̍k mā ē piàn-chò pi-siong. | 註釋 串珠 康來昌 原文 典藏 |
| 14:14 | Sim pōe-ge̍k ê lâng ē tùi i ê só͘ kiâⁿ lâi tit tio̍h pò-èng; hó lâng mā ē tùi i kakī ê só͘ kiâⁿ lâi tit tio̍h pò-siúⁿ. | 註釋 串珠 康來昌 字典 原文 典藏 |
| 14:15 | Gōng-ti̍t ê lâng bô chi̍t kù ōe m̄-sìn; thong-ta̍t ê lâng ta̍k-pō͘ kín-sīn. | 註釋 串珠 康來昌 原文 典藏 |
| 14:16 | Tì-hūi ê lâng kín-sīn koh lī-khui pháiⁿ tāi; gōng lâng óa-khò kakī lâi hòng-chhiòng. | 註釋 串珠 康來昌 原文 典藏 |
| 14:17 | Khoài siū-khì ê lâng chò tāichì gû-gōng; kè-bô͘ pháiⁿ tāi ê lâng ē tú tio̍h oàn-hūn. | 註釋 串珠 康來昌 原文 典藏 |
| 14:18 | Gōng-ti̍t ê lâng sêng-chiap gû-gōng chò sán-gia̍p; thong-ta̍t ê lâng tit tio̍h tì-sek chò bián-liû. | 註釋 串珠 康來昌 原文 典藏 |
| 14:19 | Pháiⁿ lâng phak tī hó lâng ê bīn-chêng; chōe-jîn phak tī gī lâng ê mn̂g-kháu. | 註釋 串珠 康來昌 原文 典藏 |
| 14:20 | Sàn-chhiah lâng liân chhù-piⁿ to oàn-hūn i; hó-gia̍h lâng pêng-iú chin chē. | 註釋 串珠 康來昌 原文 典藏 |
| 14:21 | Khòaⁿ-khin chhù-piⁿ ê lâng ū chōe; liân-bín sànchhiah ê lâng ū hok-khì. | 註釋 串珠 康來昌 原文 典藏 |
| 14:22 | Kè-bô͘ pháiⁿ tāi kám bē kiâⁿ-ji̍p bê-lō͘? Kè-bô͘ hó sū ē tit tio̍h liân-bín kah sêng-si̍t. | 註釋 串珠 康來昌 原文 典藏 |
| 14:23 | Ta̍k khoán ê lô-khó͘ lóng ū lī-ek; chhùi-tûn kóng chin chē ōe ē tì-kàu sànchhiah. | 註釋 串珠 康來昌 原文 典藏 |
| 14:24 | Tì-hūi lâng ê chîⁿ-châi ē chò in ê bián-liû; gōng lâng ê gōng kàu bóe mā sī gōng. | 註釋 串珠 康來昌 原文 典藏 |
| 14:25 | Chin-si̍t ê kiàn-chèng kiù lâng ê sèⁿ-miā; kóng pe̍h-chha̍t ê lâng sī kúi-chà. | 註釋 串珠 康來昌 原文 典藏 |
| 14:26 | Kèng-ùi Siōng-chú ê lâng ū kian-kò͘ ê óa-khò; i ê kiáⁿ-jî ū tô-siám ê só͘-chāi. | 註釋 串珠 康來昌 原文 典藏 |
| 14:27 | Kèng-ùi Siōng-chú to̍h-sī oa̍h-miā ê chúi-chôaⁿ, ē hō͘ lâng lī-khui sí-bông ê lô-bāng. | 註釋 串珠 康來昌 字典 原文 典藏 |
| 14:28 | Jîn-bîn chē sī kok-ông ê êng-kng; jîn-bîn chió ê kun-ông ē tì-kàu soe-pāi. | 註釋 串珠 康來昌 原文 典藏 |
| 14:29 | Bē khoài siū-khì ê lâng ū tōa chhong-bêng; sò-sèng ê lâng ē hián-chhut tōa gû-gōng. | 註釋 串珠 康來昌 原文 典藏 |
| 14:30 | Sim lāi pêng-chēng sī jio̍k-thé ê oa̍h-miā; oàn-tò͘ ē hō͘ kut-thâu hiú-nōa. | 註釋 串珠 康來昌 原文 典藏 |
| 14:31 | Tùi sànchhiah lâng khek-po̍k sī teh siat-to̍k Chhòng-chō-chú; liân-bín khiàm-khoeh ê lâng sī chun-kèng Chú. | 註釋 串珠 康來昌 原文 典藏 |
| 14:32 | Pháiⁿ lâng tī i só͘ kiâⁿ ê pháiⁿ ē tú tio̍h bia̍t-bông; gī lâng kàu sí iáu ū ǹg-bāng. | 註釋 串珠 康來昌 原文 典藏 |
| 14:33 | Tì-hūi an-jiân tiàm tī chhong-bêng lâng ê sim-lāi; gōng lâng ê pak-lāi hō͘ lâng khòaⁿ hiān-hiān. | 註釋 串珠 康來昌 原文 典藏 |
| 14:34 | Kong-gī hō͘ pang-kok ko-seng; chōe-ok hō͘ jîn-bîn siū lêng-jio̍k. | 註釋 串珠 康來昌 原文 典藏 |
| 14:35 | Ēng tì-hūi chò tāichì ê chhe-ēng ē tit tio̍h ông ê un-hūi; chí ū pāi-ke ê lâng ē tú tio̍h siū-khì. | 註釋 串珠 康來昌 原文 典藏 |