章節 | 全民台語聖經全羅經文 | 註釋 |
8:1 | Siōng-chàn Tì-hūiTì-hūi kám bô teh kiò? Chhong-bêng kám bô chhut siaⁿ? | 註釋 串珠 康來昌 原文 典藏 |
8:2 | Tì-hūi tī lō͘ piⁿ koân-tē ê téng-bīn, tī si̍p-jī-lō͘-kháu teh khiā. | 註釋 串珠 康來昌 字典 原文 典藏 |
8:3 | Tī siâⁿ mn̂g piⁿ, tī siâⁿ mn̂g-kháu, tī siâⁿ chhut-ji̍p ê só͘-chāi, tōa-siaⁿ hoah, | 註釋 串珠 康來昌 字典 原文 典藏 |
8:4 | chèng lâng, góa teh kiò lín, góa ǹg sè-kan lâng chhut siaⁿ. | 註釋 串珠 康來昌 原文 典藏 |
8:5 | kóng: Gōng-ti̍t ê lâng, lín tio̍h ē liáu-kái thong-ta̍t ê lí; gû-gōng ê lâng, lín sim-lāi tio̍h bêng-pe̍k. | 註釋 串珠 康來昌 原文 典藏 |
8:6 | Lín tio̍h thiaⁿ, in-ūi góa beh kóng ke̍k-hó ê tāichì; góa beh khui chhùi lūn chèng-ti̍t ê tāichì. | 註釋 串珠 康來昌 原文 典藏 |
8:7 | Góa ê chhùi beh kóng-chhut chin-si̍t; góa ê chhùi-tûn oàn-hūn pháiⁿ tāi. | 註釋 串珠 康來昌 原文 典藏 |
8:8 | Góa só͘ kóng ê ōe lóng sī kong-gī, kî-tiong bô oan-khiau o͘-pe̍h-kóng. | 註釋 串珠 康來昌 原文 典藏 |
8:9 | Che ē bêng-lí ê lâng lóng ē liáu-kái, tit tio̍h tì-sek ê lâng lóng lia̍h-chò sī chèng-ti̍t. | 註釋 串珠 康來昌 原文 典藏 |
8:10 | Lín tio̍h sêng-siū góa ê kà-sī, pí tit tio̍h pe̍h-gîn khah hó; tit tio̍h tì-sek pí tit tio̍h n̂g-kim khah hó. | 註釋 串珠 康來昌 字典 原文 典藏 |
8:11 | In-ūi tì-hūi pí âng-pó-chio̍h khah hó; it-chhè lâng só͘ ì-ài ê chu-pó lóng kah i bē pí-tit. | 註釋 串珠 康來昌 原文 典藏 |
8:12 | Góa tì-hūi ēng thong-ta̍t chò tòa ê só͘-chāi; koh chhōe tio̍h tì-sek kah kè-ōe. | 註釋 串珠 康來昌 原文 典藏 |
8:13 | Kèng-ùi Siōng-chú chāi tī oàn-hūn pháiⁿ tāi; hit khoán kiau-ngō͘, lāmsám kah pháiⁿ lō͘, í-ki̍p o͘-pe̍h-kóng ê chhùi lóng sī góa só͘ oàn-hūn. | 註釋 串珠 康來昌 字典 原文 典藏 |
8:14 | Góa ū kè-ōe kah chin ê tì-sek; góa to̍h-sī chhong-bêng, góa ū lêng-le̍k. | 註釋 串珠 康來昌 原文 典藏 |
8:15 | Tè-ông tùi góa lâi chē ūi; kun-ông tùi góa tiāⁿ tio̍h kong-pêⁿ ê lu̍t-hoat. | 註釋 串珠 康來昌 原文 典藏 |
8:16 | Ông-chhin kah kùi-cho̍k, í-ki̍p sè-chiūⁿ só͘-ū ê sím-phòaⁿ-koaⁿ, lóng sī tùi góa lâi chiáng-koân. | 註釋 串珠 康來昌 原文 典藏 |
8:17 | Thiàⁿ góa ê lâng, góa mā thiàⁿ i; khún-chhiat cháu-chhōe góa ê lâng, ē chhōe-.tio̍h. | 註釋 串珠 康來昌 原文 典藏 |
8:18 | Hó-gia̍h chun-kùi chāi tī góa, kú-tn̂g ê hù-jū kah kong-gī mā chāi tī góa. | 註釋 串珠 康來昌 原文 典藏 |
8:19 | Góa ê kóe-chí pí n̂g-kim khah hó, iâⁿ-kòe sûn-kim; góa ê chhut-sán iâⁿ-kòe bûn-gîn. | 註釋 串珠 康來昌 字典 原文 典藏 |
8:20 | Góa kiâⁿ tī kong-gī ê lō͘, kiâⁿ tī kong-pêⁿ ê lō͘, | 註釋 串珠 康來昌 字典 原文 典藏 |
8:21 | hō͘ thiàⁿ góa ê lâng sêng-siū châi-bu̍t, mā chhiong-móa in ê kim-khò͘. | 註釋 串珠 康來昌 字典 原文 典藏 |
8:22 | Tì-hūi tī Chhòng-chō ê Kak-sekTī Siōng-chú chhòng-chō ê khí-thâu, Tī goân-khí-thâu chhòng-chō ê chìn-chêng, Siōng-chú to̍h chhòng-chō góa. | 註釋 串珠 康來昌 字典 原文 典藏 |
8:23 | Tùi éng-oán, tùi goân-khí-thâu, iáu-bōe ū sè-kài ê chìn-chêng, góa í-keng siū siat-li̍p. | 註釋 串珠 康來昌 原文 典藏 |
8:24 | Iáu-bōe ū chhim-ian, iáu-bōe ū chin chē chúi ê chúi-chôaⁿ, góa í-keng chhut-sì. | 註釋 串珠 康來昌 原文 典藏 |
8:25 | Tōa soaⁿ iáu-bōe tiāⁿ tio̍h, sió soaⁿ iáu-bōe ū chìn-chêng, góa í-keng chhut-sì. | 註釋 串珠 康來昌 原文 典藏 |
8:26 | Hit sî, Siōng-chú iáu-bōe chhòng-chō tāi-tē kah chhân-iá, tē-chiūⁿ thô͘-soa hún ê pún-chit mā iáu-bōe chûn-chāi. | 註釋 串珠 康來昌 原文 典藏 |
8:27 | Siōng-chú kiàn-li̍p chiahê thiⁿ, tī chhim-ian ê téng-bīn an-tì îⁿ-khoân. | 註釋 串珠 康來昌 字典 原文 典藏 |
8:28 | Tī téng-bīn an-tì kiong-chhong, kian-kò͘ chhim-ian ê chúi-chôaⁿ; | 註釋 串珠 康來昌 原文 典藏 |
8:29 | kā hái tiāⁿ tio̍h kài-hān, hō͘ chúi bô pôaⁿ-kòe I ê bēng-lēng; tiāⁿ tio̍h tāi-tē ê kin-ki, góa kah I tông-chāi. | 註釋 串珠 康來昌 原文 典藏 |
8:30 | Hit sî, góa tī hia chò sai-hū-thâu, ji̍t-ji̍t hō͘ I hoaⁿ-hí, tiāⁿtiāⁿ tī I bīn-chêng khoài-lo̍k; | 註釋 串珠 康來昌 原文 典藏 |
8:31 | Tī Siōng-chú hō͘ lâng thang tòa ê tē-chiūⁿ khoài-lo̍k, mā kah sè-kan lâng chò-hóe hoaⁿ-hí. | 註釋 串珠 康來昌 原文 典藏 |
8:32 | Lín chiahê kiáⁿ, taⁿ tio̍h chun-thàn góa; in-ūi chip-siú góa ê tō-lō͘ ê lâng ū hok-khì! | 註釋 串珠 康來昌 字典 原文 典藏 |
8:33 | Tio̍h thiaⁿ kà-sī, chiū ē tit tio̍h tì-hūi, m̄ thang khì-choa̍t góa ê kà-sī. | 註釋 串珠 康來昌 原文 典藏 |
8:34 | Chun-thàn góa, ji̍t-ji̍t tī góa ê mn̂g-kháu teh tán, tī góa ê mn̂g-kheng piⁿ thèng-hāu ê lâng chin ū hok-khì! | 註釋 串珠 康來昌 字典 原文 典藏 |
8:35 | In-ūi chhōe tio̍h góa ê lâng chiū ē chhōe tio̍h oa̍h-miā, mā ē tùi Siōng-chú tit tio̍h un-hūi. | 註釋 串珠 康來昌 原文 典藏 |
8:36 | Tek-chōe góa ê lâng sī hāi kakī ê sèⁿ-miā; oàn-hūn góa ê lâng lóng sī kakī chhú sí. | 註釋 串珠 康來昌 原文 典藏 |