章節 | 全民台語聖經全羅經文 | 註釋 |
6:1 | Koh-chài Khoàn-kàiGóa ê kiáⁿ, lí nā ūi tio̍h chhù-piⁿ chò tiong-pó, thè gōa-lâng tah chhiú tam-pó, | 註釋 串珠 康來昌 原文 典藏 |
6:2 | Lí chiū hō͘ chhùi lāi ê ōe tauh tio̍h, hō͘ chhùi lāi ê ōe khîⁿ tio̍h. | 註釋 串珠 康來昌 字典 原文 典藏 |
6:3 | Góa ê kiáⁿ, lí kì-jiân lo̍h tī chhù-piⁿ ê chhiú tiong, taⁿ tio̍h ánne kiâⁿ, lâi kiù kakī. Lí tio̍h khiam-pi khì khún-kiû lí ê chhù-piⁿ. | 註釋 串珠 康來昌 原文 典藏 |
6:4 | M̄-thang hō͘ lí ê ba̍k-chiu khùn-.khì, m̄ thang hō͘ lí ê ba̍k-chiu phôe pàng-kheh-kheh. | 註釋 串珠 康來昌 原文 典藏 |
6:5 | Tio̍h kiù kakī, chhin-chhiūⁿ lo̍k thoat-lī phah-la̍h ê lâng ê chhiú; chhin-chhiūⁿ chiáu-á thoat-lī lia̍h chiáu ê lâng ê chhiú. | 註釋 串珠 康來昌 字典 原文 典藏 |
6:6 | Pîn-tōaⁿ ê lâng, lí tio̍h khì khòaⁿ káu-hiā, khòaⁿ i ê só͘ chò thang tit tio̍h tì-hūi. | 註釋 串珠 康來昌 字典 原文 典藏 |
6:7 | I bô thâu-ba̍k, bô kàm-tok, bô sī-tōa. | 註釋 串珠 康來昌 原文 典藏 |
6:8 | I iáu koh ē-hiáu tī joa̍h-thiⁿ chún-pī chia̍h-mi̍h, tī siu-koah ê sî chek-chū bí-niûⁿ. | 註釋 串珠 康來昌 字典 原文 典藏 |
6:9 | Pîn-tōaⁿ lâng, lí beh khùn kàu tang-sî? Lí tang-sî chiah ē khùn chhéⁿ khí-.lâi? | 註釋 串珠 康來昌 原文 典藏 |
6:10 | Koh khùn chi̍t-sî-á, koh bîn chi̍t-sî-á, koh theⁿ chi̍t-sî-á; | 註釋 串珠 康來昌 原文 典藏 |
6:11 | Lí ê sànchhiah chhin-chhiūⁿ chha̍t lâi; lí ê khiàm-khoeh chhin-chhiūⁿ chhēng chiàn-kah ê lâi. | 註釋 串珠 康來昌 字典 原文 典藏 |
6:12 | Bô hē-lo̍h ê pháiⁿ lâng, chiū ēng hit ki chhùi sì-kè phiàn lâng; | 註釋 串珠 康來昌 原文 典藏 |
6:13 | Sái ba̍k-bóe lâi hōe-ì, ēng kha pí ì-sù, ēng chéng-thâu-á chí-sī. | 註釋 串珠 康來昌 原文 典藏 |
6:14 | Sim lāi koai-phiah, tiāⁿtiāⁿ kè-bô͘ pháiⁿ tāi; sì-kè sái-lōng oan-ke. | 註釋 串珠 康來昌 原文 典藏 |
6:15 | Só͘-í, i ê chai-hō hut-jiân lîm-kàu; i ē sûi-sî pāi-hoāi, bô hoat-tō͘ i-tī. | 註釋 串珠 康來昌 原文 典藏 |
6:16 | Ū la̍k hāng sī Siōng-chú só͘ oàn-hūn, liân I ê sim só͘ thó-ià ê ū chhit-hāng; | 註釋 串珠 康來昌 原文 典藏 |
6:17 | Chiū-sī kiau-ngō͘-ê ba̍k-chiu, kóng pe̍h-chha̍t ê chi̍h, thâi bô chōe ê lâng ê chhiú, | 註釋 串珠 康來昌 原文 典藏 |
6:18 | Tô͘-bô͘ pháiⁿ tāi ê sim, phun-cháu-khì hām-hāi lâng ê kha, | 註釋 串珠 康來昌 原文 典藏 |
6:19 | Kóng pe̍h-chha̍t ê ké kiàn-chèng, tī hiaⁿ-tī tiong-kan sái-lōng oan-ke ê lâng. | 註釋 串珠 康來昌 原文 典藏 |
6:20 | Kéng-kài Îm-loānGóa ê kiáⁿ, tio̍h chip-siú lí ê lāu-pē ê bēng-lēng, m̄ thang khì-sak lí ê lāu-bú ê kà-sī. | 註釋 串珠 康來昌 原文 典藏 |
6:21 | Tio̍h tiāⁿtiāⁿ kì-tiâu tī lí ê sim, khòa tī lí ê ām-kún. | 註釋 串珠 康來昌 原文 典藏 |
6:22 | Lí kiâⁿ lō͘ ê sî chiū ē ín-chhōa lí, lí khùn ê sî chiū ē pó-siú lí, lí khùn-chhéⁿ chiū kah lí tâm-lūn. | 註釋 串珠 康來昌 原文 典藏 |
6:23 | In-ūi bēng-lēng sī teng, kà-sī sī kng; koán-kà ê chek-pī sī oa̍h-miā ê lō͘; | 註釋 串珠 康來昌 字典 原文 典藏 |
6:24 | ē pó-siú lí bē khì chhin-kīn pháiⁿ ê chabó͘ lâng, bē khì thiaⁿ ki-lí phô͘-tháⁿ ê ōe. | 註釋 串珠 康來昌 原文 典藏 |
6:25 | Lí ê sim-lāi m̄ thang loân-bō͘ i ê súi-sek, mā m̄ thang hō͘ i ê ba̍k-chiu ín-iú khì. | 註釋 串珠 康來昌 原文 典藏 |
6:26 | In-ūi ki-lí ē hō͘ lâng sàn kah chí ū chhun chi̍t tè piáⁿ; îm-hū ē chhiúⁿ-toa̍t lâng ê pó-kùi oa̍h-miā. | 註釋 串珠 康來昌 字典 原文 典藏 |
6:27 | Lâng kám ē phō hóe tī heng chêng, i ê saⁿ bē to̍h khí-.lâi? | 註釋 串珠 康來昌 字典 原文 典藏 |
6:28 | Lâng kám ē ta̍h tī jia̍t ê hóe-thòaⁿ, i ê kha kám bē sio-.tio̍h? | 註釋 串珠 康來昌 原文 典藏 |
6:29 | Chhin-kīn chhù-piⁿ ê bó͘ ê lâng mā sī ánne; kiàn-nā bong i ê lâng bē bián-tit ē siū hêng-hoa̍t. | 註釋 串珠 康來昌 原文 典藏 |
6:30 | Chha̍t in-ūi iau thau-the̍h chia̍h-mi̍h lâi chí ki, lâng bē khòaⁿ-khin i. | 註釋 串珠 康來昌 原文 典藏 |
6:31 | Siat-sú hō͘ lâng lia̍h tio̍h, tio̍h pôe chhit pōe; tio̍h kā chhù lāi só͘-ū ê châi-bu̍t lóng the̍h chhut-lâi pôe. | 註釋 串珠 康來昌 原文 典藏 |
6:32 | Kah lâng ê bó͘ kiâⁿ kan-îm ê lâng to̍h-sī bô tì-sek; kiâⁿ chit-ê tāichì ê lâng ē sún-hāi kakī ê sèⁿ-miā. | 註釋 串珠 康來昌 原文 典藏 |
6:33 | I ē siū siong-hāi kah lêng-jio̍k; i ê kiàn-siàu bē tàng sé-tû. | 註釋 串珠 康來昌 原文 典藏 |
6:34 | In-ūi chi̍t-tò͘ ē kek-khí lâng ê tōa siū-khì; pò-siû ê sî it-tēng bô khoan-iông. | 註釋 串珠 康來昌 原文 典藏 |
6:35 | Lí ēng chîⁿ sio̍k-chōe, i mā bô ài; lí sûi-jiân sàng chin chē lé-mi̍h, i mā m̄-pàng lí soah. | 註釋 串珠 康來昌 原文 典藏 |