章節 | 全民台語聖經全羅經文 | 註釋 |
1:1 | Chiân-giânI-su-la-el ông Ta-bi̍t ê kiáⁿ Só͘-lô-móng ê Chim-giân. | 註釋 串珠 康來昌 原文 典藏 |
1:2 | Chiahê Chim-giân ē hō͘ lâng liáu-kái tì-hūi kah kà-sī, bêng-pe̍k thong-ta̍t ê ōe; | 註釋 串珠 康來昌 原文 典藏 |
1:3 | Ē hō͘ lâng tit tio̍h kà-sī, lâi ēng tì-hūi pān tāichì, ē hō͘ lâng ū kong-gī, kong-pêⁿ kah chèng-ti̍t. | 註釋 串珠 康來昌 原文 典藏 |
1:4 | Hō͘ gōng-ti̍t ê lâng ū lêng-khiàu, hō͘ siàu-liân lâng ū tì-sek kah kè-ōe; | 註釋 串珠 康來昌 原文 典藏 |
1:5 | Hō͘ tì-hūi ê lâng thiaⁿ-liáu ke-thiⁿ ha̍k-būn, hō͘ chhong-bêng ê lâng tit tio̍h chin ê kiàn-sek; | 註釋 串珠 康來昌 原文 典藏 |
1:6 | Hō͘ lâng bêng-pe̍k Chim-giân kah phì-jū, lí-kái tì-hūi lâng ê giân-sû kah bī-chhai. | 註釋 串珠 康來昌 原文 典藏 |
1:7 | Kèng-ùi Siōng-chú sī tì-sek ê kin-pún; gû-gōng ê lâng biáu-sī tì-hūi kah kà-sī. | 註釋 串珠 康來昌 原文 典藏 |
1:8 | Khó͘-khǹg Siàu-liân LângGóa ê kiáⁿ, tio̍h thiaⁿ lí ê lāu-pē ê kàu-tok; m̄ thang khì-sak lí ê lāu-bú ê kà-sī. | 註釋 串珠 康來昌 原文 典藏 |
1:9 | In-ūi chiahê ōe ē chò lí thâu-khak téng ê bián-liû, chò lí ām-kún ê kim-liān. | 註釋 串珠 康來昌 字典 原文 典藏 |
1:10 | Góa ê kiáⁿ, pháiⁿ lâng nā ín-iú lí, lí m̄ thang tòe i kiâⁿ. | 註釋 串珠 康來昌 原文 典藏 |
1:11 | In nā kóng, " Lí kah goán chò-hóe khì, lâi bih-.leh thâi lâng, tng-tán bû-ko͘ ê lâng lâi kā i thâi. | C註釋 註釋 串珠 康來昌 原文 典藏 |
1:12 | Lán chhin-chhiūⁿ im-hú kā in oa̍h-oa̍h thun lo̍h-.khì; in chhin-chhiūⁿ hām-lo̍h kheⁿ ê lâng hō͘ lán chò chi̍t-ē thun lo̍h-.khì. | 註釋 串珠 康來昌 字典 原文 典藏 |
1:13 | Lán ē tit tio̍h ta̍k chióng ê châi-bu̍t, kā só͘ chhiúⁿ ê tún-móa lán ê chhù. | 註釋 串珠 康來昌 原文 典藏 |
1:14 | Lí lâi ji̍p goán ê tóng, tāi-ke ū kong-kiōng ê chîⁿ-tē. " | C註釋 註釋 串珠 康來昌 字典 原文 典藏 |
1:15 | Góa ê kiáⁿ, m̄ thang kah in tâng kiâⁿ, tio̍h iok-sok lí ê kha, m̄ thang ta̍h ji̍p-khì in ê lō͘. | 註釋 串珠 康來昌 字典 原文 典藏 |
1:16 | In-ūi in ê kha cháu-khì kiâⁿ pháiⁿ, in kóaⁿ-kín beh khì hō͘ lâng lâu hoeh. | 註釋 串珠 康來昌 原文 典藏 |
1:17 | Lâng nā hō͘ chiáu-á khòaⁿ tio̍h i teh Siat ê lô-bāng, siūⁿ beh lia̍h chiáu á-.sī bô chhái kang. | 註釋 串珠 康來昌 字典 原文 典藏 |
1:18 | Chiahê lâng bih-.leh sī beh hāi lâng, khiok sī ē lâu in kakī ê hoeh; tng-tán beh siong lâng, khiok sī ē hāi tio̍h kakī ê sèⁿ-miā. | 註釋 串珠 康來昌 原文 典藏 |
1:19 | Kiàn-nā tham châi-lī ê, in ê lō͘ sī ánne, to̍h-sī hāi tio̍h in kakī ê sèⁿ-miā. | 註釋 串珠 康來昌 字典 原文 典藏 |
1:20 | Tì-hūi ê Ho͘-siaⁿTì-hūi tī ke-lō͘ tōa-siaⁿ teh kiò, tī khui-khoah ê só͘-chāi chhut i ê siaⁿ. | 註釋 串珠 康來昌 字典 原文 典藏 |
1:21 | I tī lāu-jia̍t ê ke-lō͘ thâu tōa-siaⁿ teh kiò, tī siâⁿ mn̂g-kháu, tī siâⁿ lāi, kóng-chhut i ê ōe, | 註釋 串珠 康來昌 字典 原文 典藏 |
1:22 | " Gōng-ti̍t ê lâng ài gōng-ti̍t, bú-bān ê lâng ài bú-bān, gû-gōng ê lâng oàn-hūn tì-sek, beh kàu tang-sî? | 註釋 串珠 康來昌 原文 典藏 |
1:23 | Góa kā lín chek-pī, lín tio̍h chun-thàn góa ê ōe; lí khòaⁿ, góa beh kā Sèng Sîn kàng-lo̍h hō͘ lín, ēng góa ê ōe chí-sī lín. | 註釋 串珠 康來昌 原文 典藏 |
1:24 | In-ūi góa bat kiò lín, lín m̄-thiaⁿ; góa bat chhun chhiú kā lín chio-ho͘, lín bô lâng tì-ì; | 註釋 串珠 康來昌 原文 典藏 |
1:25 | Lín tian-tò khòaⁿ-khin góa só͘-ū ê khoàn-kài, m̄-khéng chiap-siū góa ê chek-pī. | 註釋 串珠 康來昌 原文 典藏 |
1:26 | Só͘-í, lín tú tio̍h hoān-lān ê sî, góa beh léng-chhiò; lín tú tio̍h kiaⁿ-hiâⁿ ê sî, góa beh thí-chhiò. | 註釋 串珠 康來昌 原文 典藏 |
1:27 | Lín ê kiaⁿ-hiâⁿ chhin-chhiūⁿ kông hong sàu-lâi, lín ê chai-hō chhin-chhiūⁿ kńg-lê-á hong sàu lâi, hoān-lān thòng-khó͘ lîm-kàu tī lín ê sin chiūⁿ. | 註釋 串珠 康來昌 原文 典藏 |
1:28 | Hit sî, lín beh kiû góa, góa m̄-thiaⁿ; lín pek-chhiat cháu-chhōe góa, chhōe bē tio̍h. | 註釋 串珠 康來昌 原文 典藏 |
1:29 | In-ūi lín oàn-hūn tì-sek, bô ài kèng-ùi Siōng-chú. | 註釋 串珠 康來昌 原文 典藏 |
1:30 | Lín m̄-thiaⁿ góa ê khoàn-kài, biáu-sī góa ê chek-pī. | 註釋 串珠 康來昌 原文 典藏 |
1:31 | Só͘-í, lín ē chia̍h kakī hêng-ûi só͘ kiat ê kóe-chí, lín kakī só͘ kè-bô͘ ê ok 果 ē hō͘ lín chia̍h kah pá koh ià. | 註釋 串珠 康來昌 字典 原文 典藏 |
1:32 | Gōng-ti̍t ê lâng ē hō͘ kakī ê pōe-ge̍k hāi-sí; gû-gōng ê lâng ê hó kòe-ji̍t ē hō͘ i tì-sú bia̍t-bông. | 註釋 串珠 康來昌 原文 典藏 |
1:33 | To̍k-to̍k chun-thàn góa ê ōe ê lâng ē an-jiân seng-oa̍h, hióng-siū pêng-an, bô kiaⁿ chai-hō. " | 註釋 串珠 康來昌 原文 典藏 |