章節 | 全民台語聖經全羅經文 | 註釋 |
138:1 | Kám-un ê Kî-tó( Ta-bi̍t ê si. )Góa beh choân-sim kám-siā Lí, tī chiahê sîn-bêng ê bīn-chêng góa beh chhiùⁿ koa oló Lí. | 註釋 串珠 原文 典藏 |
138:2 | Góa beh ǹg Lí ê sèng-tiān kūi-pài, in-ūi Lí ê chû-ài kah sìn-si̍t lâi oló Lí ê miâ; in-ūi Lí hō͘ Lí ê ōe chò tōa, iâⁿ-kòe Lí só͘-ū ê miâ. | 註釋 串珠 字典 原文 典藏 |
138:3 | Góa kiû-kiò ê sî, Lí ū ìn-tap góa, kó͘-bú góa, hō͘ góa ê sim ū khùi-la̍t. | 註釋 串珠 原文 典藏 |
138:4 | Siōng-chú ah, sè-chiūⁿ ê kun-ông lóng ē kám-siā Lí, in-ūi in ū thiaⁿ tio̍h Lí só͘ kóng ê ōe. | 註釋 串珠 原文 典藏 |
138:5 | In ē chhiùⁿ koa oló Siōng-chú ê chok-ûi, in-ūi Siōng-chú ê êng-kng chin tōa. | 註釋 串珠 字典 原文 典藏 |
138:6 | Siōng-chú sûi-jiân chin ko-kùi, iáu koh khòaⁿ-kò͘ pi-bî ê lâng; chóng-.sī, I tùi hn̄g-hn̄g to̍h khòaⁿ-chhut kiau-ngō͘ ê lâng. | 註釋 串珠 原文 典藏 |
138:7 | Góa sûi-jiân kiâⁿ tī hoān-lān tiong, Lí ē hō͘ góa oa̍h lo̍h-.khì; góa ê tùi-te̍k siū-khì, Lí ē chhun chhiú lâi kā i tí-tòng; Lí ê chiàⁿ chhiú mā ē kiù góa. | 註釋 串珠 原文 典藏 |
138:8 | Koan-hē góa ê tāichì, Siōng-chú ē si̍t-hiān I tùi góa ê èng-ín; Siōng-chú ah, Lí ê chû-ài éng-oán chûn-chāi! Kiû Lí m̄ thang pàng-sak Lí chhin-chhiú só͘ chō ê. | 註釋 串珠 原文 典藏 |