章節 | 全民台語聖經全羅經文 | 註釋 |
133:1 | O-ló Hiaⁿ-tī Chi Ài(Peh kiā-á ê si, Ta-bi̍t chò ê. )Lí khòaⁿ, hiaⁿ-tī hô-hó chò-hóe tòa, sī hô-téng ê hó, hô-téng ê an-lo̍k! | |
133:2 | Che thang pí-phēng hit-ê kùi-khì ê iû tó tī thâu-khak téng, lâu kàu chhùi-chhiu, to̍h-sī A-lông ê chhùi-chhiu, koh lâu kàu i ê saⁿ-á-ki. | |
133:3 | Che mā thang pí-phēng Hel-móng ê lō͘-chúi lo̍h tī Si-óng soaⁿ; in-ūi tī hia Siōng-chú ū tiāⁿ tio̍h sù-hok, to̍h-sī éng-oán ê oa̍h-miā. |