章節 | 全民台語聖經全羅經文 | 註釋 |
119:1 | Siōng-chú ê Lu̍t-hoatHêng-ûi oân-choân koh chun-thàn Siōng-chú lu̍t-hoat ê lâng, chit khoán lâng chin ū hok-khì! | 註釋 串珠 字典 原文 典藏 |
119:2 | Chun-siú I kiàn-chèng ê ōe, choan-sim cháu-chhōe I ê lâng, chit khoán lâng chin ū hok-khì! | 註釋 串珠 原文 典藏 |
119:3 | In bô chò put-gī ê tāichì, in chun-thàn I ê tō-lō͘. | 註釋 串珠 字典 原文 典藏 |
119:4 | Lí bat kā Lí kà-sī ê ōe hoan-hù goán, ài goán in-khîn chun-siú. | 註釋 串珠 原文 典藏 |
119:5 | Goān góa ê hong-hiòng tiāⁿ tio̍h, lâi chun-siú Lí ê lu̍t-lē. | 註釋 串珠 字典 原文 典藏 |
119:6 | Góa chun-tiōng Lí só͘-ū ê kài-bēng, chiū bē tì-kàu kiàn-siàu. | 註釋 串珠 原文 典藏 |
119:7 | Góa ha̍k-si̍p Lí kong-gī ê phòaⁿ-toàn, góa beh ēng chèng-ti̍t ê sim kám-siā Lí. | 註釋 串珠 原文 典藏 |
119:8 | Góa beh chun-siú Lí ê lu̍t-lē; kiû Lí m̄ thang kā góa choân-pō͘ pàng-sak! | 註釋 串珠 原文 典藏 |
119:9 | Sūn-ho̍k Siōng-chú ê Lu̍t-hoatSiàu-liân lâng tio̍h ēng siáⁿ-mi̍h lâi chheng-khì i ê só͘ chò? Sī tio̍h chiàu Lí ê ōe lâi sè-jī kiâⁿ. | 註釋 串珠 字典 原文 典藏 |
119:10 | Góa choan-sim cháu-chhōe Lí; kiû Lí hō͘ góa m̄ thang phian-lī Lí ê kài-bēng. | 註釋 串珠 原文 典藏 |
119:11 | Góa kā Lí ê giân-gí khǹg tī sim-lāi, bián-tit góa tek-chōe Lí. | 註釋 串珠 原文 典藏 |
119:12 | Siōng-chú ah, Lí eng-kai siū oló! Kiû Lí kā Lí ê lu̍t-lē kà-sī góa! | 註釋 串珠 原文 典藏 |
119:13 | Lí só͘ kóng it-chhè ê lu̍t-lē, góa ēng chhùi-tûn lâi soan-iông. | 註釋 串珠 原文 典藏 |
119:14 | Góa ì-ài Lí kà-sī ê tō-lō͘, chhin-chhiūⁿ lâng ì-ài it-chhè ê châi-bu̍t. | 註釋 串珠 字典 原文 典藏 |
119:15 | Góa beh tiām-tiām su-sióng Lí kà-sī ê ōe, mā beh chù-tiōng Lí ê tō-lō͘. | 註釋 串珠 字典 原文 典藏 |
119:16 | Góa beh tī Lí ê lu̍t-lē tiong kakī khoài-lo̍k; góa bô bē kì-tit Lí ê ōe. | 註釋 串珠 原文 典藏 |
119:17 | Chun-siú Siōng-chú lu̍t-hoat ê khoài-lo̍kKiû Lí si tōa-un hō͘ Lí ê lô͘-po̍k, hō͘ góa ē-tàng oa̍h-.leh lâi chun-thàn Lí ê ōe. | 註釋 串珠 原文 典藏 |
119:18 | Kiû Lí khui góa ê ba̍k-chiu, Hō͘ góa khòaⁿ-chhut Lí lu̍t-hoat tiong ê kî-biāu. | 註釋 串珠 原文 典藏 |
119:19 | Góa tī tē-chiūⁿ sī chò kià-kha ê chhut-gōa lâng, kiû Lí m̄ thang tùi góa khàm ba̍t Lí ê kài-bēng! | 註釋 串珠 原文 典藏 |
119:20 | Góa sî-siông pek-chhiat him-bō͘ Lí ê kui-lē, tì-sú góa ê sim kiông-beh piak-li̍h. | 註釋 串珠 原文 典藏 |
119:21 | Lí chek-pī kiau-ngō͘ siū chiù-chó͘ ê lâng, to̍h-sī bê-lō͘ lī-khui Lí ê kài-bēng ê lâng. | 註釋 串珠 原文 典藏 |
119:22 | Kiû Lí kā góa tû-khì lâng tùi góa ê lêng-jio̍k kah khòaⁿ-khin, in-ūi góa ū chun-siú Lí ê kà-sī. | 註釋 串珠 原文 典藏 |
119:23 | Kùi-cho̍k chē-.leh lāmsám gī-lūn góa, m̄ koh, Lí ê lô͘-po̍k tiām-tiām su-sióng Lí ê lu̍t-lē. | 註釋 串珠 原文 典藏 |
119:24 | Lí ê kà-sī sī góa só͘ hoaⁿ-hí ê, sī góa ê bô͘-sū. | 註釋 串珠 原文 典藏 |
119:25 | Koat-ì chun-siú Siōng-chú ê Lu̍t-hoatGóa ê sèⁿ-miā kha̍h-tiâu tī thô͘-soa hún; kiû Lí chiàu Lí ê èng-ín lâi kā góa chín-kiù! | 註釋 串珠 原文 典藏 |
119:26 | Góa kóng-khí góa só͘ kiâⁿ ê lō͘, Lí ū ìn-tap góa; kiû Lí kā Lí ê lu̍t-lē kà-sī góa! | 註釋 串珠 字典 原文 典藏 |
119:27 | Kiû Lí hō͘ góa bêng-pe̍k Lí kà-sī ê lō͘, góa thang tiām-tiām su-sióng Lí ê kî-sū. | 註釋 串珠 字典 原文 典藏 |
119:28 | Góa ê sim-sîn in-ūi iu-khó͘ lâi siau-iûⁿ; kiû Lí chiàu Lí ê èng-ín hō͘ góa ióng-kiāⁿ. | 註釋 串珠 原文 典藏 |
119:29 | Kiû Lí hō͘ góa lī-khui kan-chà ê lō͘, kā Lí ê lu̍t-hoat un-sù hō͘ góa! | 註釋 串珠 字典 原文 典藏 |
119:30 | Góa ū kéng sìn-si̍t ê lō͘, kā Lí ê lu̍t-lē hē tī góa ê bīn-chêng. | 註釋 串珠 字典 原文 典藏 |
119:31 | Góa loân-bō͘ Lí ê kà-sī; Siōng-chú ah, kiû Lí m̄ thang hō͘ góa kiàn-siàu. | 註釋 串珠 原文 典藏 |
119:32 | Lí khui-khoah góa ê sim ê sî, góa chiū ē kiâⁿ Lí kài-bēng ê lō͘. | 註釋 串珠 字典 原文 典藏 |
119:33 | Kiû Chú sù Tì-hūiSiōng-chú ah, kiû Lí kā Lí lu̍t-lē ê lō͘ chí-sī góa, góa beh thiat-té chun-siú! | 註釋 串珠 字典 原文 典藏 |
119:34 | Kiû Lí hō͘ góa tì-hūi, góa chiū ē chun-siú Lí ê lu̍t-hoat, mā beh choan-sim lâi chip-siú. | 註釋 串珠 原文 典藏 |
119:35 | Kiû Lí hō͘ góa kiâⁿ Lí kài-bēng ê lō͘, in-ūi chit-ê lō͘ sī góa só͘ ì-ài ê. | 註釋 串珠 字典 原文 典藏 |
119:36 | Kiû Lí hō͘ góa ê sim kui-ǹg Lí ê kà-sī, bô àm put-gī ê chîⁿ-châi. | 註釋 串珠 原文 典藏 |
119:37 | Kiû Lí hō͘ góa ê ba̍k-chiu oa̍t-cháu bô khòaⁿ hi-ké, koh hō͘ góa ē-tàng kiâⁿ Lí ê lō͘ lâi seng-oa̍h. | 註釋 串珠 字典 原文 典藏 |
119:38 | Lí ê lô͘-po̍k kèng-ùi Lí, kiû Lí ūi i kian-siú Lí ê èng-ín! | 註釋 串珠 原文 典藏 |
119:39 | Kiû Lí hō͘ góa só͘ kiaⁿ ê lêng-jio̍k lī-khui góa, in-ūi Lí ê lu̍t-lē sī hó. | 註釋 串珠 原文 典藏 |
119:40 | Góa him-bō͘ Lí kà-sī ê ōe; kiû Lí tī Lí ê kong-gī hō͘ góa lâi oa̍h! | 註釋 串珠 原文 典藏 |
119:41 | Sìn-khò Siōng-chú ê Lu̍t-hoatSiōng-chú ah, goān Lí chiàu Lí ê èng-ín, hō͘ Lí ê chû-ài, to̍h-sī Lí ê kiù-un lîm-kàu góa, | 註釋 串珠 原文 典藏 |
119:42 | Góa chiū thang ìn-tap hiahê lêng-jio̍k góa ê lâng, in-ūi góa óa-khò Lí ê ōe. | 註釋 串珠 原文 典藏 |
119:43 | Kiû Lí hō͘ chin-lí ê ōe bô choân-pō͘ lī-khui góa ê chhùi, in-ūi góa gióng-bōng Lí ê phòaⁿ-toàn. | 註釋 串珠 原文 典藏 |
119:44 | Góa beh tiāⁿtiāⁿ chun-siú Lí ê lu̍t-hoat, ti̍t-kàu éng-oán. | 註釋 串珠 原文 典藏 |
119:45 | Góa beh kiâⁿ tī khui-khoah ê só͘-chāi, in-ūi góa ū káng-kiù Lí kà-sī ê ōe. | 註釋 串珠 原文 典藏 |
119:46 | Góa beh tī kun-ông ê bīn-chêng káng-lūn Lí ê kà-sī, mā bē kám-kak kiàn-siàu. | 註釋 串珠 原文 典藏 |
119:47 | Góa beh tī Lí ê kài-bēng tiong kakī khoài-lo̍k, chiahê kài-bēng sī góa pêng-sî só͘ ì-ài ê. | 註釋 串珠 原文 典藏 |
119:48 | Góa ì-ài Lí ê kài-bēng, góa beh tùi i gia̍h-khí góa ê chhiú; góa mā beh tiām-tiām su-sióng Lí ê lu̍t-lē. | 註釋 串珠 原文 典藏 |
119:49 | Khak-sìn Siōng-chú ê Lu̍t-hoatKiû Lí ē kì-tit tùi Lí ê lô͘-po̍k só͘ èng-ín ê ōe, in-ūi Lí bat hō͘ góa ū ǹg-bāng. | 註釋 串珠 原文 典藏 |
119:50 | Lí ê èng-ín hō͘ góa tit tio̍h oa̍h-miā; góa tī hoān-lān tiong tùi che tit tio̍h an-ùi. | 註釋 串珠 原文 典藏 |
119:51 | Kiau-ngō͘ ê lâng it-ti̍t kā góa bú-jio̍k thí-chhiò, chóng-.sī, góa m̄ bat phian-lī Lí ê lu̍t-hoat. | 註釋 串珠 原文 典藏 |
119:52 | Siōng-chú ah, góa kì-liām Lí chū chá í-lâi ê lu̍t-lē, góa chiū tit tio̍h an-ùi. | 註釋 串珠 原文 典藏 |
119:53 | Góa in-ūi hiahê khì-sak Lí ê lu̍t-hoat ê pháiⁿ lâng tōa siū-khì, chhin-chhiūⁿ hóe teh to̍h. | 註釋 串珠 原文 典藏 |
119:54 | Góa tī kià-kha ê só͘-chāi, pêng-sî lóng ēng Lí ê lu̍t-lē chò si-koa. | 註釋 串珠 原文 典藏 |
119:55 | Siōng-chú ah, góa àm-sî kì-liām Lí ê miâ, chun-siú Lí ê lu̍t-hoat. | 註釋 串珠 原文 典藏 |
119:56 | Góa tit tio̍h chit-ê hok-hūn, sī in-ūi góa ū siú Lí ê kà-sī. | 註釋 串珠 原文 典藏 |
119:57 | Ì-ài Siōng-chú ê Lu̍t-hoatSiōng-chú sī góa ê ki-gia̍p; góa bat kóng, góa beh chun-siú Lí ê kà-sī. | 註釋 串珠 原文 典藏 |
119:58 | Góa bat choan-sim kiû Lí ê un; goān Lí chiàu Lí ê èng-ín liân-bín góa! | 註釋 串珠 原文 典藏 |
119:59 | Góa chhim-chhim su-sióng góa só͘ kiâⁿ ê lō͘, chiū oa̍t tńg-sin kui-ǹg Lí ê lu̍t-lē. | 註釋 串珠 字典 原文 典藏 |
119:60 | Góa chun-siú Lí ê kài-bēng, kóaⁿ-kín bô iân-chhiân. | 註釋 串珠 原文 典藏 |
119:61 | Pháiⁿ lâng ê soh-á kā góa khún-pa̍k, chóng-.sī, góa bô bē kì-tit Lí ê lu̍t-hoat. | 註釋 串珠 字典 原文 典藏 |
119:62 | Góa in-ūi Lí kong-gī ê phòaⁿ-toàn, pòaⁿ-mê khí-lâi kám-siā Lí. | 註釋 串珠 原文 典藏 |
119:63 | Kiàn-nā kèng-ùi Lí koh chun-siú Lí ê kà-sī ê lâng, góa kah in chò pêng-iú. | 註釋 串珠 原文 典藏 |
119:64 | Siōng-chú ah, Lí ê chû-ài phiàn-móa tē-bīn; kiû Lí kā Lí ê lu̍t-lē kà-sī góa! | 註釋 串珠 原文 典藏 |
119:65 | Siōng-chú pó-kùi ê Lu̍t-hoatSiōng-chú ah, Lí bat hó khoán-thāi Lí ê lô͘-po̍k, sī chiàu Lí ê èng-ín. | 註釋 串珠 原文 典藏 |
119:66 | Kiû Lí kā hó ê tì-hūi kah tì-sek kà-sī góa, in-ūi góa sìn-khò Lí ê kài-bēng. | 註釋 串珠 原文 典藏 |
119:67 | Góa bōe siū khó͘ í-chêng ū kiâⁿ bê-lō͘, chóng-.sī, góa taⁿ chun-siú Lí ê lu̍t-lē. | 註釋 串珠 原文 典藏 |
119:68 | Lí sī hó, Lí ê só͘ chò mā sī hó; kiû Lí kā Lí ê lu̍t-lē kà-sī góa! | 註釋 串珠 原文 典藏 |
119:69 | Kiau-ngō͘ ê lâng chō-chok sǹg bē liáu ê pe̍h-chha̍t ōe lâi kong-kek góa, chóng-.sī, góa beh choan-sim chun-siú Lí ê kà-sī. | 註釋 串珠 字典 原文 典藏 |
119:70 | In ê sim tūn chhin-chhiūⁿ hō͘ iû pau-ba̍t, chóng-.sī, góa ì-ài Lí ê lu̍t-hoat. | 註釋 串珠 原文 典藏 |
119:71 | Góa ê siū khó͘ tùi góa lâi kóng sī ū lī-ek, in-ūi hō͘ góa ē-tàng ha̍k-si̍p Lí ê lu̍t-lē. | 註釋 串珠 原文 典藏 |
119:72 | Lí só͘ kóng ê lu̍t-hoat tùi góa ū lī-ek, iâⁿ-kòe chheng-bān ê kim-gîn. | 註釋 串珠 字典 原文 典藏 |
119:73 | Siōng-chú lu̍t-hoat ê kong-chèngLí ê chhiú chhòng-chō góa, sêng-choân góa; kiû Lí hō͘ góa tì-hūi thang lâi ha̍k-si̍p Lí ê kài-bēng! | 註釋 串珠 原文 典藏 |
119:74 | Kèng-ùi Lí ê lâng khòaⁿ tio̍h góa chiū ē hoaⁿ-hí, in-ūi góa ū gióng-bōng Lí ê kà-sī. | 註釋 串珠 原文 典藏 |
119:75 | Siōng-chú ah, góa chai Lí ê phòaⁿ-toàn sī kong-gī; Lí hō͘ góa siū khó͘ sī chiàu Lí ê sìn-si̍t. | 註釋 串珠 原文 典藏 |
119:76 | Kiû Lí ēng Lí ê chû-ài an-ùi góa, sī chiàu Lí tùi Lí ê lô͘-po̍k ê èng-ín. | 註釋 串珠 原文 典藏 |
119:77 | Goān Lí ê chû-pi lîm-kàu góa, hō͘ góa ū oa̍h-miā, in-ūi Lí ê lu̍t-hoat sī góa só͘ ì-ài. | 註釋 串珠 原文 典藏 |
119:78 | Goān kiau-ngō͘ ê lâng tú tio̍h kiàn-siàu, in-ūi in bô lí-iû óng-khut góa; chóng-.sī, góa beh tiām-tiām su-sióng Lí ê kà-sī. | 註釋 串珠 原文 典藏 |
119:79 | Goān kèng-ùi Lí ê lâng kui-ǹg góa, in chiū ē chai Lí ê kà-sī. | 註釋 串珠 原文 典藏 |
119:80 | Goān góa ê sim oân-choân chun-siú Lí ê lu̍t-lē, hō͘ góa bē tì-kàu kiàn-siàu. | 註釋 串珠 原文 典藏 |
119:81 | Kiû Chú kiù-chō͘Góa ê sim-sîn him-bō͘ Lí ê kiù-un kàu hūn-.khì, chóng-.sī, Lí ê ōe hō͘ góa ū ǹg-bāng. | 註釋 串珠 原文 典藏 |
119:82 | Góa in-ūi gióng-bōng Lí ê ōe tì-kàu ba̍k-chiu hoe, góa kóng, Lí tang-sî beh an-ùi góa? | 註釋 串珠 原文 典藏 |
119:83 | In-ūi góa chhin-chhiūⁿ tī hóe-ian tiong ê phôe-tē, chóng-.sī, góa bô bē kì-tit Lí ê lu̍t-lē. | 註釋 串珠 字典 原文 典藏 |
119:84 | Lí ê lô͘-po̍k ê ji̍t-chí ū gōa chē? Lí tang-sî chiah beh sím-phòaⁿ pek-hāi góa ê lâng? | 註釋 串珠 原文 典藏 |
119:85 | Kiau-ngō͘ bô chun-thàn Lí lu̍t-hoat ê lâng, ku̍t hām-kheⁿ beh hāi góa. | 註釋 串珠 字典 原文 典藏 |
119:86 | Lí ê kài-bēng choân-pō͘ lóng sìn-si̍t; in bô-iân bô-kò͘ pek-hāi góa, kiû Lí pang-chān góa. | 註釋 串珠 原文 典藏 |
119:87 | In hiám-hiám-á kā góa tùi sè-kan tû-bia̍t, chóng-.sī, góa bô pàng-sak Lí ê kà-sī. | 註釋 串珠 原文 典藏 |
119:88 | Kiû Lí chiàu Lí ê chû-ài hō͘ góa oa̍h lo̍h-.khì, góa beh chun-siú Lí ê chhùi kóng-chhut ê kà-sī. | 註釋 串珠 原文 典藏 |
119:89 | Siong-sìn Siōng-chú ê lu̍t-hoatSiōng-chú ah, Lí ê ōe khak-li̍p tī thiⁿ-.ni̍h, ti̍t-kàu éng-oán. | 註釋 串珠 原文 典藏 |
119:90 | Lí ê sìn-si̍t chûn kàu bān tāi; Lí kiàn-li̍p tē, tē chiū kú-tn̂g chûn-chāi. | 註釋 串珠 原文 典藏 |
119:91 | Thiⁿ-tē chiàu Lí ê tēng-lē kàu taⁿ iáu chûn-chāi, in-ūi bān-mi̍h lóng sī Lí ê chhe-ēng. | 註釋 串珠 原文 典藏 |
119:92 | Góa nā m̄-sī ì-ài Lí ê lu̍t-hoat, chá to̍h tī góa ê khó͘-lān tiong bia̍t-bông à! | 註釋 串珠 原文 典藏 |
119:93 | Góa éng-oán bô bē kì-tit Lí ê kà-sī, in-ūi Lí ēng che hō͘ góa oa̍h lo̍h-.khì. | 註釋 串珠 原文 典藏 |
119:94 | Góa sī Lí ê, kiû Lí kiù góa, in-ūi góa ū teh cháu-chhōe Lí ê kà-sī. | 註釋 串珠 原文 典藏 |
119:95 | Pháiⁿ lâng teh tng-tán góa, beh kā góa tû-bia̍t, chóng-.sī, góa beh káng-kiù Lí ê kà-sī. | 註釋 串珠 原文 典藏 |
119:96 | Góa khòaⁿ só͘-ū oân-choân ê lóng sī iú-hān, chí ū Lí ê kài-bēng hui-siông khui-khoah. | 註釋 串珠 原文 典藏 |
119:97 | Ài-bō͘ Siōng-chú ê Lu̍t-hoatGóa ì-ài Lí ê lu̍t-hoat kàu án-chóaⁿ! Góa kui ji̍t tiām-tiām teh su-sióng. | 註釋 串珠 原文 典藏 |
119:98 | Lí ê kài-bēng tiāⁿtiāⁿ kah góa tông-chāi, hō͘ góa pí góa ê tùi-te̍k khah ū tì-hūi. | 註釋 串珠 原文 典藏 |
119:99 | Góa pí só͘-ū ê lāu-su khah thong-ta̍t, in-ūi góa tiām-tiām teh su-sióng Lí ê lu̍t-lē. | 註釋 串珠 原文 典藏 |
119:100 | Góa pí lāu lâng khah bêng-pe̍k, in-ūi góa ū teh chun-siú Lí ê kà-sī. | 註釋 串珠 原文 典藏 |
119:101 | Góa kìm góa ê kha, bô kiâⁿ it-chhè ê pháiⁿ lō͘, hō͘ góa thang chun-siú Lí ê kà-sī. | 註釋 串珠 字典 原文 典藏 |
119:102 | Góa bô phian-lī Lí ê phòaⁿ-toàn, in-ūi Lí ū kà-sī góa. | 註釋 串珠 原文 典藏 |
119:103 | Lí ê ōe tī góa ê chhùi lāi ū gōa tiⁿ, tī góa ê chhùi lāi pí bi̍t khah tiⁿ! | 註釋 串珠 原文 典藏 |
119:104 | Góa tùi Lí ê kà-sī tit tio̍h bêng-pe̍k, só͘-í, góa oàn-hūn só͘-ū ê siâ-lō͘. | 註釋 串珠 字典 原文 典藏 |
119:105 | Siōng-chú lu̍t-hoat ê KngLí ê ōe chò góa kha-chêng ê teng, chò góa lō͘-chiūⁿ ê kng. | 註釋 串珠 字典 原文 典藏 |
119:106 | Lí kong-gī ê phòaⁿ-toàn, góa bat chiùchōa beh chun-siú, góa it-tēng beh ánne kiâⁿ. | 註釋 串珠 原文 典藏 |
119:107 | Góa siū khó͘ kàu-ke̍k; Siōng-chú ah, kiû Lí chiàu Lí ê èng-ín hō͘ góa oa̍h lo̍h-.khì! | 註釋 串珠 原文 典藏 |
119:108 | Siōng-chú ah, kiû Lí kàm-la̍p góa ê chhùi só͘ hoaⁿ-hí hiàn ê oló, koh kā Lí ê lu̍t-lē kà-sī góa. | 註釋 串珠 原文 典藏 |
119:109 | Góa ê sèⁿ-miā tiāⁿtiāⁿ tú tio̍h gûi-hiám, góa iáu koh bô bē kì-tit Lí ê lu̍t-hoat. | 註釋 串珠 原文 典藏 |
119:110 | Pháiⁿ lâng siat lô-bāng beh hāi góa, chóng-.sī, góa bô phian-lī Lí ê kà-sī. | 註釋 串珠 字典 原文 典藏 |
119:111 | Góa ēng Lí ê kà-sī chò éng-oán ê ki-gia̍p, in-ūi che sī góa sim só͘ ì-ài ê. | 註釋 串珠 原文 典藏 |
119:112 | Góa choan-sim kui-ǹg Lí ê lu̍t-lē, éng-oán chun-thàn, ti̍t-kàu lâng seⁿ ê lō͘-bóe. | 註釋 串珠 原文 典藏 |
119:113 | Siōng-chú lu̍t-hoat ê an-choânNn̄g-iūⁿ sim ê lâng sī góa só͘ thòng-hūn; chí ū Lí ê lu̍t-hoat sī góa só͘ ì-ài. | 註釋 串珠 原文 典藏 |
119:114 | Lí sī góa siám-bih ê só͘-chāi, koh sī góa ê tîn-pâi; góa gióng-bōng Lí ê èng-ín. | 註釋 串珠 字典 原文 典藏 |
119:115 | Chò pháiⁿ ê lâng, lín tio̍h lī-khui góa! Hō͘ góa thang chun-siú góa ê Siōng-chú ê kài-bēng. | 註釋 串珠 原文 典藏 |
119:116 | Kiû Lí chiàu Lí ê èng-ín hû-chhî góa, hō͘ góa oa̍h lo̍h-.khì, mā bô hō͘ góa in-ūi só͘ gióng-bōng ê lâi kiàn-siàu. | 註釋 串珠 原文 典藏 |
119:117 | Kiû Lí hû-chhî góa, góa chiū tit-kiù, góa beh tiāⁿtiāⁿ chun-tiōng Lí ê lu̍t-lē. | 註釋 串珠 原文 典藏 |
119:118 | Kiàn-nā kiâⁿ chhe-lō͘ lī-khui Lí ê lu̍t-lē ê lâng, Lí khòaⁿ-khin in; in-ūi in ê kúi-chà sī hi-ké. | 註釋 串珠 原文 典藏 |
119:119 | Sè-kan ê pháiⁿ lâng, Lí lóng chhin-chhiūⁿ pùn-sò kā in tû-.khì; in-ūi ánne, góa ì-ài Lí ê kà-sī. | 註釋 串珠 原文 典藏 |
119:120 | Góa in-ūi kiaⁿ-ùi Lí, kui seng-khu phi̍h-phi̍h chhoah; Lí ê sím-phòaⁿ mā hō͘ góa kiaⁿ-hiâⁿ. | 註釋 串珠 原文 典藏 |
119:121 | Chun-siú Siōng-chú ê Lu̍t-hoatGóa péng-kong kiâⁿ-gī, kiû Lí m̄ thang kā góa pàng hō͘ ap-chè góa ê lâng! | 註釋 串珠 原文 典藏 |
119:122 | Kiû Lí pó-chèng Lí ê lô͘-po̍k thang tit tio̍h hó kéng-gū, m̄ thang hō͘ kiau-ngō͘ ê lâng kā góa ap-chè! | 註釋 串珠 原文 典藏 |
119:123 | Góa in-ūi gióng-bōng Lí ê kiù-un kah Lí kong-gī ê èng-ín, tì-kàu ba̍k-chiu hoe. | 註釋 串珠 原文 典藏 |
119:124 | Kiû Lí chiàu Lí ê chû-ài khoán-thāi Lí ê lô͘-po̍k, kā Lí ê lu̍t-lē kà-sī góa. | 註釋 串珠 原文 典藏 |
119:125 | Góa sī Lí ê lô͘-po̍k, kiû Lí sù hō͘ góa tì-hūi, hō͘ góa ē bat Lí ê kà-sī. | 註釋 串珠 原文 典藏 |
119:126 | Chit-má sī Siōng-chú teh chò tāichì ê sî, in-ūi ū lâng beh hùi-tû Lí ê lu̍t-hoat. | 註釋 串珠 原文 典藏 |
119:127 | Só͘-í, góa ì-ài Lí ê kài-bēng iâⁿ-kòe kim, mā iâⁿ-kòe sûn-kim. | 註釋 串珠 原文 典藏 |
119:128 | Só͘-í, Lí só͘-ū ê kà-sī góa lóng lia̍h-chò sī chèng-ti̍t; jî-chhiáⁿ góa oàn-hūn it-chhè ê siâ-lō͘. | 註釋 串珠 字典 原文 典藏 |
119:129 | Khat-bōng chun-siú Siōng-chú ê Lu̍t-hoatLí ê kà-sī chin kî-biāu, só͘-í, góa ê sim kín-sīn teh chip-siú. | 註釋 串珠 原文 典藏 |
119:130 | Lí ê ōe chi̍t-ē khui-thiah chiū hoat-chhut kng, hō͘ gōng lâng thong-ta̍t. | 註釋 串珠 原文 典藏 |
119:131 | Góa khui chhùi ti̍t-ti̍t chhoán, in-ūi góa pek-chhiat him-bō͘ Lí ê kài-bēng. | 註釋 串珠 原文 典藏 |
119:132 | Kiû Lí oa̍t tńg-lâi khòaⁿ góa, liân-bín góa, chhin-chhiūⁿ Lí pêng-siông teh khoán-thāi hiahê kèng-ùi Lí ê miâ ê lâng. | 註釋 串珠 原文 典藏 |
119:133 | Kiû Lí ēng Lí ê kà-sī hō͘ góa ê kha-pō͘ ún-tàng, bô iông-ín siáⁿ-mi̍h chōe-ok lâi koán-hat góa. | 註釋 串珠 原文 典藏 |
119:134 | Kiû Lí kiù-sio̍k góa thoat-lī lâng ê ap-chè, góa chiū ē-tàng chun-siú Lí ê kà-sī. | 註釋 串珠 原文 典藏 |
119:135 | Goān Lí hō͘ Lí bīn ê kng chiò Lí ê lô͘-po̍k, koh kā Lí ê lu̍t-lē kà-sī góa. | 註釋 串珠 原文 典藏 |
119:136 | Góa ê ba̍k-sái chhin-chhiūⁿ khe chúi teh lâu, in-ūi lâng bô chun-siú Lí ê lu̍t-hoat. | 註釋 串珠 原文 典藏 |
119:137 | Siōng-chú lu̍t-hoat ê kong-chèng Siōng-chú, Lí sī kong-gī; Lí ê phòaⁿ-toàn mā sī kong-chèng. | 註釋 串珠 原文 典藏 |
119:138 | Lí só͘ bēng-lēng ê kà-sī sī chiàu kong-gī, hui-siông sìn-si̍t. | 註釋 串珠 原文 典藏 |
119:139 | Góa ê sim tio̍h-kip chhin-chhiūⁿ hóe teh kā góa sio sí, in-ūi góa ê tùi-te̍k bē kì-tit Lí ê ōe. | 註釋 串珠 原文 典藏 |
119:140 | Lí ê ōe toàn-liān kàu chin cheng, só͘-í, Lí ê lô͘-po̍k chin ì-ài. | 註釋 串珠 原文 典藏 |
119:141 | Góa pi-bî soah hō͘ lâng khòaⁿ-khin, chóng-.sī, góa bô bē kì-tit Lí ê kà-sī. | 註釋 串珠 原文 典藏 |
119:142 | Lí ê kong-gī ti̍t-kàu éng-oán; Lí ê lu̍t-hoat chin-si̍t. | 註釋 串珠 原文 典藏 |
119:143 | Góa tú tio̍h hoān-lān iu-khó͘, chóng-.sī, Lí ê kài-bēng sī góa só͘ ì-ài. | 註釋 串珠 原文 典藏 |
119:144 | Lí ê kà-sī éng-oán sī kong-gī; kiû Lí sù hō͘ góa tì-hūi, góa chiū ē-tàng oa̍h lo̍h-.khì. | 註釋 串珠 原文 典藏 |
119:145 | Kiû Chú kái-kiùSiōng-chú ah, góa choan-sim kiû-kiò Lí, kiû Lí ìn-tap góa; góa beh kín-sīn chun-siú Lí ê lu̍t-lē. | 註釋 串珠 原文 典藏 |
119:146 | Góa tùi Lí kiû-kiò, kiû Lí kiù góa! Góa beh chun-siú Lí ê kà-sī. | 註釋 串珠 原文 典藏 |
119:147 | Góa thàn thiⁿ iáu-bōe kng kiû-kiò Lí; góa gióng-bōng Lí ê ōe. | 註釋 串珠 原文 典藏 |
119:148 | Àm-sî keⁿ iáu-bōe chhim, góa ê ba̍k-chiu í-keng nih-khui, in-ūi góa beh tiām-tiām su-sióng Lí ê ōe. | 註釋 串珠 原文 典藏 |
119:149 | Kiû Lí chiàu Lí ê chû-ài thiaⁿ góa ê siaⁿ; Siōng-chú ah, kiû Lí ēng Lí ê phòaⁿ-toàn lâi hō͘ góa ē oa̍h lo̍h-.khì! | 註釋 串珠 原文 典藏 |
119:150 | Koàn-liān kiâⁿ pháiⁿ ê lâng pek óa-.lâi; in lī-khui Lí ê lu̍t-hoat hn̄g-hn̄g. | 註釋 串珠 原文 典藏 |
119:151 | Siōng-chú ah, Lí kah góa tông-chāi; Lí ê kài-bēng lóng sī chin-si̍t! | 註釋 串珠 原文 典藏 |
119:152 | Góa chá to̍h káng-kiù Lí ê kà-sī, Lí khak-li̍p hiahê kà-sī kàu éng-oán. | 註釋 串珠 原文 典藏 |
119:153 | Kiû Chú Pang-chō͘Kiû Lí khòaⁿ-kò͘ góa ê khó͘-lān lâi khan kiù góa, in-ūi góa bô bē kì-tit Lí ê lu̍t-hoat. | 註釋 串珠 原文 典藏 |
119:154 | Kiû Lí thè góa sin-oan, kiù-sio̍k góa, chiàu Lí ê èng-ín hō͘ góa oa̍h lo̍h-.khì. | 註釋 串珠 原文 典藏 |
119:155 | Kiù-un lī-khui pháiⁿ lâng hn̄g-hn̄g, in-ūi in bô cháu-chhōe Lí ê lu̍t-lē. | 註釋 串珠 原文 典藏 |
119:156 | Siōng-chú ah, Lí ū tōa chû-pi; kiû Lí chiàu Lí ê phòaⁿ-toàn hō͘ góa oa̍h lo̍h-.khì. | 註釋 串珠 原文 典藏 |
119:157 | Pek-hāi góa ê, tí-te̍k góa ê lâng chin chē, chóng-.sī, góa bô phian-lī Lí ê kà-sī. | 註釋 串珠 原文 典藏 |
119:158 | Góa khòaⁿ tio̍h kan-ok ê lâng chiū chin thó-ià, in-ūi in bô chun-siú Lí ê kà-sī. | 註釋 串珠 原文 典藏 |
119:159 | Lí khòaⁿ góa án-chóaⁿ ì-ài Lí ê kà-sī! Siōng-chú ah, kiû Lí chiàu Lí ê chû-ài hō͘ góa oa̍h lo̍h-.khì! | 註釋 串珠 原文 典藏 |
119:160 | Lí ê ōe ê chóng-kin-thâu sī chin-si̍t; Lí it-chhè kong-gī ê phòaⁿ-toàn sī éng-oán chûn-chāi. | 註釋 串珠 原文 典藏 |
119:161 | Ì-ài Siōng-chú ê Lu̍t-hoatKùi-cho̍k bô-iân bô-kò͘ pek-hāi góa, chóng-.sī, góa ê sim kiaⁿ-ùi Lí ê kà-sī. | 註釋 串珠 原文 典藏 |
119:162 | Góa ì-ài Lí ê ōe, chhin-chhiūⁿ lâng tit tio̍h chin chē thâi-iâⁿ ê mi̍h. | 註釋 串珠 原文 典藏 |
119:163 | Pe̍h-chha̍t-ōe sī góa só͘ thòng-hūn, só͘ thó-ià ê; Lí ê lu̍t-hoat sī góa só͘ ì-ài ê. | 註釋 串珠 原文 典藏 |
119:164 | Góa in-ūi Lí kong-gī ê phòaⁿ-toàn, ta̍k ji̍t chhit pái oló Lí. | 註釋 串珠 原文 典藏 |
119:165 | Thiàⁿ-sioh Lí ê lu̍t-hoat ê lâng ū tōa pêng-an, bô chi̍t hāng ē tîⁿ-pòaⁿ in ê kha. | 註釋 串珠 原文 典藏 |
119:166 | Siōng-chú ah, góa ū teh gióng-bōng Lí ê kiù-un, ū chun-hêng Lí ê kài-bēng. | 註釋 串珠 原文 典藏 |
119:167 | Góa ê sim ū chun-siú Lí ê kà-sī; chiahê ōe, góa hui-siông ì-ài. | 註釋 串珠 原文 典藏 |
119:168 | Góa ū chun-siú Lí ê kà-sī kah Lí ê lu̍t-lē, in-ūi góa it-chhè ê só͘ kiâⁿ lóng tī Lí ê bīn-chêng. | 註釋 串珠 字典 原文 典藏 |
119:169 | Kiû Chō͘ ê Kî-tóSiōng-chú ah, goān góa kiû-kiò ê siaⁿ thàu kàu Lí ê bīn-chêng, kiû Lí chiàu Lí ê èng-ín siúⁿ-sù góa tì-hūi. | 註釋 串珠 原文 典藏 |
119:170 | Goān góa khún-kiû ê ōe ta̍t-kàu Lí ê bīn-chêng, kiû Lí chiàu Lí ê èng-ín khan kiù góa. | 註釋 串珠 原文 典藏 |
119:171 | Goān góa ê chhùi-tûn hoat-chhut oló ê ōe, in-ūi Lí ū kā Lí ê lu̍t-lē kà-sī góa. | 註釋 串珠 原文 典藏 |
119:172 | Goān góa ê chi̍h chhiùⁿ koa oló Lí ê èng-ín, in-ūi Lí só͘-ū ê kài-bēng lóng sī kong-gī. | 註釋 串珠 原文 典藏 |
119:173 | Goān Lí chhun chhiú pang-chān góa, in-ūi góa ū soán-te̍k Lí ê kà-sī. | 註釋 串珠 原文 典藏 |
119:174 | Siōng-chú ah, góa pek-chhiat him-bō͘ Lí ê kiù-un! Lí ê lu̍t-hoat mā sī góa só͘ ì-ài. | 註釋 串珠 原文 典藏 |
119:175 | Goān góa oa̍h-.leh thang hō͘ góa ê sim-sîn oló Lí! Goān Lí ê phòaⁿ-toàn pang-chān góa! | 註釋 串珠 原文 典藏 |
119:176 | Góa bê-lō͘ chhin-chhiūⁿ phah-m̄-kiàn ê iûⁿ, kiû Lí kā Lí ê lô͘-po̍k chhōe tò tńg-.lâi, in-ūi góa bô bē kì-tit Lí ê kài-bēng. | 註釋 串珠 字典 原文 典藏 |