章節 | 全民台語聖經全羅經文 | 註釋 |
106:1 | Ēng Jîn-chû Tùi-thāi I ê Chú-bînLín tio̍h oló Siōng-chú! Lín tio̍h kám-siā Siōng-chú, in-ūi I sī hó; I ê chû-ài éng-oán chûn-chāi. | 註釋 串珠 原文 典藏 |
106:2 | Siáⁿ lâng ē-hiáu kóng-khí Siōng-chú ê tōa koân-lêng? Siáⁿ lâng ē-tàng kóng-chhut I it-chhè ê miâ-siaⁿ? | 註釋 串珠 原文 典藏 |
106:3 | Kiàn-nā chun-siú kong-pêⁿ, tiāⁿtiāⁿ kiâⁿ kong-gī ê, chit chióng lâng chiū ē ū hok-khì! | 註釋 串珠 原文 典藏 |
106:4 | Siōng-chú ah, Lí ēng un-hūi khoán-thāi Lí ê chú-bîn; kiû Lí mā ēng che kì-liām góa, kiû Lí hō͘ kiù-un lîm-kàu góa, | 註釋 串珠 原文 典藏 |
106:5 | Hō͘ góa khòaⁿ tio̍h Lí kéng-soán ê chú-bîn ê hok-khì kah Lí ê kok chò-hóe hoaⁿ-hí khoài-lo̍k kah Lí ê chú-bîn chò-hóe êng-kng. | 註釋 串珠 原文 典藏 |
106:6 | Goán kah goán ê chó͘-sian kāng-khoán hoān chōe, goán chok-gia̍t, kiâⁿ pháiⁿ. | 註釋 串珠 原文 典藏 |
106:7 | Goán ê chó͘-sian tī Ai-gi̍p bô bêng-pe̍k Lí só͘ chò ê kî-sū, bē kì-tit Lí hong-sēng ê chû-ài, hoán-tńg tī Âng-hái kiâⁿ pōe-ge̍k. | 註釋 串珠 原文 典藏 |
106:8 | M̄ koh, I ūi tio̍h kakī ê miâ kā in chín-kiù, lâi hián-bêng I ê tōa koân-lêng. | 註釋 串珠 原文 典藏 |
106:9 | Koh hoah Âng-hái, hái chiū ta; I chhōa in keng-kòe chhim ê só͘-chāi, ná chhin-chhiūⁿ teh keng-kòe khòng-iá. | 註釋 串珠 原文 典藏 |
106:10 | I kiù in thoat-lī oàn-hūn in ê lâng ê chhiú, tùi tùi-te̍k ê chhiú tiong kā in kiù-sio̍k. | 註釋 串珠 原文 典藏 |
106:11 | Chúi im-sí in ê tùi-te̍k, bô lâu kah pòaⁿ-ê. | 註釋 串珠 原文 典藏 |
106:12 | Hit sî, in chiah sìn I ê ōe, chhiùⁿ koa oló I. | 註釋 串珠 原文 典藏 |
106:13 | In chin kín to̍h bē kì-tit I ê só͘ chò, bô thèng-hāu I ê chí-sī. | 註釋 串珠 原文 典藏 |
106:14 | Hoán-tńg tī khòng-iá tōa khí tham-io̍k, tī pha-hng ê só͘-chāi chhì-thàm Siōng-tè. | 註釋 串珠 原文 典藏 |
106:15 | I kā in só͘ kiû ê lóng hō͘ in, M̄ koh, hō͘ in ê sîn-hûn soe-lám. | 註釋 串珠 原文 典藏 |
106:16 | In koh tī iâⁿ tiong oàn-tò͘ Mô͘-se kah Siōng-chú sèng-pia̍t ê A-lông. | 註釋 串珠 原文 典藏 |
106:17 | Tē chiū li̍h-.khui, thun-bia̍t Ta-than, iám-ba̍t A-mí-lâm hit-tīn lâng. | 註釋 串珠 原文 典藏 |
106:18 | Ū hóe tī hit-tīn lâng tiong-kan hoat-khí; ū hóe-iām sio-bia̍t hiahê pháiⁿ lâng. | 註釋 串珠 原文 典藏 |
106:19 | In tī Hô-lep soaⁿ chō gû-á, phak-pài in só͘ chù ê ngó͘-siōng. | 註釋 串珠 字典 原文 典藏 |
106:20 | Án-ne, kā in ê êng-kng ōaⁿ-chò chia̍h chháu ê gû-á siōng. | 註釋 串珠 字典 原文 典藏 |
106:21 | In bē kì-tit chín-kiù in ê Siōng-tè; I bat tī Ai-gi̍p tùi in chò tōa tāichì, | 註釋 串珠 原文 典藏 |
106:22 | Tī Hâm ê tē kiâⁿ kî-sū, tī Âng-hái kiâⁿ thang kiaⁿ ê tāichì. | 註釋 串珠 原文 典藏 |
106:23 | Só͘-í, I kóng beh kā in siau-bia̍t; nā m̄-sī ū I só͘ kéng-soán ê Mô͘-se khiā tī I ê bīn-chêng lâi bán-hôe I ê siū-khì, I chá to̍h kā in bia̍t-bông à. | 註釋 串珠 原文 典藏 |
106:24 | In koh khòaⁿ-khin hit-ê hó ê tē, m̄-sìn I ê ōe. | 註釋 串珠 原文 典藏 |
106:25 | In tī in pò͘-pêⁿ lāi hoat-chhut oàn-hūn ê ōe, m̄-thiaⁿ-thàn Siōng-chú ê ōe. | 註釋 串珠 原文 典藏 |
106:26 | Só͘-í, I tùi in gia̍h chhiú chiùchōa, beh hō͘ in sí tī khòng-iá, | 註釋 串珠 原文 典藏 |
106:27 | Hō͘ in ê kiáⁿ-sun sí tī lia̍t kok ê tiong-kan, sì-sòaⁿ tī ta̍k só͘-chāi. | 註釋 串珠 原文 典藏 |
106:28 | In koh khì pài Pau-al ê Ba-al, chia̍h chè hiàn hō͘ bô oa̍h-miā ê sîn-bêng ê chè-mi̍h. | 註釋 串珠 原文 典藏 |
106:29 | In ánne chò jiá-khí I ê siū-khì, chiū ū un-e̍k tī in tiong-kan liû-hêng. | 註釋 串珠 原文 典藏 |
106:30 | Hit sî, Hui-ne-hah chhut-lâi ūi in pâi-kái, un-e̍k chiah soah. | 註釋 串珠 原文 典藏 |
106:31 | Chit-ê tāichì Siōng-tè kā i sǹg-chò sī gī, sè-sè tāi-tāi, it-ti̍t kàu éng-oán. | 註釋 串珠 原文 典藏 |
106:32 | In tī Me-lí-bah ê chúi-chôaⁿ koh hō͘ Siōng-chú siū-khì, sīm-chì Mô͘-se ūi tio̍h in ê iân-kò͘ mā siū liân-lūi; | 註釋 串珠 原文 典藏 |
106:33 | sī in-ūi in ngó͘-ge̍k in ê Siōng-tè, tì-sú Mô͘-se kóng-chhut sò-sèng chhong-pōng ê ōe. | 註釋 串珠 原文 典藏 |
106:34 | Siōng-chú kā in hoan-hù tio̍h châu-bia̍t hiahê jîn-bîn, in bô chun-thàn Siōng-chú, | 註釋 串珠 原文 典藏 |
106:35 | Hoán-tńg kah gōa-pang lâng hūn-cha̍p thong-hun, o̍h in ê só͘ chò, | 註釋 串珠 原文 典藏 |
106:36 | ho̍k-sāi in ê ngó͘-siōng, kiat-kó chiâⁿ-chò hāi in ê hām-chéⁿ. | 註釋 串珠 字典 原文 典藏 |
106:37 | In kā in ê kiáⁿ-jî chò chè-mi̍h, lâi hiàn hō͘ kúi-sîn, | 註釋 串珠 原文 典藏 |
106:38 | in lâu bô chōe ê lâng ê hoeh, to̍h-sī in ê kiáⁿ-jî ê hoeh, kā in chò chè-mi̍h hiàn hō͘ Ka-nân ê ngó͘-siōng, hit-ê tē chiū hō͘ hoeh òe lahsap. | 註釋 串珠 原文 典藏 |
106:39 | Án-ne, in hō͘ kakī ê hêng-ûi òe lahsap, tī in ê só͘ chò hoān tio̍h îm-hēng. | 註釋 串珠 原文 典藏 |
106:40 | Só͘-í, Siōng-chú tùi I ê chú-bîn hoat-chhut siū-khì, thó-ià I ê sán-gia̍p — I-su-la-el. | 註釋 串珠 原文 典藏 |
106:41 | I kā in kau hō͘ gōa-pang lâng ê chhiú; oàn-hūn in ê lâng chiū kā in koán-hat. | 註釋 串珠 原文 典藏 |
106:42 | In ê tùi-te̍k mā kā in ap-chè, in chiū khut-ho̍k tī tùi-te̍k ê chhiú-hā. | 註釋 串珠 原文 典藏 |
106:43 | Siōng-chú chin chē pái kā in chín-kiù, m̄ koh, in tī in ê kè-bô͘ tiong pōe-ge̍k I; in-ūi kakī ê chōe-ok soah tì-kàu tūi-lo̍h. | 註釋 串珠 原文 典藏 |
106:44 | I thiaⁿ tio̍h in teh ai-kiò ê sî, iáu koh thé-thiap in ê gûi-kip. | 註釋 串珠 原文 典藏 |
106:45 | I ūi tio̍h in lâi kì-liām I ê iok, chiàu I hong-sēng ê chû-ài hôe-sim choán-ì, | 註釋 串珠 原文 典藏 |
106:46 | I mā hō͘ in tī só͘-ū lia̍h in ê lâng ê bīn-chêng tit tio̍h liân-bín. | 註釋 串珠 原文 典藏 |
106:47 | Siōng-chú — goán ê Siōng-tè ah, kiû Lí chín-kiù goán, tùi gōa-pang tiong kā goán chū-chi̍p; thang hō͘ goán kám-siā Lí ê sèng-miâ, lia̍h Lí ê siū oló chò tōa hoaⁿ-hí. | 註釋 串珠 原文 典藏 |
106:48 | Tio̍h oló Siōng-chú — I-su-la-el ê Siōng-tè, tùi éng-oán kàu éng-oán. Goān chèng lâng lóng kóng, A-men! Lín tio̍h oló Siōng-chú! | 註釋 串珠 原文 典藏 |