章節 | 全民台語聖經全羅經文 | 註釋 |
104:1 | O-ló Chhòng-chō ê ChúGóa ê sim-sîn ah, lí tio̍h oló Siōng-chú. Siōng-chú — góa ê Siōng-tè ah, Lí sī chì-tōa! Lí ēng chun-êng, ui-giâm chò saⁿ lâi chhēng. | 註釋 串珠 原文 典藏 |
104:2 | Lí chhēng kng-bêng chhin-chhiūⁿ gōa-saⁿ; thí-khui thiⁿ chhin-chhiūⁿ pò͘-pêⁿ. | 註釋 串珠 字典 原文 典藏 |
104:3 | Siōng-tè tī chúi tiong an-tì I lâu-koh ê thong-îⁿ, ēng hûn chò I ê chhia, ēng hong ê si̍t lâi kiâⁿ. | 註釋 串珠 字典 原文 典藏 |
104:4 | I ēng hong chò I ê sù-chiá, ēng hóe-iām chò I ê chhe-ēng. | 註釋 串珠 原文 典藏 |
104:5 | I kā tē hē tī tē-ki téng-bīn, hō͘ i éng-oán bē iô-tāng. | 註釋 串珠 字典 原文 典藏 |
104:6 | Lí ēng chhim-ian chhin-chhiūⁿ saⁿ-khò͘ jia-khàm tē bīn, chiahê chúi im-kòe soaⁿ-niá. | 註釋 串珠 字典 原文 典藏 |
104:7 | Lí chi̍t-ē hoah, chúi chiū kóaⁿ-kín lâu cháu; Lí ê lûi chi̍t ē tân, chúi chiū kóaⁿ-kín lâu. | 註釋 串珠 原文 典藏 |
104:8 | In chhèng kàu soaⁿ-thâu, lo̍h kàu soaⁿ-kok, lâu kàu Lí kā in tiāⁿ tio̍h ê só͘-chāi. | 註釋 串珠 原文 典藏 |
104:9 | Lí tiāⁿ tio̍h kài-hān hō͘ chúi bē tàng pôaⁿ-kòe, bô koh tò tńg-lâi jia-khàm tē bīn. | 註釋 串珠 原文 典藏 |
104:10 | Lí hō͘ chúi-chôaⁿ tùi soaⁿ lāi chhèng chhut-.lâi, lâu ji̍p-khì soaⁿ-kok, | 註釋 串珠 原文 典藏 |
104:11 | Hō͘ soaⁿ-.ni̍h ê cháu-siù lóng ū thang lim, mā hō͘ iá-lî ē-tàng chí chhùi-ta. | 註釋 串珠 字典 原文 典藏 |
104:12 | Lí hō͘ khong-tiong ê poe-chiáu hioh tī chúi piⁿ, tī chhiū-ki téng chhiùⁿ koa. | 註釋 串珠 字典 原文 典藏 |
104:13 | Lí tùi Lí ê lâu-koh tiong koàn-ak soaⁿ-niá; tùi Lí só͘ chò ê hāu-kó, tē chiū tit tio̍h chhiong-chiok. | 註釋 串珠 字典 原文 典藏 |
104:14 | Lí hō͘ chháu seng-tióng, hō͘ chengseⁿ ū thang chia̍h, mā ū chhài-se chò lâng ê lō͘-ēng, hō͘ chia̍h-mi̍h tùi tē-.ni̍h seⁿ-chhut; | 註釋 串珠 字典 原文 典藏 |
104:15 | Koh ū chiú hō͘ lâng ê sim hoaⁿ-hí, ū iû thang chu-jūn lâng ê bīn, ū chia̍h-mi̍h pó͘-ióng lâng ê ióng-chòng. | 註釋 串珠 字典 原文 典藏 |
104:16 | Siōng-chú ê chhiū lóng tit tio̍h chhiong-chiok ê chu-jūn, to̍h-sī I só͘ chai Le-ba-nòng ê pek-hiuⁿ chhiū. | 註釋 串珠 字典 原文 典藏 |
104:17 | Poe-chiáu chò siū tī hit lāi-bīn; ū ho̍h tòa tī siông chhiū ê tiong-kan. | 註釋 串珠 字典 原文 典藏 |
104:18 | Koân soaⁿ sī hō͘ iá soaⁿ-iûⁿ tòa; chio̍h-pôaⁿ sī soa-hoan siám-bih ê só͘-chāi. | 註釋 串珠 字典 原文 典藏 |
104:19 | Siōng-tè ēng goe̍h-niû lâi tiāⁿ tio̍h sî-cheh; ji̍t-thâu mā chai thang lo̍h soaⁿ. | 註釋 串珠 原文 典藏 |
104:20 | Lí hō͘ ji̍t àm chò àm-sî, hit sî, chhiū-nâ lāi ê pah-siù chiū lóng pê chhut-.lâi. | 註釋 串珠 原文 典藏 |
104:21 | Sai-á-thûn háu beh jiàu mi̍h chia̍h, tùi Siōng-tè thó in ê chia̍h-mi̍h. | 註釋 串珠 字典 原文 典藏 |
104:22 | Ji̍t-thâu chi̍t-ē chhut, in chiū cháu-khì bih, tó tī in ê tōng lāi hioh-khùn. | 註釋 串珠 原文 典藏 |
104:23 | Lâng chhut-khì chò-kang, thoa-bôa kàu ê-hng sî. | 註釋 串珠 原文 典藏 |
104:24 | Siōng-chú ah, Lí só͘ chō ê ná ē hiah chē! In lóng sī Lí ēng tì-hūi chō-sêng ê; choân tē chhiong-móa Lí ê hù-jū. | 註釋 串珠 原文 典藏 |
104:25 | Hia ū hái, tōa koh khoah; lāi-bīn ū sǹg bē liáu ê tōng-bu̍t, tōa-sè ê oa̍h-mi̍h lóng ū. | 註釋 串珠 字典 原文 典藏 |
104:26 | Tī hia ū chûn teh kiâⁿ, ū Lí só͘ chhòng-chō ê tōa hî siû lâi siû khì. | 註釋 串珠 字典 原文 典藏 |
104:27 | Chiahê lóng teh thèng-hāu Lí, thang chiàu-sî hō͘ in chia̍h-mi̍h. | 註釋 串珠 原文 典藏 |
104:28 | Lí hō͘ in, in chiū khioh khí-.lâi; Lí chi̍t ē thí-khui chhiú, in chiū tit tio̍h hó mi̍h thang chia̍h kàu pá. | 註釋 串珠 原文 典藏 |
104:29 | Lí am Lí ê bīn, in chiū chhau-hoân; Lí kā in ê khùi siu-hôe, in chiū sí-bông lâi kui tī thô͘-hún. | 註釋 串珠 原文 典藏 |
104:30 | Lí hoat-chhut Lí ê lêng, in chiū siū chhòng-chō; Lí hō͘ tē-bīn ōaⁿ chò sin. | 註釋 串珠 原文 典藏 |
104:31 | Goān Siōng-chú ê êng-kng éng-oán chûn-chāi! Goān Siōng-chú ūi tio̍h I só͘ chhòng-chō ê lâi hoaⁿ-hí! | 註釋 串珠 原文 典藏 |
104:32 | I khòaⁿ tē, tē chiū tín-tāng; I bong soaⁿ, soaⁿ chiū chhut ian. | 註釋 串珠 原文 典藏 |
104:33 | Góa beh chi̍t-sì-lâng ǹg Siōng-chú gîm-si! Góa iáu oa̍h-.leh ê sî beh ǹg góa ê Siōng-chú chhiùⁿ koa oló! | 註釋 串珠 原文 典藏 |
104:34 | Goān I kā góa ê tiām-tiām lia̍h-chò sī kah-ì! Góa beh in-ūi Siōng-chú lâi hoaⁿ-hí! | 註釋 串珠 原文 典藏 |
104:35 | Goān chōe-jîn tùi sè-chiūⁿ siau-bia̍t! Goān pháiⁿ lâng lóng sí-.khì! Góa ê sim-sîn ah, tio̍h oló Siōng-chú! Lín tio̍h oló Siōng-chú! | 註釋 串珠 原文 典藏 |