章節 | 全民台語聖經全羅經文 | 註釋 |
102:1 | Hoān-lān Tiong ê Kî-tó( Khùn-khó͘ ê lâng ke̍k loán-jio̍k ê sî, tī Siōng-chú ê bīn-chêng thò͘-chhut khó͘-chêng ê kî-tó. )Siōng-chú ah, kiû Lí thiaⁿ góa ê kî-tó, hō͘ góa kiû-kiò ê siaⁿ thàu kàu Lí ê bīn-chêng! | 註釋 串珠 原文 典藏 |
102:2 | Góa tī gûi-kip ê sî, kiû Lí m̄ thang am Lí ê bīn m̄-khòaⁿ góa; kiû Lí àⁿ hīⁿ-khang thiaⁿ góa! Góa kiû-kiò ê sî, kiû Lí sûi-sî ìn góa! | 註釋 串珠 原文 典藏 |
102:3 | In-ūi góa ê ji̍t-chí chhin-chhiūⁿ hóe-ian siau-sòaⁿ, góa ê kut-thâu chhin-chhiūⁿ hóe-lô͘ ê chhâ teh sio. | 註釋 串珠 原文 典藏 |
102:4 | Góa ê sim-sîn siū-siong, chhin-chhiūⁿ chháu ta-.khì, góa lóng bē kò͘-tit chia̍h. | 註釋 串珠 原文 典藏 |
102:5 | In-ūi góa thó͘-khùi âu-kiò, góa siau-sán kah phôe pau kut. | C註釋 註釋 串珠 字典 原文 典藏 |
102:6 | Góa chhin-chhiūⁿ khòng-iá ê thê-ô͘-chiáu; mā chhin-chhiūⁿ pha-hng só͘-chāi ê àm-kong-chiáu. | 註釋 串珠 原文 典藏 |
102:7 | Góa kui mê bô khùn; chhin-chhiūⁿ chhù téng ko͘-toaⁿ ê chhek-chiáu-á. | 註釋 串珠 字典 原文 典藏 |
102:8 | Góa ê tùi-te̍k kui ji̍t húi-pòng góa; thòng-hūn góa ê lâng kí góa lâi chiù-chó͘. | 註釋 串珠 字典 原文 典藏 |
102:9 | Góa ēng hóe-hu chún pn̄g chia̍h, só͘ lim ê lóng ū chham ba̍k-sái. | 註釋 串珠 原文 典藏 |
102:10 | Che sī in-ūi Lí ê hoat sèng-tē tōa siū-khì; in-ūi Lí kā góa kí-khí, koh kā góa hiat lo̍h-.khì. | 註釋 串珠 字典 原文 典藏 |
102:11 | Góa ê ji̍t-chí chhin-chhiūⁿ ji̍t-iáⁿ í-keng chhiâ; góa mā chhin-chhiūⁿ chháu ta-.khì. | 註釋 串珠 原文 典藏 |
102:12 | Chí-ū Lí — Siōng-chú éng-oán chûn-chāi; Lí hō͘ lâng kì-liām kàu bān-sè-tāi. | 註釋 串珠 原文 典藏 |
102:13 | Lí beh khí-lâi liân-bín Si-óng, in-ūi hiān-chāi sī khó-liân i ê sî, tiāⁿ tio̍h ê ji̍t-chí í-keng kàu à. | 註釋 串珠 原文 典藏 |
102:14 | Lí ê lô͘-po̍k ì-ài Si-óng ê chio̍h-thâu, liân i ê thô͘-soa hún to pó-sioh. | 註釋 串珠 原文 典藏 |
102:15 | Lia̍t kok ē kèng-ùi Siōng-chú ê miâ; sè-chiūⁿ ê kun-ông lóng ē kèng-ùi Lí ê êng-kng. | 註釋 串珠 原文 典藏 |
102:16 | In-ūi Siōng-chú khí-chō Si-óng, tī I ê êng-kng tiong hián-hiān. | 註釋 串珠 原文 典藏 |
102:17 | I àⁿ-lo̍h thiaⁿ sànchhiah lâng ê kî-tó, bô khòaⁿ-khin in ê kî-kiû. | 註釋 串珠 原文 典藏 |
102:18 | Che beh ūi tio̍h āu-tāi ê lâng kì-chài, hō͘ chiong-lâi chhut-sì ê lâng thang oló Siōng-chú. | 註釋 串珠 原文 典藏 |
102:19 | Siōng-chú tùi I chì-koân ê sèng-só͘ khòaⁿ lo̍h-.lâi; I tùi thiⁿ-téng khòaⁿ lo̍h tē, | 註釋 串珠 字典 原文 典藏 |
102:20 | beh thiaⁿ siû-hoān ê thó͘-khùi, beh tháu-pàng siū phòaⁿ sí-hêng ê lâng; | 註釋 串珠 原文 典藏 |
102:21 | hō͘ lâng tī Si-óng thoân-pò͘ Siōng-chú ê miâ, tī Ê-lú-sa-lèm soan-iông oló I ê ōe; | 註釋 串珠 原文 典藏 |
102:22 | Chiū-sī bān-bîn kah lia̍t kok chū-chi̍p lâi ho̍k-sāi Siōng-chú ê sî. | 註釋 串珠 原文 典藏 |
102:23 | I hō͘ góa ê khùi-la̍t tī pòaⁿ-lō͘ soe-lám, hō͘ góa ê ji̍t-chí kiám-chió. | 註釋 串珠 原文 典藏 |
102:24 | Góa kóng: Góa ê Siōng-tè ah, m̄ thang tī góa tiong-liân ê sî thó góa ê sèⁿ-miā. Lí ê nî-hòe bān-sè-tāi bû kiông-chīn! | 註釋 串珠 字典 原文 典藏 |
102:25 | Lí khí-thâu hē tē ê tē-ki; thiⁿ mā sī Lí ê chhiú só͘ chhòng-chō ê. | 註釋 串珠 原文 典藏 |
102:26 | Thiⁿ-tē ē siau-sit-.khì, chí ū Lí kú-tn̂g chûn-chāi. In ē chhin-chhiūⁿ saⁿ-khò͘ chiām-chiām kū khì; Lí ē kā in ōaⁿ sin, chhin-chhiūⁿ ōaⁿ sin saⁿ-khò͘, in chiū piàn-ōaⁿ. | 註釋 串珠 原文 典藏 |
102:27 | Chí-ū Lí bē piàn-ōaⁿ; Lí ê hòe-siū bû kiông-chīn. | 註釋 串珠 字典 原文 典藏 |
102:28 | Lí ê lô͘-po̍k ê kiáⁿ-sun ē kú-tn̂g an-ún khiā-khí; in ê kiáⁿ-sun ē tī Lí ê bīn-chêng khiā chāi. | 註釋 串珠 原文 典藏 |