章節 | 全民台語聖經全羅經文 | 註釋 |
101:1 | Kun-ông ê Hē-goān( Ta-bi̍t ê si. )Góa beh chhiùⁿ chû-ài kah kong-pêⁿ ê koa; Siōng-chú ah, góa beh ǹg Lí chhiùⁿ oló ê koa! | 註釋 串珠 原文 典藏 |
101:2 | Góa beh ēng tì-hūi kiâⁿ tī oân-choân ê lō͘. Lí siáⁿ-sî ē lâi-kàu góa chia? Góa beh ēng oân-choân ê sim kiâⁿ tī góa ê chhù lāi. | 註釋 串珠 字典 原文 典藏 |
101:3 | Siâ-ok ê tāichì, góa lóng bô beh pâi tī góa ê ba̍k-chiu chêng; pōe-ge̍k ê lâng só͘ chò ê tāichì, góa chin oàn-hūn; góa bô beh hō͘ i bak-.tio̍h. | 註釋 串珠 原文 典藏 |
101:4 | Oan-khiau ê sim-su it-tēng hō͘ i lī-khui góa; só͘-ū ê pháiⁿ tāichì, góa lóng kā i kī-choa̍t. | 註釋 串珠 原文 典藏 |
101:5 | Àm-tiong húi-pòng chhù-piⁿ ê lâng, góa beh kā i bia̍t-tiāu; ba̍k-thâu koân, sim kiau-ngō͘ ê lâng, góa bô iông-ín i. | 註釋 串珠 原文 典藏 |
101:6 | Góa ê ba̍k-chiu beh khòaⁿ kok lāi sêng-si̍t ê lâng, hō͘ in kah góa chò-hóe tòa; kiâⁿ tī oân-choân ê lō͘ ê lâng ē ho̍k-sāi góa. | 註釋 串珠 字典 原文 典藏 |
101:7 | Kiâⁿ kúi-chà ê lâng bē tàng tòa góa ê chhù lāi; kóng pe̍h-chha̍t ê lâng bē tàng tī góa ê ba̍k-chiu chêng khiā-tiâu. | 註釋 串珠 原文 典藏 |
101:8 | Ta̍k chá-khí góa beh siau-bia̍t kok lāi ê pháiⁿ lâng, thang kā só͘-ū chò pháiⁿ ê lâng tùi Siōng-chú ê siâⁿ tû-.khì. | 註釋 串珠 原文 典藏 |