章節 | 全民台語聖經全羅經文 | 註釋 |
98:1 | Chiáng-koán Sè-kài ê Siōng-tè( Chi̍t phiⁿ SPh. )Lín tio̍h ǹg Siōng-chú chhiùⁿ sin ê koa! In-ūi I bat chò kî-biāu ê tāichì; I ê chiàⁿ chhiú — sèng ê chhiú-kut í-keng ūi kakī kiâⁿ chín-kiù. | 註釋 串珠 原文 典藏 |
98:2 | Siōng-chú hō͘ lâng chai I ê chín-kiù, tī lia̍t pang hián-bêng I ê kong-gī; | 註釋 串珠 原文 典藏 |
98:3 | I kì-liām I tùi I-su-la-el ê chú-bîn só͘ hoat-chhut ê chû-ài kah sìn-si̍t. Thiⁿ-piⁿ hái-kak lóng khòaⁿ tio̍h lán Siōng-tè ê chín-kiù. | 註釋 串珠 原文 典藏 |
98:4 | Choân tē lóng tio̍h ǹg Siōng-chú chhut hoaⁿ-hí ê siaⁿ; tio̍h chhut tōa-siaⁿ hoaⁿ-hí chhiùⁿ koa oló I! | 註釋 串珠 原文 典藏 |
98:5 | Tio̍h tôaⁿ khîm chhiùⁿ koa oló Siōng-chú; tio̍h tôaⁿ khîm hô si-koa ê siaⁿ lâi oló I! | 註釋 串珠 字典 原文 典藏 |
98:6 | Ēng kó͘-chhoe kah sàu-kak ê siaⁿ, tī Siōng-chú — lán ê kun-ông bīn-chêng chhut hoaⁿ-hí ê siaⁿ! | 註釋 串珠 字典 原文 典藏 |
98:7 | Goān hái kah kî-tiong só͘-ū ê oa̍h-mi̍h lóng tio̍h chhut tōa-siaⁿ; sè-kài kah hit tiong-kan ê oa̍h-mi̍h mā tio̍h chhut siaⁿ. | 註釋 串珠 原文 典藏 |
98:8 | Goān kang-hô phah pho̍k-á; goān chiahê soaⁿ tī Siōng-chú ê bīn-chêng chhut hoaⁿ-hí ê siaⁿ. | C註釋 註釋 串珠 原文 典藏 |
98:9 | In-ūi I lâi beh sím-phòaⁿ choân tē. I ē chiàu kong-gī sím-phòaⁿ sè-kài; chiàu I ê chèng-ti̍t sím-phòaⁿ lia̍t pang. | 註釋 串珠 原文 典藏 |