章節 | 全民台語聖經全羅經文 | 註釋 |
89:1 | Kok-lān Tiong ê Si-koa( E-chu-la̍h lâng E-thán kà-sī ê si. )Góa beh chhiùⁿ koa oló Siōng-chú ê chû-ài kàu tī éng-oán; beh ēng góa ê chhùi thoân Lí ê sìn-si̍t kàu bān-sè-tāi. | 註釋 串珠 原文 典藏 |
89:2 | In-ūi góa bat kóng, Lí ê chû-ài ē siū kiàn-li̍p kàu éng-oán; Lí ê sìn-si̍t ē kian-kò͘ tī thiⁿ-.ni̍h. | 註釋 串珠 原文 典藏 |
89:3 | Lí kóng: Góa kah góa só͘ kéng-soán ê lâng li̍p-iok, tùi góa ê lô͘-po̍k — Ta-bi̍t chiùchōa, | 註釋 串珠 原文 典藏 |
89:4 | Góa beh hō͘ lí ê kiáⁿ-sun kian-kò͘ ti̍t-kàu éng-oán, koh kiàn-li̍p lí ê pó-chō kàu bān-sè-tāi. [Sè-la̍h] | 註釋 串珠 原文 典藏 |
89:5 | Siōng-chú ah, chiahê thiⁿ ē oló Lí ê kî-sū; tī sèng-ê ê chū-hōe tiong ē oló Lí ê sìn-si̍t. | 註釋 串珠 字典 原文 典藏 |
89:6 | Tī thiⁿ-téng siáⁿ lâng ē pí-tit Siōng-chú? Tōa koân-lêng chiá ê chèng kiáⁿ tiong, siáⁿ lâng ū hoat-tō͘ chhin-chhiūⁿ Siōng-chú? | 註釋 串珠 原文 典藏 |
89:7 | I tī sèng-ê ê gī-hōe tiong sī ū tōa ui-giâm ê Siōng-tè, pí só͘-ū tī I sì-kho͘-ûi ê koh khah thang kiaⁿ-ùi. | 註釋 串珠 原文 典藏 |
89:8 | Bān-kun ê Siōng-tè — Siōng-chú ah, tó chi̍t-ê tōa koân-lêng ê ē-tàng kah Lí pí? Lí ê sìn-si̍t tī Lí ê sì-kho͘-ûi. | 註釋 串珠 原文 典藏 |
89:9 | Hái chúi tiòng koân, Lí kā i koán-chè; hái-éng giâ khí-.lâi, Lí hō͘ i pêng-chēng. | 註釋 串珠 原文 典藏 |
89:10 | Lí chi̍t-ē hē chhiú to̍h phah-chhùi hái-koài La̍h-hap, chhin-chhiūⁿ thâi-sí-lâng; Lí ēng ū khùi-la̍t ê chhiú phah-sòaⁿ Lí ê tùi-te̍k. | 註釋 串珠 原文 典藏 |
89:11 | Thiⁿ sio̍k Lí, tē mā sio̍k Lí; sè-kài kah kî-tiong só͘ chhiong-móa ê bān-mi̍h lóng sī Lí só͘ kiàn-li̍p. | 註釋 串珠 原文 典藏 |
89:12 | Lâm-pak sī Lí só͘ chhòng-chō; Tha-bo͘l soaⁿ kah Hel-móng soaⁿ lóng in-ūi Lí ê miâ lâi hoaⁿ-hí. | 註釋 串珠 原文 典藏 |
89:13 | Lí ū tōa koân-lêng ê chhiú; Lí ê chhiú ū la̍t, Lí ê chiàⁿ chhiú gia̍h koân-koân. | 註釋 串珠 原文 典藏 |
89:14 | Kong-pêⁿ kah gī-lí sī Lí pó-chō ê tē-ki; chû-ài kah sìn-si̍t kiâⁿ tī Lí ê bīn-chêng. | 註釋 串珠 原文 典藏 |
89:15 | Ē-hiáu tùi Lí chhut hoaⁿ-hí ê siaⁿ ê lâng chin ū hok-khì! Siōng-chú ah, in beh kin-tòe Lí ê bīn só͘ hoat-chhut ê kng lâi kiâⁿ. | 註釋 串珠 字典 原文 典藏 |
89:16 | In ta̍k ji̍t in-ūi Lí ê miâ lâi hoaⁿ-hí, in-ūi Lí ê kong-gī lâi tit tio̍h ko-seng. | 註釋 串珠 原文 典藏 |
89:17 | In-ūi Lí sī in khùi-la̍t ê êng-kng; Koh in-ūi Lí kah-ì goán, goán ê kak chiū ē-tàng gia̍h koân. | 註釋 串珠 原文 典藏 |
89:18 | Goán ê tîn-pâi sio̍k tī Siōng-chú; goán ê ông sio̍k tī I-su-la-el ê sèng ê. | 註釋 串珠 原文 典藏 |
89:19 | Siōng-chú tùi Ta-bi̍t ê Èng-ínChá-chêng Lí tī ī-siōng tiong hoan-hù Lí sèng ê jîn-bîn, kóng, " Góa ēng pang-chān ê la̍t hē tī hit-ê tōa koân-lêng ê sin chiūⁿ; góa tùi jîn-bîn tiong kéng-soán i, koh kā i ko-seng. | 註釋 串珠 字典 原文 典藏 |
89:20 | Góa chhōe tio̍h Góa ê lô͘-po̍k — Ta-bi̍t, ēng Góa ê sèng-iû kā i boah. | 註釋 串珠 原文 典藏 |
89:21 | Góa ê chhiú beh tiāⁿtiāⁿ kah i tông-chāi; góa ê chhiú-kut mā beh hō͘ i kian-kiông. | 註釋 串珠 字典 原文 典藏 |
89:22 | Tùi-te̍k bē tàng iâⁿ-kòe i; hiong-ok ê lâng bô hoat-tō͘ kā i khó͘-to̍k. | 註釋 串珠 原文 典藏 |
89:23 | Góa beh tī i ê bīn-chêng phah-chhùi i ê tùi-te̍k, kong-kek hiahê oàn-hūn i ê lâng. | 註釋 串珠 原文 典藏 |
89:24 | Chóng-.sī, Góa ê sìn-si̍t kah Góa ê chû-ài ē kah i tông-chāi, in-ūi Góa ê miâ, i ê kak ē tit tio̍h gia̍h koân. | 註釋 串珠 原文 典藏 |
89:25 | Góa beh hō͘ i ê chhiú chhun-kàu tōa hái, chiàⁿ chhiú chhun-kàu tōa hô. | 註釋 串珠 原文 典藏 |
89:26 | I ē chheng-ho͘ Góa kóng: Lí sī góa ê pē, sī góa ê Siōng-tè, sī kiù góa ê chio̍h-pôaⁿ. | 註釋 串珠 原文 典藏 |
89:27 | Góa mā beh siat-li̍p i chò tōa-kiáⁿ, chò sè-chiūⁿ siōng koân ê kun-ông. | 註釋 串珠 原文 典藏 |
89:28 | Góa beh ūi tio̍h i chhî-siú Góa ê chû-ài kàu éng-oán; Góa kah i só͘ li̍p ê iok it-tēng bē kái-piàn. | 註釋 串珠 原文 典藏 |
89:29 | Góa mā beh pó-siú i ê kiáⁿ-sun kàu bān-sè-tāi, hō͘ i ê pó-chō chhin-chhiūⁿ thiⁿ hiahni̍h kú. | 註釋 串珠 原文 典藏 |
89:30 | Siat-sú i ê kiáⁿ-sun pàng-sak Góa ê lu̍t-hoat; bô chun-siú Góa ê hoat-tō͘; | 註釋 串珠 字典 原文 典藏 |
89:31 | ûi-pōe Góa ê lu̍t-lē, bô chun-siú Góa ê kài-bēng, | 註釋 串珠 原文 典藏 |
89:32 | Góa chiū beh ēng koái-á chek-hoa̍t in ê kòe-sit, ēng piⁿ chhú-hoa̍t in ê chōe-ok. | 註釋 串珠 原文 典藏 |
89:33 | Chóng-.sī, Góa it-tēng bô kā Góa ê chû-ài choân-pō͘ tùi i siu-hôe, mā it-tēng bē hùi-tû Góa ê sìn-si̍t. | 註釋 串珠 字典 原文 典藏 |
89:34 | Góa it-tēng bē sit Góa ê iok, mā bē kái-piàn Góa só͘ kóng ê ōe. | 註釋 串珠 原文 典藏 |
89:35 | Góa kí kakī ê sèng-kiat lâi chiùchōa, Góa choa̍t-tùi bô tùi Ta-bi̍t kóng pe̍h-chha̍t. | 註釋 串珠 原文 典藏 |
89:36 | I ê kiáⁿ-sun ē thoân-kàu éng-oán, i ê pó-chō tī Góa ê bīn-chêng chhin-chhiūⁿ ji̍t-thâu hiahni̍h kú-tn̂g; | 註釋 串珠 原文 典藏 |
89:37 | chhin-chhiūⁿ goe̍h éng-oán khiā chāi, Koh chhin-chhiūⁿ thiⁿ-téng khak-si̍t ê kiàn-chèng. [Sè-la̍h] | 註釋 串珠 字典 原文 典藏 |
89:38 | Kun-ông sit-pāi ê Ai-koChóng-.sī, Lí ū tùi Lí siū boah-iû ê siū-khì, kā i ià-siān, kā i khì-sak. | 註釋 串珠 原文 典藏 |
89:39 | Lí í-keng thó-ià kah Lí ê lô͘-po̍k só͘ li̍p ê iok, kā i ê bián-liû chau-that tī tē-.ni̍h. | 註釋 串珠 原文 典藏 |
89:40 | Lí í-keng thiah i só͘-ū ê lî-pa, hō͘ i ê siâⁿ-pó piàn-sêng pha-hng ê só͘-chāi. | 註釋 串珠 字典 原文 典藏 |
89:41 | Kòe-lō͘ lâng lóng kā i chhiúⁿ-toa̍t; keh-piah kok lóng lâi kā i lêng-jio̍k. | 註釋 串珠 字典 原文 典藏 |
89:42 | Lí hō͘ i ê tùi-te̍k ê chiàⁿ chhiú gia̍h koân, hō͘ i ê siû-te̍k lóng hoaⁿ-hí. | 註釋 串珠 字典 原文 典藏 |
89:43 | Lí hō͘ i ê to-kiàm oan-khiau bē tàng ēng, hō͘ i tī kau-chiàn ê sî khiā bē tiâu. | 註釋 串珠 原文 典藏 |
89:44 | Lí kā i êng-hián ê koân-pèng hòe-bô, kā i ê pó-chō chhia-tó tī tē-.ni̍h. | 註釋 串珠 字典 原文 典藏 |
89:45 | Lí kiám-chió i chheng-liân ê ji̍t-chí, koh hō͘ i tōa-tōa kiàn-siàu. [Sè-la̍h] | 註釋 串珠 字典 原文 典藏 |
89:46 | Khún-kiû Siōng-chú Chín-kiùSiōng-chú ah, Lí beh koh bih gōa kú? Kám ē kàu éng-oán? Lí ê siū-khì chhin-chhiūⁿ hóe teh to̍h ē gōa kú? | 註釋 串珠 原文 典藏 |
89:47 | Kiû Lí ē kì-tit góa it-seng ê sî-kan hiah té, Lí chhòng-chō sè-kan lâng hiah khang-hi! | 註釋 串珠 原文 典藏 |
89:48 | Siáⁿ lâng ē kú-tn̂g oa̍h-.leh bē sí, ē kiù i ê lêng-hûn thoat-lī im-hú ê koân-pèng? [Sè-la̍h] | 註釋 串珠 原文 典藏 |
89:49 | Chú ah, Lí chá-chêng ê sìn-si̍t tī tó-ūi? Lí tùi Ta-bi̍t chiùchōa ê hiahê chû-ài taⁿ tī tó-ūi? | 註釋 串珠 原文 典藏 |
89:50 | Chú ah, kiû Lí kì-liām Lí ê lô͘-po̍k só͘ siū ê lêng-jio̍k, kì-liām góa ê sim-sîn án-chóaⁿ siū tio̍h kiông-sēng ê jîn-bîn bú-jio̍k. | 註釋 串珠 原文 典藏 |
89:51 | Siōng-chú ah, Lí ê tùi-te̍k ánne teh lêng-jio̍k, to̍h-sī put-sî tòe teh lêng-jio̍k Lí só͘ boah iû ê. | 註釋 串珠 原文 典藏 |
89:52 | Tio̍h oló Siōng-chú ti̍t-kàu éng-oán. A-men! Koh A-men! | 註釋 串珠 原文 典藏 |