章節 | 全民台語聖經全羅經文 | 註釋 |
83:1 | Ūi Phah-iâⁿ I-su-la-el Siû-te̍k Kî-tó( A-sah ê si-koa. )Siōng-tè ah, kiû Lí m̄ thang tiām-tiām; Siōng-tè ah, kiû Lí m̄ thang bô khui chhùi, mā m̄ thang bô chhut siaⁿ! | 註釋 串珠 原文 典藏 |
83:2 | In-ūi Lí ê tùi-te̍k hōa-hōa jióng, oàn-hūn Lí ê lâng gia̍h-khí thâu-khak. | 註釋 串珠 原文 典藏 |
83:3 | In ēng kan-chà ê kè-bô͘ beh hāi Lí ê chú-bîn; in chò-hóe gī-lūn beh hāi Lí só͘ pó-hō͘ ê lâng. | 註釋 串珠 原文 典藏 |
83:4 | In kóng: Lâi, lán lâi kā in siau-bia̍t, hō͘ in bông-kok! Hō͘ I-su-la-el ê miâ bô koh hō͘ lâng kì-liām! | 註釋 串珠 原文 典藏 |
83:5 | In tâng-sim chò-hóe chham-siông, li̍p-iok kiat-bêng beh tí-te̍k Lí; | 註釋 串珠 原文 典藏 |
83:6 | Chiū-sī tòa pò͘-pêⁿ ê E-tóm kah I-si-ma-el lâng, Mô͘-ap kah Ha-gal lâng. | 註釋 串珠 原文 典藏 |
83:7 | Ge-bal, Am-móng, A-má-le̍k kah Hui-lī-sū, í-ki̍p Tu-lô ê chū-bîn; | 註釋 串珠 原文 典藏 |
83:8 | A-siul mā kah in liân-ha̍p; in chò Ló-toh kiáⁿ-sun ê pang-chhiú. [Sè-la̍h] | 註釋 串珠 原文 典藏 |
83:9 | Kiû Lí chhin-chhiūⁿ chá-chêng khoán-thāi Mí-tiân ánne kā in khoán-thāi; chhin-chhiūⁿ tī Ki-sióng hô khoán-thāi Si-se-la̍h kah Ia-bín. | 註釋 串珠 原文 典藏 |
83:10 | In tī Ian-tol bia̍t-bông, piàn-sêng tē-chiūⁿ ê pùn-sò. | 註釋 串珠 原文 典藏 |
83:11 | Kiû Lí hō͘ in ê léng-siù chhin-chhiūⁿ O͘-liab kah Je-eb, hō͘ in ê kun-tiúⁿ lóng chhin-chhiūⁿ Se-bah kah Chal-mú-nah. | 註釋 串珠 原文 典藏 |
83:12 | In kóng: Lán tio̍h kā Siōng-tè teh tòa ê só͘-chāi, chiàm lâi chò lán kakī ê. | 註釋 串珠 原文 典藏 |
83:13 | Góa ê Siōng-tè ah, kiû Lí hō͘ in chhin-chhiūⁿ kńg-lê-á hong ê tîn-ai, chhin-chhiūⁿ hō͘ hong chhoe cháu ê tiū-sap. | 註釋 串珠 原文 典藏 |
83:14 | Chhin-chhiūⁿ hóe sio chhiū-nâ, chhin-chhiūⁿ hóe-iām sio soaⁿ-thâu. | 註釋 串珠 字典 原文 典藏 |
83:15 | Kiû Lí mā chhin-chhiūⁿ ánne ēng Lí ê kông hong kā in jiok, ēng Lí ê tōa hong hō͘ in kiaⁿ-hiâⁿ. | 註釋 串珠 原文 典藏 |
83:16 | Siōng-chú ah, kiû Lí hō͘ in móa-bīn kiàn-siàu, thang hō͘ in lâi kî-kiû Lí ê miâ! | 註釋 串珠 原文 典藏 |
83:17 | Hō͘ in éng-oán kiàn-siàu, kiaⁿ-hiâⁿ! Hō͘ in làu-khùi, bia̍t-bông! | 註釋 串珠 原文 典藏 |
83:18 | Hō͘ in chai chí ū Lí — miâ kiò I-é-ho-bah ê, sī choân tē ê Chì-koân-.ê! | 註釋 串珠 原文 典藏 |