章節 | 全民台語聖經全羅經文 | 註釋 |
80:1 | Ūi Ho̍k-kok Kî-tó( A-sah ê si, kau hō͘ ga̍k-koaⁿ; tiāu ēng " Chò kiàn-chèng ê pek-ha̍p hoe. ")Chhōa Iô-sé-huh chhin-chhiūⁿ teh chhōa iûⁿ-kûn ê I-su-la-el ê bo̍k-chiá ah, kiû Lí àⁿ hīⁿ-khang thiaⁿ; chē tī ki-lō͘-peng ê téng-bīn ê Chú ah, kiû Lí hoat-chhut Lí ê kng. | 註釋 串珠 字典 原文 典藏 |
80:2 | Tī E-hu-laim, Biān-iá-mín kah Má-ná-se ê bīn-chêng, kiû Lí si-tián Lí ê koân-lêng lâi kiù goán. | 註釋 串珠 字典 原文 典藏 |
80:3 | Siōng-tè ah, kiû Lí hō͘ goán tò tńg-.lâi, hō͘ Lí ê bīn hoat-chhut kng, goán chiū ē tit-kiù. | 註釋 串珠 原文 典藏 |
80:4 | Bān-kun ê Siōng-tè — Siōng-chú ah, Lí tùi Lí chú-bîn ê kî-tó hoat-chhut siū-khì ē koh gōa kú? | 註釋 串珠 原文 典藏 |
80:5 | Lí ēng ba̍k-sái chò chia̍h-mi̍h hō͘ in chia̍h, koh ēng chin chē ba̍k-sái hō͘ in lim. | 註釋 串珠 原文 典藏 |
80:6 | Lí hō͘ keh-piah kok In-ūi goán lâi sio-cheⁿ, goán ê tùi-te̍k chò-hóe teh chhiò goán. | 註釋 串珠 字典 原文 典藏 |
80:7 | Bān-kun ê Siōng-tè ah, kiû Lí hō͘ goán tò tńg-.lâi, hō͘ Lí ê bīn hoat-chhut kng, goán chiū tit-kiù. | 註釋 串珠 原文 典藏 |
80:8 | Lí tùi Ai-gi̍p sóa chhut chi̍t châng phû-tô chhiū, kóaⁿ-chhut lia̍t pang lâi kā i chai-chèng. | 註釋 串珠 原文 典藏 |
80:9 | Lí tī i ê thâu-chêng piàⁿ khang thó͘-tē, i ê kin tèng chhim, chiū seⁿ-thòaⁿ móa-tē. | 註釋 串珠 字典 原文 典藏 |
80:10 | I ê iáⁿ jia-ba̍t chiahê soaⁿ, i ê ki chhin-chhiūⁿ chin hó ê pek-hiuⁿ chhiū. | 註釋 串珠 原文 典藏 |
80:11 | I hoat-chhut i ê ki, chhun-kàu tōa hái, i ê tîn thòaⁿ kàu tōa hô. | 註釋 串珠 字典 原文 典藏 |
80:12 | Lí ná ē thiah-húi i ê lî-pa, chhut-chāi só͘-ū kòe lō͘ ê lâng lâi bán? | 註釋 串珠 原文 典藏 |
80:13 | Chhiū-nâ lāi chhut-.lâi ê soaⁿ ti kā i chau-that; khòng-iá ê cháu-siù lâi kā i chia̍h. | 註釋 串珠 字典 原文 典藏 |
80:14 | Bān-kun ê Siōng-tè ah, kiû Lí tò tńg-.lâi! Kiû Lí tùi thiⁿ àⁿ lo̍h-lâi khòaⁿ, chiàu-kò͘ chit châng phû-tô chhiū, | 註釋 串珠 字典 原文 典藏 |
80:15 | Pó-hō͘ Lí chiàⁿ chhiú só͘ chai ê chhiū kah Lí ūi kakī só͘ kian-kò͘ ê ki. | 註釋 串珠 字典 原文 典藏 |
80:16 | Phû-tô-chhiū í-keng siū hóe sio, siū to chhò; kiû Lí tùi in hoat siū-khì, in chiū bia̍t-bông. | 註釋 串珠 原文 典藏 |
80:17 | Goān Lí ê chhiú hōaⁿ tī Lí chiàⁿ pêng ê lâng, to̍h-sī Lí ūi kakī só͘ kian-kò͘ ê Jîn-chú. | 註釋 串珠 原文 典藏 |
80:18 | Án-ne, goán chiū bô tò-thè lī-khui Lí; kiû Lí hō͘ goán tit tio̍h oa̍h, goán chiū beh kiû-kiò Lí ê miâ. | 註釋 串珠 原文 典藏 |
80:19 | Bān-kun ê Siōng-tè — Siōng-chú ah, kiû Lí hō͘ goán tò tńg-.lâi, hō͘ Lí ê bīn hoat-chhut kng, goán chiū tit-kiù! | 註釋 串珠 原文 典藏 |