章節 | 全民台語聖經全羅經文 | 註釋 |
77:1 | Khó͘-lān Sî ê An-ùi( A-sah ê si, chiàu E-to-tòng ê chò-hoat, kau hō͘ ga̍k-koaⁿ. )Góa beh tùi Siōng-tè chhut siaⁿ kiû-kiò; góa tùi Siōng-tè chhut siaⁿ, I ē àⁿ hīⁿ-khang lâi thiaⁿ. | 註釋 串珠 原文 典藏 |
77:2 | Tī góa hoān-lān ê ji̍t, góa cháu-chhōe Chú; tī àm-sî, góa gia̍h-khí chhiú, bô thêng kî-tó; góa ê sim m̄-khéng siū an-ùi. | 註釋 串珠 原文 典藏 |
77:3 | Góa siàu-liām Siōng-tè, chiū iu-būn; góa tiām-tiām siūⁿ, sim-sîn soah hūn-.khì. [Sè-la̍h] | 註釋 串珠 原文 典藏 |
77:4 | Lí hō͘ góa ê ba̍k-chiu bô chi̍t sî kheh; góa hoân-ló kàu lóng bē kóng-ōe. | 註釋 串珠 原文 典藏 |
77:5 | Góa tui-liām kó͘-chá ê ji̍t-chí, to̍h-sī ke̍k-chá ê nî-ji̍t. | 註釋 串珠 原文 典藏 |
77:6 | Góa siūⁿ-khí góa àm-sî ê si-koa, góa bong sim-koaⁿ kakī mn̄g; góa ê sim-sîn mā siông-sè séng-chhat. | 註釋 串珠 原文 典藏 |
77:7 | Chú kám ē éng-oán pàng-sak góa? I kám ē bô koh si un hō͘ góa? | 註釋 串珠 原文 典藏 |
77:8 | I ê chû-ài kám ē éng-oán siau-sit? I ê èng-ín kám ē tāi-tāi hùi-tû? | 註釋 串珠 原文 典藏 |
77:9 | Siōng-tè kám ē bē kì-tit si un? Kám ē in-ūi siū-khì soah that-ba̍t I ê chû-pi? [Sè-la̍h] | 註釋 串珠 原文 典藏 |
77:10 | Góa kóng: Che sī góa ê loán-jio̍k, Chì-koân-.ê chhun-chhut chiàⁿ chhiú ê nî-ji̍t, góa beh siàu-liām I. | 註釋 串珠 原文 典藏 |
77:11 | Góa beh kóng-khí Siōng-chú ê chok-ûi; siàu-liām I chá-chêng ê sîn-jiah. | 註釋 串珠 原文 典藏 |
77:12 | Góa beh chhim-su Lí ê chok-ûi, tiām-tiām siūⁿ Lí ê só͘ chò. | 註釋 串珠 原文 典藏 |
77:13 | Siōng-tè ah, Lí ê tō-lō͘ sîn-sèng; ū siáⁿ-mi̍h sîn-bêng chhin-chhiūⁿ Lí hiah úi-tāi? | 註釋 串珠 原文 典藏 |
77:14 | Lí sī kiâⁿ kî-sū ê Siōng-tè; Lí bat tī bān-bîn ê tiong-kan hián-bêng Lí ê koân-lêng. | 註釋 串珠 字典 原文 典藏 |
77:15 | Lí bat ēng Lí ê chhiú sio̍k-hôe Lí ê chú-bîn, to̍h-sī Iâ-kop kah Iô-sé-huh ê kiáⁿ-sun. [Sè-la̍h] | 註釋 串珠 原文 典藏 |
77:16 | Siōng-tè ah, chiahê chúi kìⁿ tio̍h Lí, chiahê chúi kìⁿ tio̍h Lí chiū lóng kiaⁿ-hiâⁿ; chhim-ian mā phi̍h-phi̍h chhoah. | 註釋 串珠 原文 典藏 |
77:17 | Ba̍t hûn piàⁿ-lo̍h hō͘-chúi, kiong-chhong chhut siaⁿ; Lí ê chìⁿ sì-kè siā. | 註釋 串珠 原文 典藏 |
77:18 | Tī kńg-lê-á hong lāi-bīn ū Lí tân-lûi ê siaⁿ; sihnà ê kng sih kàu choân sè-kài; tē phi̍h-phi̍h chhoah koh tín-tāng. | 註釋 串珠 字典 原文 典藏 |
77:19 | Lí ê tō-lō͘ tī hái tiong, Lí ê lō͘-kèng tī tōa-chúi tiong; Lí ê kha-jiah bô lâng ē chai. | 註釋 串珠 原文 典藏 |
77:20 | Chá-chêng Lí ēng Mô͘-se kah A-lông ê chhiú, chhōa Lí ê chú-bîn chhin-chhiūⁿ iûⁿ-kûn. | 註釋 串珠 字典 原文 典藏 |