章節 | 全民台語聖經全羅經文 | 註釋 |
75:1 | Sím-phòaⁿ ê Chú — Siōng-tè( A-sah ê si-koa, kau hō͘ ga̍k-koaⁿ; tiāu ēng " M̄-thang húi-hoāi ". ) Siōng-tè ah, goán kám-siā Lí, goán kám-siā Lí! In-ūi Lí tī goán sin piⁿ, goán beh soan-iông Lí kî-biāu ê chok-ûi. | 註釋 串珠 原文 典藏 |
75:2 | Lí kóng: kàu tiāⁿ tio̍h ê ji̍t-kî, góa beh chiàu kong-pêⁿ sím-phòaⁿ. | 註釋 串珠 原文 典藏 |
75:3 | Tē kah tē-chiūⁿ ê jîn-bîn lóng iô-choah ê sî, sī góa hō͘ tē-chiūⁿ ê thiāu khiā chāi. [Sè-la̍h] | 註釋 串珠 原文 典藏 |
75:4 | Góa tùi kiau-ngō͘ ê lâng kóng, M̄-thang kiau-ngō͘! Tùi pháiⁿ lâng kóng, M̄-thang tián-ui! | 註釋 串珠 字典 原文 典藏 |
75:5 | M̄-thang chhàng-chhiu; m̄ thang ngē lí ê ām-kún lâi kóng tōa-ōe. | 註釋 串珠 原文 典藏 |
75:6 | In-ūi lâng siū ko-seng m̄-sī tùi tang, m̄-sī tùi sai, mā m̄-sī tùi lâm. | 註釋 串珠 原文 典藏 |
75:7 | Chí-ū Siōng-tè chiah ē-tàng koat-tēng; I hō͘ chit-ê kàng kē, hō͘ hit-ê seng koân. | 註釋 串珠 原文 典藏 |
75:8 | Siōng-chú chhiú-.ni̍h the̍h poe, poe lāi ê chiú khí phe̍h, poe lāi ū kòe-thàu ê chiú móa-móa; I kā chiú piàⁿ chhut-.lâi, tē-chiūⁿ ê pháiⁿ lâng lóng lim chit-ê chiú, lim kàu liân che-tái mā ta. | 註釋 串珠 原文 典藏 |
75:9 | Chí-ū góa beh soan-iông ti̍t-kàu éng-oán! Góa beh chhiùⁿ koa oló Iâ-kop ê Siōng-tè! | 註釋 串珠 字典 原文 典藏 |
75:10 | Pháiⁿ lâng só͘-ū ê kak, I ē kā i chám-tn̄g; gī lâng ê kak ē tit tio̍h kí-khí. | 註釋 串珠 原文 典藏 |