章節 | 全民台語聖經全羅經文 | 註釋 |
72:1 | Ūi Kun-ông Kî-tó( Só͘-lô-móng ê si. )Siōng-tè ah, kiû Lí kā Lí ê phòaⁿ-toàn siúⁿ-sù hō͘ ông, kā Lí ê kong-gī siúⁿ-sù hō͘ ông ê kiáⁿ. | 註釋 串珠 原文 典藏 |
72:2 | Hō͘ i ē-tàng chiàu kong-gī sím-phòaⁿ Lí ê chú-bîn, chiàu kong-pêⁿ phòaⁿ-toàn Lí hiahê khùn-khó͘ ê lâng. | 註釋 串珠 原文 典藏 |
72:3 | Goān tōa soaⁿ ē in-ūi kong-gī tòa hō͘ jîn-bîn pêng-an, sió soaⁿ mā ē ánne. | 註釋 串珠 原文 典藏 |
72:4 | Goān ông ē thè khùn-khó͘ ê jîn-bîn sin-oan, ē kiù sànchhiah lâng, ē kā pō-gio̍k ê lâng teh chhùi. | 註釋 串珠 原文 典藏 |
72:5 | Goān jîn-bîn ē kèng-ùi Lí nî kú goe̍h chhim, it-ti̍t kàu bān-sè-tāi. | 註釋 串珠 原文 典藏 |
72:6 | Goān ông ē chhin-chhiūⁿ hō͘-chúi lo̍h tī koah kòe chháu ê hn̂g, chhin-chhiūⁿ ki̍p-sî ê hō͘-chúi chu-jūn thó͘-tē. | 註釋 串珠 原文 典藏 |
72:7 | Tī i chò ông ê ji̍t-chí, gī lâng ē heng-ōng, hióng-siū kah goe̍h pêⁿ kú ê tōa pêng-an. | 註釋 串珠 原文 典藏 |
72:8 | I ē chiáng-koân tùi chit-ê hái kàu hit-ê hái, tùi tōa hô it-ti̍t kàu tē-ke̍k. | 註釋 串珠 原文 典藏 |
72:9 | Tòa tī khòng-iá ê lâng ē kūi-pài tī i ê bīn-chêng; i ê tùi-te̍k ē chīⁿ thô͘-soa hún. | 註釋 串珠 字典 原文 典藏 |
72:10 | Tal-si-sih kah tó-sū ê lia̍t ông ē lâi chìn-kòng; Sí-bah kah Se-bah ê ông ē lâi hiàn lé-mi̍h. | 註釋 串珠 原文 典藏 |
72:11 | Lia̍t ông lóng ē phak lo̍h-lâi kā i pài; bān-kok lóng ē kā i ho̍k-sāi. | 註釋 串珠 原文 典藏 |
72:12 | In-ūi sànchhiah lâng kiû-kiò ê sî, i ē kā in kiù; khùn-khó͘ bô i-óa ê lâng, i mā ē kā in kiù. | 註釋 串珠 原文 典藏 |
72:13 | I ē liân-bín chheng-tām sànchhiah lâng, i ē chín-kiù sànchhiah lâng ê sèⁿ-miā. | 註釋 串珠 原文 典藏 |
72:14 | I ē kiù-sio̍k in ê sèⁿ-miā thoat-lī ap-pek kah pō-gio̍k; i ē khòaⁿ in ê hoeh chò pó-pòe. | 註釋 串珠 原文 典藏 |
72:15 | Goān i ē kú-tn̂g oa̍h-.leh. Lâng ē kā Sí-bah ê kim hō͘ i; ē tiāⁿtiāⁿ ūi i kî-tó, kui ji̍t oló i. | 註釋 串珠 原文 典藏 |
72:16 | Goān tī tē-.ni̍h, tī soaⁿ téng, ngó͘-kok bō͘-sēng; só͘ kiat ê ngó͘-kok ē chhin-chhiūⁿ Le-ba-nòng ê chhiū iô-tāng; siâⁿ lāi ê lâng ē chhin-chhiūⁿ tē-chiūⁿ ê chháu heng-ōng. | 註釋 串珠 原文 典藏 |
72:17 | I ê miâ ē liû-thoân kàu éng-oán, i ê miâ ē chhin-chhiūⁿ ji̍t-thâu kú-tn̂g liû-thoân lo̍h-.khì. Lâng ē in-ūi i lâi tit tio̍h hok-khì; bān-kok ē chheng-ho͘ i ū hok-khì. | 註釋 串珠 原文 典藏 |
72:18 | Siōng-chú — Siōng-tè, to̍h-sī I-su-la-el ê Siōng-tè, chí ū I kiâⁿ kî-ī ê tāichì, lán eng-kai oló I! | 註釋 串珠 原文 典藏 |
72:19 | Goān I êng-kng ê miâ éng-oán siū oló. Goān I ê êng-kng chhiong-móa choân tē! A-men! Koh A-men! | 註釋 串珠 原文 典藏 |
72:20 | I-é-sái ê kiáⁿ Ta-bi̍t ê kî-tó kàu chia kiat-sok. | 註釋 串珠 原文 典藏 |