章節 | 全民台語聖經全羅經文 | 註釋 |
71:1 | Lāu lâng ê Kî-tóSiōng-chú ah, góa óa-khò Lí; kiû Lí hō͘ góa éng-oán bē tú tio̍h kiàn-siàu. | 註釋 串珠 原文 典藏 |
71:2 | Kiû Lí chiàu Lí ê kong-gī chín-kiù góa, tháu-pàng góa; kiû Lí àⁿ hīⁿ-khang thiaⁿ góa, lâi kiù góa. | 註釋 串珠 原文 典藏 |
71:3 | Kiû Lí chò góa thang khiā-khí ê chio̍h-pôaⁿ, hō͘ góa tiāⁿtiāⁿ khì tiàm hia; Lí í-keng koat-tēng beh kiù góa. In-ūi Lí sī góa ê soaⁿ-giâm, góa ê soaⁿ-chē. | 註釋 串珠 原文 典藏 |
71:4 | Góa ê Siōng-tè ah, kiû Lí kiù góa thoat-lī pháiⁿ lâng ê chhiú, thoat-lī put-gī kah chân-jím ê lâng ê chhiú-thâu. | 註釋 串珠 原文 典藏 |
71:5 | In-ūi chì-koân Siōng-chú, Lí sī góa só͘ gióng-bōng ê; tùi góa siàu-liân ê sî, Lí it-ti̍t sī góa ê óa-khò. | 註釋 串珠 原文 典藏 |
71:6 | Góa tùi thai-.ni̍h to̍h hō͘ Lí hû-chhî; sī Lí hō͘ góa chhut lāu-bú ê pak-tó͘. Góa beh tiāⁿtiāⁿ oló Lí! | 註釋 串珠 原文 典藏 |
71:7 | Chin chē lâng khòaⁿ góa chò kî-koài, chóng-.sī, Lí sī góa kian-kò͘ tô-siám ê só͘-chāi. | 註釋 串珠 原文 典藏 |
71:8 | Góa móa chhùi beh oló Lí, Kui ji̍t beh êng-kng Lí. | 註釋 串珠 原文 典藏 |
71:9 | Góa nî lāu ê sî, kiû Lí m̄ thang pàng-sak góa; góa khùi-la̍t soe-lám ê sî, kiû Lí m̄ thang lī-khui góa. | 註釋 串珠 原文 典藏 |
71:10 | In-ūi góa ê tùi-te̍k gī-lūn góa; tng-tán beh hāi góa ê sèⁿ-miā ê lâng chò-hóe chham-siông, | 註釋 串珠 原文 典藏 |
71:11 | kóng, Siōng-tè í-keng pàng-sak i; taⁿ tio̍h lâi jiok i, lâi lia̍h i! In-ūi bô lâng ē lâi kiù i. | 註釋 串珠 原文 典藏 |
71:12 | Siōng-tè ah, kiû Lí m̄ thang lī-khui góa hn̄g-hn̄g! Góa ê Siōng-tè ah, kiû Lí kóaⁿ-kín lâi pang-chān góa! | 註釋 串珠 原文 典藏 |
71:13 | Goān hiahê chò góa sèⁿ-miā tùi-te̍k ê lâng tú tio̍h kiàn-siàu lâi bia̍t-bông; goān hiahê kè-bô͘ beh hāi góa ê lâng siū lêng-jio̍k làu-khùi. | 註釋 串珠 原文 典藏 |
71:14 | Chóng-.sī, góa beh tiāⁿtiāⁿ gióng-bōng Lí, góa beh ná kú ná oló Lí. | 註釋 串珠 原文 典藏 |
71:15 | Lí ê kong-gī kah Lí ê chín-kiù sǹg bē liáu, góa ê chhùi kui ji̍t beh kóng-khí. | 註釋 串珠 原文 典藏 |
71:16 | Góa beh lâi kóng-khí chì-koân Siōng-chú tōa koân-lêng ê tāichì; góa kantaⁿ beh soan-iông Lí ê gī. | 註釋 串珠 原文 典藏 |
71:17 | Siōng-tè ah, tùi góa siàu-liân ê sî Lí to̍h kà-sī góa; chitmá góa iáu teh soan-iông Lí kî-biāu ê chok-ûi. | 註釋 串珠 原文 典藏 |
71:18 | Siōng-tè ah, kàu góa nî lāu thâu-mn̂g pe̍h ê sî, kiû Lí m̄ thang pàng-sak góa! Hō͘ góa thang kā Lí ê khùi-la̍t chí-sī ē-tāi, kā Lí ê tōa koân-lêng chí-sī só͘-ū bī-lâi ê lâng. | 註釋 串珠 原文 典藏 |
71:19 | Siōng-tè ah, Lí ê kong-gī chin koân; Siōng-tè ah, Lí bat kiâⁿ úi-tāi ê tāichì; siáⁿ lâng ē-tàng kah Lí pí? | 註釋 串珠 原文 典藏 |
71:20 | Lí hō͘ goán keng-kòe chin chē tōa chai-lān, Lí iáu koh hō͘ goán oa̍h lo̍h-.khì, mā beh kā goán tùi tē ê chhim-ian kiù khí-.lâi. | 註釋 串珠 原文 典藏 |
71:21 | Kiû Lí hō͘ góa ná lâi ná koân-tōa, kiû Lí koh tò tńg-lâi an-ùi góa. | 註釋 串珠 原文 典藏 |
71:22 | Góa ê Siōng-tè ah, góa beh tôaⁿ sek oló Lí, oló Lí ê sìn-si̍t! I-su-la-el ê sèng ê ah, góa beh tôaⁿ khîm oló Lí! | 註釋 串珠 字典 原文 典藏 |
71:23 | Góa chhiùⁿ koa oló Lí ê sî, góa ê chhùi-tûn kah Lí só͘ kiù-sio̍k ê góa ê lêng-hûn beh hoaⁿ-hí chhut siaⁿ; | 註釋 串珠 原文 典藏 |
71:24 | Góa ê chi̍h beh kui ji̍t káng-lūn Lí ê gī, in-ūi hiahê kè-bô͘ beh hāi góa ê lâng í-keng kiàn-siàu siū lêng-jio̍k. | 註釋 串珠 原文 典藏 |