章節 | 全民台語聖經全羅經文 | 註釋 |
70:1 | Kiû Chō͘ ê Kî-tó( Ta-bi̍t ê kì-liām si, kau hō͘ ga̍k-koaⁿ. )Siōng-tè ah, kiû Lí kín lâi chín-kiù góa! Siōng-chú ah, kiû Lí kín lâi pang-chān góa! | 註釋 串珠 原文 典藏 |
70:2 | Goān siàu-siūⁿ góa sèⁿ-miā ê lâng kiàn-siàu làu-khùi; goān ài góa siū hām-hāi ê lâng oa̍t tò-tńg siū lêng-jio̍k. | 註釋 串珠 原文 典藏 |
70:3 | Goān hiahê kóng " Ho͘h, lí chhám à"ê lâng, in-ūi kiàn-siàu lâi oa̍t tò tńg-.khì. | 註釋 串珠 原文 典藏 |
70:4 | Goān só͘-ū cháu-chhōe Lí ê lâng in-ūi Lí lâi hoaⁿ-hí khoài-lo̍k; goān him-bō͘ Lí kiù-un ê lâng tiāⁿtiāⁿ kóng, " Tio̍h chun Siōng-tè chò tōa! " | 註釋 串珠 原文 典藏 |
70:5 | Chóng-.sī, góa sī khùn-khó͘ sànchhiah ê; Siōng-tè ah, kiû Lí kóaⁿ-kín lâi góa chia! Lí sī góa ê pang-chān, góa ê chín-kiù; Siōng-chú ah, kiû Lí m̄ thang iân-chhiân! | 註釋 串珠 原文 典藏 |