章節 | 全民台語聖經全羅經文 | 註釋 |
69:1 | Ho͘-kiû Oân-chō͘( Ta-bi̍t ê si, kau hō͘ ga̍k-koaⁿ; tiāu ēng " Pek-ha̍p-hoe. ")Siōng-tè ah, kiû Lí kiù góa, in-ūi chiahê chúi teh beh kā góa im-sí. | 註釋 串珠 字典 原文 典藏 |
69:2 | Góa hām-lo̍h tī chhim ê thô͘-môe, bô ū thang khiā kha ê só͘-chāi; góa hām-lo̍h kàu chhim ê chúi lāi, tōa-chúi kā góa im-ba̍t. | 註釋 串珠 原文 典藏 |
69:3 | Góa in-ūi tōa-siaⁿ hoah tì-kàu ià-siān, góa ê nâ-âu ta-.khì; góa in-ūi thèng-hāu Siōng-tè, ba̍k-chiu soah hoe khì. | 註釋 串珠 原文 典藏 |
69:4 | Bô-iân bô-kò͘ oàn-hūn góa ê lâng pí góa ê thâu-mn̂g khah chē; lāmsám chò góa ê tùi-te̍k beh bia̍t-bông góa ê lâng put-chí kiông-béng. Góa bô khì chhiúⁿ, mā tio̍h kiông-pek góa hêng. | 註釋 串珠 原文 典藏 |
69:5 | Siōng-tè ah, góa ê gû-gōng Lí pún-lâi to̍h chai; góa bô tùi Lí ún-môa góa ê chōe-kò. | 註釋 串珠 原文 典藏 |
69:6 | Bān-kun ê chì-koân Siōng-chú ah, kiû Lí m̄ thang hō͘ hiahê gióng-bōng Lí ê lâng ūi tio̍h góa lâi kiàn-siàu! I-su-la-el ê Siōng-tè ah, kiû Lí m̄ thang hō͘ cháu-chhōe Lí ê lâng ūi tio̍h góa lâi siū lêng-jio̍k. | 註釋 串珠 原文 典藏 |
69:7 | In-ūi góa ūi tio̍h Lí ê iân-kò͘ siū chhoh-mē, góa móa-bīn kiàn-siàu. | 註釋 串珠 原文 典藏 |
69:8 | Góa ê hiaⁿ-tī kā góa khòaⁿ-chò kòe-lō͘ lâng; góa ê tông-pau kā góa khòaⁿ-chò gōa-kok lâng. | 註釋 串珠 原文 典藏 |
69:9 | In-ūi góa ūi tio̍h Lí ê tiān, sim-lāi chhin-chhiūⁿ hóe teh to̍h; jî-chhiáⁿ lâng tùi Lí ê chhoh-mē lóng kui hō͘ góa. | 註釋 串珠 原文 典藏 |
69:10 | Góa lâu ba̍k-sái, ēng kìm-chia̍h lâi khek-khó͘ góa ê sim, che tian-tò hō͘ góa siū chèng lâng lêng-jio̍k. | 註釋 串珠 原文 典藏 |
69:11 | Góa ēng môa-pò͘ chò saⁿ-khò͘, chèng lâng hoán-tńg ēng góa chò chhiàu-tâm. | 註釋 串珠 原文 典藏 |
69:12 | Chē tī siâⁿ mn̂g ê lâng tâm-lūn góa; chiú-tô͘ ēng góa chò koa-khek. | 註釋 串珠 字典 原文 典藏 |
69:13 | Chóng-.sī, góa tit tio̍h chiap-la̍p ê sî, tùi Siōng-chú — Lí kî-tó. Siōng-tè ah, kiû Lí chiàu Lí hong-sēng ê chû-ài, chiàu Lí chin-si̍t ê chín-kiù lâi ìn-tap góa! | 註釋 串珠 字典 原文 典藏 |
69:14 | Kiû Lí kiù góa thoat-chhut thô͘-môe, hō͘ góa bô tîm lo̍h-.khì; kiû Lí kiù góa thoat-lī oàn-hūn góa ê lâng, hō͘ góa thoat-chhut chhim ê chúi. | 註釋 串珠 原文 典藏 |
69:15 | Kiû Lí m̄ thang iông-ín tōa-chúi kā góa im-ba̍t, m̄ thang iông-ín chhim-ian kā góa thun-chia̍h, m̄ thang iông-ín hām-kheⁿ kā góa khàm ba̍t. | 註釋 串珠 原文 典藏 |
69:16 | Siōng-chú ah, kiû Lí ìn góa! In-ūi Lí ê chû-ài sī hó; kiû Lí chiàu Lí hong-sēng ê chû-pi oa̍t kòe-lâi khòaⁿ góa! | 註釋 串珠 字典 原文 典藏 |
69:17 | M̄-thang am bīn m̄-khòaⁿ Lí ê lô͘-po̍k; in-ūi góa tī hoān-lān ê tiong-kan, kiû Lí kóaⁿ-kín lâi ìn góa. | C註釋 註釋 串珠 原文 典藏 |
69:18 | Kiû Lí óa-lâi kiù-sio̍k góa ê lêng-hûn! Kiû Lí tùi góa ê tùi-te̍k lâi kā góa sio̍k-hôe! | 註釋 串珠 原文 典藏 |
69:19 | Lí lóng chai góa só͘ siū ê chhoh-mē, kiàn-siàu kah lêng-jio̍k; góa ê tùi-te̍k lóng tī Lí ê bīn-chêng. | 註釋 串珠 原文 典藏 |
69:20 | Chhoh-mē í-keng thiah-li̍h góa ê sim, góa ê iu-būn móa-móa. Góa ǹg-bāng lâng lâi khó-liân, bô kah chi̍t-ê lâng lâi; ǹg-bāng lâng lâi an-ùi, mā bô kah chi̍t-ê lâng lâi. | 註釋 串珠 原文 典藏 |
69:21 | In the̍h khó͘-táⁿ hō͘ góa chò chia̍h-mi̍h; góa chhùi-ta, in ēng chhò͘ hō͘ góa lim. | 註釋 串珠 原文 典藏 |
69:22 | Goān in ê iàn-se̍k tī in ê bīn-chêng piàn-chò lô-bāng, tī in pêng-an ê sî piàn-chò hām-chéⁿ. | 註釋 串珠 字典 原文 典藏 |
69:23 | Goān in ê ba̍k-chiu o͘-àm khòaⁿ bē tio̍h; goān Lí hō͘ in ê io tiāⁿtiāⁿ gī-gī chhoah. | 註釋 串珠 字典 原文 典藏 |
69:24 | Goān Lí ê thòng-hūn piàⁿ tī in ê sin chiūⁿ, hō͘ Lí lia̍t-lia̍t ê siū-khì jiok tio̍h in. | 註釋 串珠 原文 典藏 |
69:25 | Goān in tòa ê só͘-chāi piàn-chò pha-hng; goān in ê pò͘-pêⁿ bô lâng tòa. | 註釋 串珠 原文 典藏 |
69:26 | In-ūi in pek-hāi Lí só͘ phah ê lâng; in ke-thiⁿ Lí só͘ phah-siong ê lâng ê iu-khó͘. | 註釋 串珠 原文 典藏 |
69:27 | Goān Lí kā in chōe siōng ka chōe, m̄ thang iông-ín in ū hūn tī Lí ê gī. | 註釋 串珠 原文 典藏 |
69:28 | Goān in tùi oa̍h-miā ê chheh siū chhat-siau, bô kì tī gī lâng ê tiong-kan. | 註釋 串珠 原文 典藏 |
69:29 | Chóng-.sī, góa sī khùn-khó͘ iu-siong ê lâng; Siōng-tè ah, goān Lí ê kiù-un kā góa an-tì tī koân ê só͘-chāi. | 註釋 串珠 字典 原文 典藏 |
69:30 | Góa beh ēng si-koa oló Siōng-tè ê miâ, mā beh ēng kám-siā chun I chò tōa. | 註釋 串珠 原文 典藏 |
69:31 | Che sī ē hō͘ Siōng-chú hoaⁿ-hí, iâⁿ-kòe hiàn gû, á-.sī hiàn ū kak ū tê ê gû-káng. | 註釋 串珠 原文 典藏 |
69:32 | Khiam-pi ê lâng khòaⁿ tio̍h chiū hoaⁿ-hí; goān cháu-chhōe Siōng-tè ê lô͘-po̍k ê sim oa̍h khí-.lâi. | 註釋 串珠 字典 原文 典藏 |
69:33 | In-ūi Siōng-chú thiaⁿ sànchhiah lâng ê kî-kiû, bô khòaⁿ-khin ūi tio̍h I siū koaiⁿ-kaⁿ ê lâng. | 註釋 串珠 原文 典藏 |
69:34 | Goān thiⁿ kah tē lóng oló I! Hái kah kî-tiong só͘-ū ê tōng-bu̍t mā oló I. | 註釋 串珠 原文 典藏 |
69:35 | In-ūi Siōng-tè beh kiù Si-óng, khí-chō Iô-tah ê siâⁿ; in ē tit tio̍h èng-ín ê tē chò sán-gia̍p, lâi tòa tī hia. | 註釋 串珠 原文 典藏 |
69:36 | I ê lô͘-po̍k ê kiáⁿ-sun ē sêng-chiap hit-ê tē, thiàⁿ I ê lâng ē tòa tī hit tiong-kan. | 註釋 串珠 原文 典藏 |