章節 | 全民台語聖經全羅經文 | 註釋 |
68:1 | Sūn-lī Chi Koa( Ta-bi̍t ê si-koa, kau hō͘ ga̍k-koaⁿ. )Goān Siōng-tè khí-.lâi, hō͘ I ê tùi-te̍k sì-sòaⁿ; hō͘ oàn-hūn I ê lâng tùi I ê bīn-chêng tô-cháu. | 註釋 串珠 原文 典藏 |
68:2 | Lí kā in kóaⁿ-sòaⁿ, chhin-chhiūⁿ ian hō͘ hong chhoe-sòaⁿ; pháiⁿ lâng kìⁿ tio̍h Siōng-tè ê bīn chiū siau-bia̍t, chhin-chhiūⁿ la̍h kìⁿ tio̍h hóe chiū iûⁿ-khì. | 註釋 串珠 原文 典藏 |
68:3 | Chóng-.sī, gī lâng ē hoaⁿ-hí, in tī Siōng-tè ê bīn-chêng ē khoài-lo̍k, in mā ē sî-siông hoaⁿ-hoaⁿ hí-hí. | 註釋 串珠 原文 典藏 |
68:4 | Lín tio̍h tùi Siōng-tè gîm-si, chhiùⁿ koa oló I ê miâ; ūi tio̍h hit ūi chē chhia keng-kòe khòng-iá ê siu-chō tōa lō͘. I ê miâ kiò-chò I-é-ho-bah, tio̍h tī I ê bīn-chêng khoài-lo̍k! | 註釋 串珠 原文 典藏 |
68:5 | Siōng-tè tī I sèng ê só͘-chāi, chò ko͘-jî ê pē, thè kóaⁿ-hū sin-oan. | 註釋 串珠 原文 典藏 |
68:6 | Siōng-tè hō͘ ko͘-toaⁿ ê lâng ū chhù, hō͘ siū koaiⁿ-kaⁿ ê lâng chhut-lâi hióng-hok chū-iû; chí ū pōe-ge̍k ê lâng tòa tī ta-sò ê tē. | 註釋 串珠 原文 典藏 |
68:7 | Siōng-tè ah, chá-chêng Lí kiâⁿ tī jîn-bîn ê thâu-chêng, keng-kòe khòng-iá. [Sè-la̍h] | 註釋 串珠 原文 典藏 |
68:8 | Hit sî, tē kìⁿ tio̍h Siōng-tè ê bīn chiū tín-tāng, thiⁿ mā lo̍h hō͘; hit-ê Si-nái mā tín-tāng, sī in-ūi kìⁿ tio̍h Siōng-tè — I-su-la-el ê Siōng-tè ê bīn. | 註釋 串珠 原文 典藏 |
68:9 | Siōng-tè ah, Lí lo̍h tōa hō͘; Lí ê sán-gia̍p — I-su-la-el ià-siān ê sî, Lí hō͘ i kian-kò͘. | 註釋 串珠 原文 典藏 |
68:10 | Lí ê chú-bîn tòa tī hit tiong-kan; Siōng-tè ah, Lí ūi tio̍h sànchhiah lâng chún-pī un-hūi. | 註釋 串珠 原文 典藏 |
68:11 | Chú chhut bēng-lēng, thoân hó siau-sit ê chabó͘ lâng chiâⁿ tōa-tīn. | 註釋 串珠 原文 典藏 |
68:12 | Kun-ông tô-cháu à! Tô-cháu à! Tiàm tī chhù lāi ê chabó͘ lâng pun tio̍h só͘ chhiúⁿ ê mi̍h. | 註釋 串珠 原文 典藏 |
68:13 | Lín tó tī iûⁿ-tiâu lāi ê sî, chhin-chhiūⁿ hún-chiáu ê si̍t siuⁿ pe̍h-gîn, i ê mn̂g siuⁿ n̂g-kim. | 註釋 串珠 原文 典藏 |
68:14 | Choân-lêng Siōng-tè tī hit lāi-bīn kóaⁿ-sòaⁿ lia̍t ông ê sî, sè-bīn chhin-chhiūⁿ Sal-mòng soaⁿ teh lo̍h seh. | 註釋 串珠 字典 原文 典藏 |
68:15 | Ba-siáng soaⁿ sī Siōng-tè ê soaⁿ; Ba-siáng soaⁿ sī ū chin chē soaⁿ-niá ê soaⁿ. | 註釋 串珠 原文 典藏 |
68:16 | Ū chin chē soaⁿ-niá ê soaⁿ, lín ná ē oàn-tò͘ Siōng-tè só͘ ài tòa ê soaⁿ? Siōng-chú ē tòa tī hia kàu éng-oán! | 註釋 串珠 原文 典藏 |
68:17 | Siōng-tè ê chhia chheng-chheng bān-bān; Chú tī hit tiong-kan, chhin-chhiūⁿ tī Si-nái, tī sèng ê só͘-chāi. | 註釋 串珠 原文 典藏 |
68:18 | Lí í-keng chiūⁿ-kàu koân ê só͘-chāi, kā hiahê hu-ló͘ lia̍h-.lâi; Lí tùi lâng ê tiong-kan chiap-siū in só͘ hiàn ê, liân pōe-ge̍k ê lâng mā hiàn, hō͘ Siōng-chú — Siōng-tè thang tòa in tiong-kan. | 註釋 串珠 字典 原文 典藏 |
68:19 | Chú sī eng-kai siū oló ê! I ji̍t-ji̍t phāiⁿ goán ê ka-taⁿ, I sī kiù goán ê Siōng-tè. [Sè-la̍h] | 註釋 串珠 原文 典藏 |
68:20 | Siōng-tè sī tùi lán kiâⁿ ta̍k chióng chín-kiù ê Siōng-chú; chì-koân Siōng-chú kiù lán thoat-lī sí-bông. | 註釋 串珠 原文 典藏 |
68:21 | Chóng-.sī, beh phah-phòa tùi-te̍k ê thâu-khak, to̍h-sī tiāⁿtiāⁿ hoān chōe ê lâng ê thâu-khak. | 註釋 串珠 原文 典藏 |
68:22 | Chú kóng, góa beh kā in tùi Ba-siáng chhōa tò tńg-.lâi, tùi chhim-ian chhōa in tò tńg-.lâi, | 註釋 串珠 原文 典藏 |
68:23 | Hō͘ lí kā in phah-chhùi, lí ê kha-ta̍h tī tùi-te̍k ê hoeh tiong, lí ê káu chīⁿ in ê hoeh. | 註釋 串珠 原文 典藏 |
68:24 | Siōng-tè ah, Lí sī góa ê Siōng-tè, góa ê ông; lâng í-keng khòaⁿ tio̍h Lí teh kiâⁿ, kiâⁿ-ji̍p-khì sèng ê só͘-chāi. | 註釋 串珠 字典 原文 典藏 |
68:25 | Chhiùⁿ koa ê kiâⁿ tī thâu-chêng, chàu ga̍k ê tòe tī āu-bīn, iô lin-long-kó͘ ê chabó͘ gín'á tī tiong-kan. | 註釋 串珠 字典 原文 典藏 |
68:26 | Tùi I-su-la-el ê goân-thâu lâi ê, tio̍h tī ta̍k-ê hōe tiong oló Siōng-tè, to̍h-sī lán ê Chú! | 註釋 串珠 字典 原文 典藏 |
68:27 | Tī hia ū kā in koán-hat ê sió Biān-iá-mín, ū Iô-tah ê cho̍k-tiúⁿ kah in kui tīn ê kûn-chiòng; ū Che-bú-lông ê cho̍k-tiúⁿ, ū Ná-hu-tha-lím ê cho̍k-tiúⁿ. | 註釋 串珠 原文 典藏 |
68:28 | Siōng-tè ah, kiû Lí hián-chhut Lí ê khùi-la̍t; kiû Lí kian-kò͘ Lí kā goán só͘ chiâⁿ ê tāichì. | 註釋 串珠 原文 典藏 |
68:29 | Ūi tio̍h Lí tī Ê-lú-sa-lèm ê tiān, lia̍t ông ē tòa lé-mi̍h lâi hiàn hō͘ Lí. | 註釋 串珠 原文 典藏 |
68:30 | Kiû Lí chek-pī lô͘-úi tiong ê iá-siù kah kui kûn ê gû-káng, í-ki̍p chhin-chhiūⁿ gû-á kā gîn ta̍h tī kha chêng ê lia̍t pang; kiû Lí kóaⁿ-sòaⁿ hiahê ài kau-chiàn ê jîn-bîn. | 註釋 串珠 字典 原文 典藏 |
68:31 | Tōa-koaⁿ ē tùi Ai-gi̍p lâi; Kú-si̍t ē kóaⁿ-kín ǹg Siōng-chú lâi gia̍h-khí chhiú. | 註釋 串珠 字典 原文 典藏 |
68:32 | Sè-chiūⁿ ê lia̍t kok, lín tio̍h tùi Siōng-tè chhiùⁿ koa; goān lín gîm-si oló Chú. [Sè-la̍h] | 註釋 串珠 原文 典藏 |
68:33 | Chiū-sī oló hit ūi chē tī tùi kó͘-chá to̍h ū, tī ke̍k koân ê thiⁿ ê Chú! I hoat-chhut ke̍k tōa koh ū la̍t ê siaⁿ. | 註釋 串珠 原文 典藏 |
68:34 | Lín tio̍h kā koân-lêng kui hō͘ Siōng-chú. I ê ui-giâm tī I-su-la-el ê téng-bīn, I ê koân-lêng tī kiong-chhong. | 註釋 串珠 原文 典藏 |
68:35 | Siōng-tè ah, Lí tī Lí sèng ê só͘-chāi chin-chiàⁿ thang kiaⁿ-ùi; I-su-la-el ê Siōng-tè kā khùi-la̍t kah koân-lêng siúⁿ-sù hō͘ I ê chú-bîn. Siōng-tè eng-kai siū oló. | 註釋 串珠 原文 典藏 |