章節 | 全民台語聖經全羅經文 | 註釋 |
63:1 | Khat-bōng Siōng-chú( Ta-bi̍t tī Iô-tah khòng-iá ê sî chò chit siú si. )Siōng-tè ah, Lí sī góa ê Siōng-tè, góa beh thàn-chá cháu-chhōe Lí. Tī khòng-ōaⁿ bô chúi ê só͘-chāi, góa ê sim-sîn chhùi-ta khat-bōng Lí, góa ê jio̍k-thé pek-chhiat him-bō͘ Lí. | 註釋 串珠 原文 典藏 |
63:2 | Góa bat ánne tī sèng-só͘ tiâu-kìⁿ Lí, ūi tio̍h ài beh khòaⁿ Lí ê koân-lêng kah êng-kng. | 註釋 串珠 原文 典藏 |
63:3 | In-ūi Lí ê chû-ài pí sèⁿ-miā khah hó, góa ê chhùi-tûn beh oló Lí. | 註釋 串珠 字典 原文 典藏 |
63:4 | Góa iáu oa̍h-.leh ê sî, beh ánne oló Lí; góa beh hōng Lí ê miâ gia̍h-khí góa ê chhiú. | 註釋 串珠 原文 典藏 |
63:5 | Góa ê sim-sîn ē pá-chiok chhin-chhiūⁿ chia̍h kut-chhóe, pûi bah; góa mā beh ēng hoaⁿ-hí ê chhùi-tûn oló Lí. | 註釋 串珠 原文 典藏 |
63:6 | Góa tó tī bîn-chhn̂g kì-liām Lí, àm-sî ta̍k keⁿ lóng teh siàu-liām Lí. | 註釋 串珠 原文 典藏 |
63:7 | In-ūi Lí bat pang-chān góa, góa tiàm tī Lí si̍t-kó͘ ê tì-ìm ē beh hoaⁿ-hí chhut siaⁿ chhiùⁿ koa. | 註釋 串珠 字典 原文 典藏 |
63:8 | Góa ê sim tòe Lí tiâu-tiâu; Lí ê chiàⁿ chhiú hû-chhî góa. | 註釋 串珠 原文 典藏 |
63:9 | Hiahê siàu-siūⁿ beh bia̍t góa sèⁿ-miā ê lâng, i ē hām-lo̍h tī tē-hā chhim ê só͘-chāi. | 註釋 串珠 原文 典藏 |
63:10 | In ē hō͘ to-kiàm thâi-sí, in ē hō͘ iá-káu thun-chia̍h. | 註釋 串珠 原文 典藏 |
63:11 | Chóng-.sī, ông ē in-ūi Siōng-tè lâi hoaⁿ-hí; hoān-nā kí I lâi chiùchōa ê lâng ē in-ūi I lâi khoa-kháu, in-ūi kóng pe̍h-chha̍t ê chhùi ē siū that-ba̍t. | 註釋 串珠 字典 原文 典藏 |