章節 | 全民台語聖經全羅經文 | 註釋 |
62:1 | Sìn-khò Siōng-tè( Ta-bi̍t ê si, chiàu E-to-tòng ê chò-hoat, kau hō͘ ga̍k-koaⁿ. )Góa ê sim-sîn tiām-tiām, choan-sim thèng-hāu Siōng-tè; góa ê chín-kiù sī tùi I lâi. | 註釋 串珠 康來昌 原文 典藏 |
62:2 | Chí-ū I sī góa ê chio̍h-pôaⁿ, sī góa ê chín-kiù; I sī góa ê siâⁿ-pó, góa lóng bē iô-tāng. | 註釋 串珠 康來昌 原文 典藏 |
62:3 | Lín tāi-ke kong-kek lâng, lâi kā i húi-hoāi, chhin-chhiūⁿ húi-hoāi khi-chhiâ ê chhiûⁿ, á-.sī beh tó ê piah, tio̍h kàu tang-sî ûi-chí? | 註釋 串珠 康來昌 字典 原文 典藏 |
62:4 | In chò-hóe kè-bô͘ beh tùi i chun-kùi ê ông-ūi kā i chhia lo̍h-.khì; in ài kóng pe̍h-chha̍t, in chhùi teh chiok-hok, m̄ koh, sim teh chiù-chó͘. [Sè-la̍h] | 註釋 串珠 康來昌 字典 原文 典藏 |
62:5 | Góa ê sim-sîn, lí tio̍h tiām-tiām, choan-sim thèng-hāu Siōng-tè, in-ūi góa ê ǹg-bāng sī tùi I lâi. | 註釋 串珠 康來昌 原文 典藏 |
62:6 | Chí-ū I sī góa ê chio̍h-pôaⁿ, sī góa ê chín-kiù; I sī góa ê siâⁿ-pó, góa lóng bē iô-tāng. | 註釋 串珠 康來昌 原文 典藏 |
62:7 | Góa ê chín-kiù kah góa ê êng-kng chāi tī Siōng-tè; góa khùi-la̍t ê chio̍h-pôaⁿ, góa siám-phiah ê só͘-chāi, mā lóng chāi tī Siōng-tè. | 註釋 串珠 康來昌 字典 原文 典藏 |
62:8 | Lín chèng lâng tio̍h sî-sî óa-khò I, tī I ê bīn-chêng piàⁿ chhut lín ê sim, in-ūi Siōng-tè sī lán tô-siám ê só͘-chāi. [Sè-la̍h] | 註釋 串珠 康來昌 原文 典藏 |
62:9 | Pi-bî ê lâng chin-chiàⁿ sī khang-hi, chun-kùi ê lâng mā sī hi-ké; nā kā in hē tī thian-phêng óaⁿ, it-tēng ē phû khí-.lâi; in lóng pí ho͘-khip ê khùi khah khin. | 註釋 串珠 康來昌 原文 典藏 |
62:10 | M̄-thang óa-khò pō-gio̍k, m̄ thang in-ūi chhiúⁿ-toa̍t lâi kiau-ngō͘; châi-pó nā ke-thiⁿ, mā m̄ thang chù-ì tī hia. | 註釋 串珠 康來昌 字典 原文 典藏 |
62:11 | Siōng-tè kóng chi̍t hāng, góa ū thiaⁿ tio̍h nn̄g hāng, to̍h-sī koân-lêng sio̍k tī Siōng-tè, | 註釋 串珠 康來昌 原文 典藏 |
62:12 | Chû-ài mā sī sio̍k tī I; Chú ah, Lí chiàu ta̍k lâng só͘ chò ê lâi kā i pò-èng. | 註釋 串珠 康來昌 原文 典藏 |