章節 | 全民台語聖經全羅經文 | 註釋 |
60:1 | Khún-kiû Siōng-chú Kiù-oān( Ta-bi̍t tī nn̄g tiâu khe ê A-lâm, í-ki̍p Cho͘-ba ê A-lâm kau-chiàn ê sî, Io-ap tńg-lâi tī iâm-kok, thâi-sí E-tóm lâng chi̍t-bān nn̄g-chheng; hit sî Ta-bi̍t chò chit-siú kim ê si, hō͘ lâng ha̍k-si̍p, kau hō͘ ga̍k-koaⁿ; tiāu ēng " Chò kiàn-chèng ê pek-ha̍p hoe. ")Siōng-tè ah, Lí bat khì-sak goán, phò-hoāi goán; Lí bat tùi goán siū-khì, kiû Lí hō͘ goán koh heng-khí. | 註釋 串珠 康來昌 字典 原文 典藏 |
60:2 | Lí hō͘ tē tín-tāng, mā hō͘ i pang-li̍h; goān Lí i hó i ê li̍h-hûn, in-ūi tē iáu teh iô-tāng. | 註釋 串珠 康來昌 原文 典藏 |
60:3 | Lí hō͘ Lí ê chú-bîn tú tio̍h kan-lân; Lí hō͘ goán lim hit-ê hō͘ lâng tian-lâi tó-khì ê chiú. | 註釋 串珠 康來昌 原文 典藏 |
60:4 | Lí kā tōa kî siúⁿ-sù hō͘ kèng-ùi Lí ê lâng, thang ūi chin-lí gia̍h-khí-lâi ia̍t. [Sè-la̍h] | 註釋 串珠 康來昌 原文 典藏 |
60:5 | Kiû Lí thiaⁿ goán ê kiû-kiò, ēng chiàⁿ chhiú khan-kiù goán, thang hō͘ Lí só͘ thiàⁿ ê lâng tit tio̍h kái-kiù. | 註釋 串珠 康來昌 字典 原文 典藏 |
60:6 | Siōng-tè kí I ê sèng-kiat lâi kóng, góa beh tōa hoaⁿ-hí; góa beh hun-khui Sī-khiàm, niû Su-kot ê soaⁿ-kok. | 註釋 串珠 康來昌 字典 原文 典藏 |
60:7 | Gi-lia̍t sī góa ê, Má-ná-se mā sī góa ê. E-hu-laim sī góa ê thâu-khoe; Iô-tah sī góa ê koân-pèng. | 註釋 串珠 康來昌 原文 典藏 |
60:8 | Mô͘-ap teh beh chò góa ê e̍k-phûn; góa beh kā góa ê ê hiat tī E-tóm lâi ióng-iú. Góa beh tùi Hui-lī-sū tōa-siaⁿ hoah góa sèng-lī. | 註釋 串珠 康來昌 字典 原文 典藏 |
60:9 | Siáⁿ lâng ē chhōa góa ji̍p-khì kian-kò͘ ê siâⁿ? Siáⁿ lâng chhōa góa ji̍p-khì E-tóm ê tē? | 註釋 串珠 康來昌 字典 原文 典藏 |
60:10 | Siōng-tè ah, Lí kám sī beh khì-sak goán? Siōng-tè ah, Lí kám bô beh kah goán ê kun-peng chò-hóe chhut-cheng? | 註釋 串珠 康來昌 字典 原文 典藏 |
60:11 | Kiû Lí pang-chān goán kong-kek tùi-te̍k, in-ūi lâng ê chín-kiù sī bē khò tit. | 註釋 串珠 康來昌 原文 典藏 |
60:12 | Goán óa-khò Siōng-tè chiah ē chò-chiâⁿ tōa tāichì, in-ūi I chiah ē-tàng thún-ta̍h goán ê tùi-te̍k. | 註釋 串珠 康來昌 原文 典藏 |