章節 | 全民台語聖經全羅經文 | 註釋 |
59:1 | Kî-kiû Pó-iū( Sàu-lô chhe lâng khì bâi-ho̍k Ta-bi̍t ê chhù, beh thâi i; hit sî, Ta-bi̍t chò chit-ê kim ê si, kau hō͘ ga̍k-koaⁿ; tiāu ēng " M̄-thang húi-hoāi. ")Góa ê Siōng-tè ah, kiû Lí kiù góa thoat-lī góa ê tùi-te̍k, kā góa an-tì tī koân ê só͘-chāi, hō͘ góa thoat-lī khí-lâi kong-kek góa ê lâng. | 註釋 串珠 原文 典藏 |
59:2 | Kiû Lí kiù góa thoat-lī chò pháiⁿ ê lâng, koh kiù góa thoat-lī ài hāi lâng sèⁿ-miā ê lâng! | 註釋 串珠 原文 典藏 |
59:3 | In bâi-ho̍k beh hāi góa ê sèⁿ-miā; ū hiong-ok ê lâng chū-chi̍p lâi beh kong-kek góa. Siōng-chú ah, che m̄-sī in-ūi góa ê kòe-sit, mā m̄-sī in-ūi góa ê chōe-kò. | 註釋 串珠 原文 典藏 |
59:4 | Góa sûi-jiân bô kòe-sit, in chhiong lâi chún-pī beh hāi góa. Kiû Lí cheng-sîn khí-lâi pang-chān góa, lâi kàm-chhat góa ê khùn-kéng. | 註釋 串珠 原文 典藏 |
59:5 | Bān-kun ê Siōng-tè — Siōng-chú, to̍h-sī I-su-la-el ê Siōng-tè ah, kiû Lí khí-lâi chhú-hoa̍t bān-kok! M̄-thang liân-bín hiahê kiâⁿ kan-chà ê pháiⁿ lâng! [Sè-la̍h] | 註釋 串珠 原文 典藏 |
59:6 | In àm-sî tò tńg-.lâi, chhin-chhiūⁿ káu teh pūi, tī siâⁿ lāi sì-kè kiâⁿ. | 註釋 串珠 原文 典藏 |
59:7 | In ê chhùi thò͘-chhut pháiⁿ ōe, chhùi-tûn ū to; in siūⁿ kóng, siáⁿ lâng ū thiaⁿ-.tio̍h? | 註釋 串珠 字典 原文 典藏 |
59:8 | M̄ koh, Lí — Siōng-chú ē chhiò in, Lí ē thí-chhiò lia̍t pang. | 註釋 串珠 字典 原文 典藏 |
59:9 | Siōng-tè — góa ê khùi-la̍t ah, góa beh gióng-bōng Lí, in-ūi Lí sī góa ê siâⁿ-pó. | 註釋 串珠 原文 典藏 |
59:10 | Góa ê Siōng-tè ē ēng chû-ài gêng-chiap góa; Siōng-tè ē hō͘ góa khòaⁿ tio̍h góa ê tùi-te̍k siū pò-èng. | 註釋 串珠 字典 原文 典藏 |
59:11 | M̄-thang kā in châu-bia̍t, chiah bián-tit góa ê jîn-bîn bē kì-.tit. Chú — goán ê tîn-pâi ah, kiû Lí ēng Lí ê khùi-la̍t hō͘ in sì-sòaⁿ koh kàng kē. | 註釋 串珠 原文 典藏 |
59:12 | In-ūi in chhùi ê chōe-kò kah chhùi-tûn ê ōe, í-ki̍p in só͘ kóng ê chiù-mē kah pe̍h-chha̍t, goān in tī kiau-ngō͘-ê tiong-kan hō͘ lâng lia̍h tio̍h. | 註釋 串珠 字典 原文 典藏 |
59:13 | Kiû Lí siū-khì lâi kā in châu-bia̍t, kā in thiat-té siau-bia̍t, hō͘ in chai Siōng-tè tī Iâ-kop ê tiong-kan chiáng-koân, sīm-chì kàu tī tē-ke̍k. [Sè-la̍h] | 註釋 串珠 原文 典藏 |
59:14 | In àm-sî tò tńg-.lâi, chhin-chhiūⁿ káu teh pūi, tī siâⁿ lāi sì-kè kiâⁿ. | 註釋 串珠 原文 典藏 |
59:15 | In ē cháu-lâi cháu-khì chhōe chia̍h-mi̍h, nā bô chia̍h pá, chiū kui mê thèng-hāu. | 註釋 串珠 字典 原文 典藏 |
59:16 | M̄ koh, góa beh chhiùⁿ koa oló Lí ê khùi-la̍t, chá-khí sî beh tōa-siaⁿ oló Lí ê chû-ài; in-ūi Lí bat chò góa ê siâⁿ-pó, tī hoān-lān ê ji̍t, chò góa tô-siám ê só͘-chāi. | 註釋 串珠 原文 典藏 |
59:17 | Siōng-tè — góa ê khùi-la̍t ah, góa beh chhiùⁿ koa oló Lí; in-ūi Lí sī góa ê siâⁿ-pó, sī góa chû-ài ê Siōng-tè. | 註釋 串珠 字典 原文 典藏 |