章節 | 全民台語聖經全羅經文 | 註釋 |
58:1 | Kiû Siōng-chú Têng-hoa̍t Pháiⁿ lâng( Ta-bi̍t kim ê si, kau hō͘ ga̍k-koaⁿ; tiāu sī ēng " M̄-thang húi-hoāi. ")Sè-kan lâng, lín tiām-tiām, kám ū chin-chiàⁿ kóng kong-gī? Lín kám ū chiàu sêng-si̍t lâi sím-phòaⁿ? | 註釋 串珠 康來昌 原文 典藏 |
58:2 | Bô, lín chí-sī sim-lāi kè-bô͘ chò pháiⁿ; lín tī tē-chiūⁿ, ēng lín ê chhiú só͘ chò ê kiông-pō chhìn hō͘ lâng. | 註釋 串珠 康來昌 原文 典藏 |
58:3 | Pháiⁿ lâng chi̍t-ē chhut bó-sin, chiū kah Siōng-tè so͘-oán; chi̍t ē lī-khui lāu-bú ê pak-tó͘ chiū kiâⁿ oai-lō͘, kóng pe̍h-chha̍t. | 註釋 串珠 康來昌 原文 典藏 |
58:4 | In ê to̍k chhin-chhiūⁿ chôa ê to̍k; in chhin-chhiūⁿ chhàu-hīⁿ-lâng ê to̍k-chôa that-ba̍t kakī ê hīⁿ-khang, | 註釋 串珠 康來昌 原文 典藏 |
58:5 | M̄-thiaⁿ lāng chôa ê lâng ê siaⁿ, á-.sī gâu ōe hû liām chiù ê lâng ê siaⁿ. | 註釋 串珠 康來昌 字典 原文 典藏 |
58:6 | Siōng-tè ah, kiû Lí phah-tn̄g in ê chhùi-khí! Siōng-chú ah, kiû Lí phah-tn̄g sai-á-thûn ê tōa ki gê! | 註釋 串珠 康來昌 原文 典藏 |
58:7 | Goān in chhin-chhiūⁿ chhoah lâu ê chúi siau-sit-khì; in ê chìⁿ teh beh siā ê sî, goān in ê chìⁿ-thâu tn̄g khì. | 註釋 串珠 康來昌 字典 原文 典藏 |
58:8 | Goān in chhin-chhiūⁿ lō͘-lê sô kòe ê jiah liâmpiⁿ siau-sit-.khì, koh chhin-chhiūⁿ chabó͘ lâng ka-la̍uh bô kìⁿ tio̍h thiⁿ-ji̍t ê thai. | 註釋 串珠 康來昌 字典 原文 典藏 |
58:9 | Lín ēng chhì-á hiâⁿ hóe, tiáⁿ iáu-bōe jia̍t, I beh ēng kńg-lê-á hong kā seⁿ ê kah teh to̍h ê chhì-á chò chi̍t-ē sàu-khì. | 註釋 串珠 康來昌 字典 原文 典藏 |
58:10 | Gī lâng khòaⁿ tio̍h pò-èng ê tāichì chiū hoaⁿ-hí, i beh ēng pháiⁿ lâng ê hoeh sé i ê kha. | 註釋 串珠 康來昌 字典 原文 典藏 |
58:11 | Lâng chiū ē kóng, gī lâng chin-chiàⁿ ū hó pò; tī tē-bīn chiūⁿ kó-jiân ū Siōng-tè teh sím-phòaⁿ. | 註釋 串珠 康來昌 原文 典藏 |