章節 | 全民台語聖經全羅經文 | 註釋 |
57:1 | Kiû Chō͘ ê Kî-tó( Ta-bi̍t siám-phiah Sàu-lô, bih tī tōng lāi; hit sî i chò chit-siú kim ê si, kau hō͘ ga̍k-koaⁿ; tiāu sī ēng " M̄-thang húi-hoāi ". ) Siōng-tè ah, kiû Lí khó-liân góa, khó-liân góa! Góa ê sim beh tâu-hioh tī Lí hia. Góa beh tâu-hioh tī Lí si̍t-kó͘ ê tì-ìm ē, thèng-hāu chai-hō lóng kòe-.khì. | 註釋 串珠 康來昌 原文 典藏 |
57:2 | Góa beh kiû-kiò chì-koân Siōng-tè, to̍h-sī kā góa sêng-choân ta̍k hāng tāichì ê Siōng-tè. | 註釋 串珠 康來昌 原文 典藏 |
57:3 | Tng hit-ê beh thun-chia̍h góa ê lâng húi-pòng góa ê sî, Siōng-tè ē tùi thiⁿ si un lâi kiù góa, I mā ē hoat-chhut I ê chû-ài kah I ê sìn-si̍t. | 註釋 串珠 康來昌 原文 典藏 |
57:4 | Góa ê sèⁿ-miā tī sai ê tiong-kan, góa tó tī chhin-chhiūⁿ hóe teh to̍h ê sè-kan lâng tiong-kan. In ê chhùi-khí kahná chhiuⁿ kah chìⁿ, in ê chi̍h chhin-chhiūⁿ lāi to. | 註釋 串珠 康來昌 原文 典藏 |
57:5 | Siōng-tè ah, goān Lí ê koân-tōa pôaⁿ-kòe chiahê thiⁿ! Goān Lí ê êng-kng pôaⁿ-kòe choân tē! | 註釋 串珠 康來昌 字典 原文 典藏 |
57:6 | In tī góa ê kha-pō͘ siat lô-bāng, ap-chè góa ê sim-sîn; in tī góa ê bīn-chêng khui hām-kheⁿ, kakī tian-tò poa̍h lo̍h-khì hit lāi-bīn. [Sè-la̍h] | 註釋 串珠 康來昌 原文 典藏 |
57:7 | Siōng-tè ah, góa ê sim chū-chāi, góa ê sim kian-tēng; góa beh gîm-si, góa beh chhiùⁿ koa lâi oló. | 註釋 串珠 康來昌 字典 原文 典藏 |
57:8 | Góa ê sim-sîn, lí tio̍h cheng-sîn khí-.lâi! Khîm, sek, lín tio̍h cheng-sîn khí-.lâi! Góa pún-sin beh chin chá to̍h cheng-sîn khí-.lâi. | 註釋 串珠 康來昌 原文 典藏 |
57:9 | Chú ah, góa beh tī bān-bîn tiong-kan kám-siā Lí; tī lia̍t pang tiong-kan chhiùⁿ koa oló Lí. | 註釋 串珠 康來昌 字典 原文 典藏 |
57:10 | In-ūi Lí ê chû-ài tōa kàu tú thiⁿ; Lí ê sìn-si̍t thàu kàu kiong-chhong. | 註釋 串珠 康來昌 原文 典藏 |
57:11 | Siōng-tè ah, goān Lí ê koân-tōa pôaⁿ-kòe chiahê thiⁿ! Goān Lí ê êng-kng pôaⁿ-kòe choân tē! | 註釋 串珠 康來昌 原文 典藏 |