章節 | 全民台語聖經全羅經文 | 註釋 |
55:1 | Kiû Chō͘ ê Kî-tó( Ta-bi̍t kà-sī ê si; kau hō͘ ga̍k-koaⁿ; ēng si-hiân ê ga̍k-khì. )Siōng-tè ah, kiû Lí àⁿ hīⁿ-khang thiaⁿ góa ê kî-tó, m̄ thang bih khí-lâi m̄-thiaⁿ góa ê khún-kiû. | 註釋 串珠 康來昌 原文 典藏 |
55:2 | Kiû Lí àⁿ-lo̍h hīⁿ-khang thiaⁿ góa, ìn góa. Góa pi-siong bô pêng-an, thò͘ tōa khùi, | 註釋 串珠 康來昌 原文 典藏 |
55:3 | Lóng sī in-ūi tùi-te̍k ê hoah siaⁿ, pháiⁿ lâng ê chè-ap; in-ūi in kā chōe-kò piàⁿ hō͘ góa, ēng siū-khì lâi pek góa. | 註釋 串珠 康來昌 原文 典藏 |
55:4 | Góa ê sim-lāi chin thòng-khó͘; sí-bông ê kiaⁿ-hiâⁿ lîm-kàu góa. | 註釋 串珠 康來昌 原文 典藏 |
55:5 | Kiaⁿ-hiâⁿ phi̍h-phi̍h chhoah kā góa pau-ûi, khióng-pò͘ kā góa im-ba̍t. | 註釋 串珠 康來昌 原文 典藏 |
55:6 | Góa kóng: Goān góa chhin-chhiūⁿ hún-chiáu tit tio̍h si̍t, góa chiū poe khì, chhōe tio̍h an-hioh ê só͘-chāi. | 註釋 串珠 康來昌 原文 典藏 |
55:7 | Góa beh poe khì hn̄g-hn̄g, hioh tī khòng-iá. [Sè-la̍h] | 註釋 串珠 康來昌 字典 原文 典藏 |
55:8 | Góa beh kóaⁿ-kín chàu khì siám-phiah ê só͘-chāi, thang thoat-lī kông hong po̍k-hō͘. | 註釋 串珠 康來昌 原文 典藏 |
55:9 | Chú ah, kiû Lí kā in thun-bia̍t, phah-loān in ê giân-gí! In-ūi góa tī siâⁿ lāi bat khòaⁿ tio̍h kiông-pō kah hun-cheng ê tāichì. | 註釋 串珠 康來昌 原文 典藏 |
55:10 | In mê-ji̍t tī siâⁿ chhiûⁿ téng kiâⁿ lâi kiâⁿ khì; siâⁿ lāi chhiong-móa hi-ké kah ok-to̍k. | 註釋 串珠 康來昌 原文 典藏 |
55:11 | Siâ-ok tī hit lāi-bīn; ke-lō͘ sì-kè lóng sī ap-chè kah kan-chà. | 註釋 串珠 康來昌 字典 原文 典藏 |
55:12 | In-ūi húi-pòng góa ê m̄-sī tùi-te̍k, siat-sú sī, chiū iáu ē-tàng jím-tit; chū-ko kong-kek góa ê m̄-sī oàn-hūn góa ê lâng, siat-sú sī, chiū ē-tàng siám-phiah. | 註釋 串珠 康來昌 字典 原文 典藏 |
55:13 | Bô phah-sǹg sī lí kah góa pêng-pòe ê lâng, góa ê tâng-phōaⁿ, góa ti-kí ê pêng-iú. | 註釋 串珠 康來昌 原文 典藏 |
55:14 | Lán pêng-sî chò-hóe tâm-lūn, chin chhin-bi̍t, lán kah kûn-chiòng tī Siōng-tè ê tiān chò-hóe kèng-pài. | 註釋 串珠 康來昌 原文 典藏 |
55:15 | Goān sí-bông hut-jiân lîm-kàu góa ê tùi-te̍k, hō͘ in oa̍h-oa̍h lo̍h im-hú! In-ūi tī in tòa ê só͘-chāi chhiong-móa siâ-ok. | 註釋 串珠 康來昌 原文 典藏 |
55:16 | Nā-sī góa, góa beh kiû-kiò Siōng-tè; Siōng-chú ē chín-kiù góa. | 註釋 串珠 康來昌 原文 典藏 |
55:17 | Ê-hng, chá-khí, tiong-tàu, góa beh ai-siong thó͘-khùi; I mā ē thiaⁿ góa ê siaⁿ. | 註釋 串珠 康來昌 原文 典藏 |
55:18 | I ē kiù-sio̍k góa ê sèⁿ-miā thoat-lī kong-kek góa ê lâng, hō͘ góa tit tio̍h pêng-an; sûi-jiân hoán tùi góa ê lâng chin chē. | 註釋 串珠 康來昌 原文 典藏 |
55:19 | Tùi kó͘-chá to̍h tiāⁿtiāⁿ kah goán tông-chāi ê Siōng-tè, ē thiaⁿ-.tio̍h, mā ē kā in pò-èng, to̍h-sī hiahê bô kái-piàn, bô kèng-ùi Siōng-tè ê lô͘-po̍k. | 註釋 串珠 康來昌 原文 典藏 |
55:20 | I chhun chhiú kong-kek kakī ê tâng-phōaⁿ, ûi-pōe kah i só͘ li̍p ê iok. | 註釋 串珠 康來昌 原文 典藏 |
55:21 | I ê chhùi chhin-chhiūⁿ leng-iû ku̍t liu-liu; i ê sim chûn oàn-hūn beh kau-chiàn; i ê ōe pí ko-iû khah jiû-nńg, kî-si̍t sī chhut-siù ê to. | 註釋 串珠 康來昌 原文 典藏 |
55:22 | Tio̍h kā lí ê ka-taⁿ sià hō͘ Siōng-chú, I ē hû-chhî lí; I éng-oán bē hō͘ gī lâng iô-tāng. | C註釋 註釋 串珠 康來昌 字典 原文 典藏 |
55:23 | Siōng-tè ah, Lí ē hō͘ in hām-lo̍h tī bia̍t-bông ê chhim kheⁿ; thâi-sí-lâng kah kan-chà ê lâng bē oa̍h kàu tiong-liân. Nā-sī góa, góa beh óa-khò Lí. | 註釋 串珠 康來昌 原文 典藏 |