章節 | 全民台語聖經全羅經文 | 註釋 |
54:1 | Kî-kiû Pó-hō͘( Ji-hu lâng lâi tùi Sàu-lô kóng, " Ta-bi̍t kám m̄-sī bih tī goán hia? " Hit sî, Ta-bi̍t chò chit-ê kà-sī ê si, kau hō͘ ga̍k-koaⁿ; ēng si-hiân ê ga̍k-khì. )Siōng-tè ah, kiû Lí ēng Lí ê miâ kiù góa, ēng Lí ê tōa koân-lêng thè góa sin-oan. | 註釋 串珠 康來昌 原文 典藏 |
54:2 | Siōng-tè ah, kiû Lí thiaⁿ góa ê kî-tó, àⁿ hīⁿ-khang thiaⁿ góa ê chhùi só͘ kóng ê ōe. | 註釋 串珠 康來昌 原文 典藏 |
54:3 | In-ūi gōa-lâng khí-lâi kong-kek góa, kiông-ok ê lâng siàu-siūⁿ góa ê sèⁿ-miā; in tī in ê bīn-chêng bô kèng-ùi Siōng-tè. [Sè-la̍h] | 註釋 串珠 康來昌 原文 典藏 |
54:4 | Siōng-tè sī góa ê pang-chān, Chú sī góa ê pó-hō͘-chiá. | 註釋 串珠 康來昌 原文 典藏 |
54:5 | I ē chiàu góa ê tùi-te̍k tùi góa só͘ chò ê pháiⁿ kā in pò-èng; kiû Lí chiàu Lí ê sìn-si̍t kā in húi-bia̍t. | 註釋 串珠 康來昌 原文 典藏 |
54:6 | Góa beh kam-sim lo̍k-ì hiàn chè-sū hō͘ Lí; Siōng-chú ah, góa beh kám-siā oló Lí ê miâ, in-ūi Lí ê miâ sī hó. | 註釋 串珠 康來昌 原文 典藏 |
54:7 | I ū kiù góa thoat-lī só͘-ū ê hoān-lān; góa ū chhin-ba̍k khòaⁿ tio̍h góa ê tùi-te̍k tú tio̍h pò-èng. | 註釋 串珠 康來昌 原文 典藏 |