章節 | 全民台語聖經全羅經文 | 註釋 |
52:1 | Siōng-chú ê Sím-phòaⁿ kah Un-tián( E-tóm lâng To-ek lâi pò Sàu-lô kóng, Ta-bi̍t lâi-kàu A-hi-mé-le̍k ê ke. Hit sî, Ta-bi̍t chò chit-siú kà-sī ê si, kau hō͘ ga̍k-koaⁿ. )Ióng-béng ê lâng, lí ná ē ūi tio̍h chò pháiⁿ lâi khoa-kháu? Siōng-tè ê chû-ài éng-oán tī-.leh. | 註釋 串珠 康來昌 原文 典藏 |
52:2 | Lí ê chi̍h tô͘-bô͘ siâ-ok, lí ê chi̍h LBK kahná thì thâu to, teh kiâⁿ kan-chà. | 註釋 串珠 康來昌 原文 典藏 |
52:3 | Lí ài pháiⁿ iâⁿ-kòe ài hó, ài pe̍h-chha̍t iâⁿ-kòe ài kóng gī-lí. [Sè-la̍h] | 註釋 串珠 康來昌 原文 典藏 |
52:4 | Kúi-chà ê chi̍h, lí ài kóng it-chhè thun-chia̍h lâng ê ōe. | 註釋 串珠 康來昌 字典 原文 典藏 |
52:5 | Siōng-tè mā ē éng-oán kā lí húi-hoāi; I beh lia̍h lí, tùi pò͘-pêⁿ tiong kā lí khiú chhut-.lâi, tùi oa̍h-lâng ê tē kā lí poe̍h chhut-.lâi. [Sè-la̍h] | 註釋 串珠 康來昌 原文 典藏 |
52:6 | Gī lâng khòaⁿ tio̍h ē kiaⁿ-hiâⁿ, mā ē kā i thí-chhiò, | 註釋 串珠 康來昌 原文 典藏 |
52:7 | kóng: Lí khòaⁿ, che to̍h-sī hit khoán bô óa-khò Siōng-tè ê lô͘-po̍k, sī óa-khò i kakī ê chîⁿ-châi, kakī lia̍h-chún khiā chāi tī siâ-ok tiong. | 註釋 串珠 康來昌 原文 典藏 |
52:8 | Nā-sī góa, góa ná chhin-chhiūⁿ Siōng-tè tiān lāi chheⁿ-chhùi ê kaⁿ-ná chhiū, éng-éng oán-oán óa-khò Siōng-tè ê chû-ài. | 註釋 串珠 康來昌 原文 典藏 |
52:9 | In-ūi Lí ánne tùi-thāi góa, góa beh éng-oán kám-siā Lí. Góa mā beh tī Lí sèng ê chú-bîn bīn-chêng gióng-bōng Lí ê miâ; in-ūi Lí ê miâ sī hó. | 註釋 串珠 康來昌 原文 典藏 |