章節 | 全民台語聖經全羅經文 | 註釋 |
51:1 | Kî-kiû Sià-bián( Ta-bi̍t kah Bat-se-ba tâng-pâng í-āu, Ná-than sian-ti lâi kìⁿ i, i chò chit siú si, kau hō͘ ga̍k-koaⁿ. )Siōng-tè ah, chiàu Lí ê chû-ài liân-bín góa! Chiàu Lí hong-sēng ê chû-pi chhat-siau góa ê kòe-sit! | 註釋 串珠 康來昌 原文 典藏 |
51:2 | Kā góa ê chōe-ok choân-pō͘ sé-tû, mā kā góa sé-chheng kàu bô chōe. | 註釋 串珠 康來昌 原文 典藏 |
51:3 | Góa chai kakī ê kòe-sit; góa ê chōe tiāⁿtiāⁿ tī góa ê bīn-chêng. | 註釋 串珠 康來昌 原文 典藏 |
51:4 | Góa só͘ hoān-.tio̍h ê chōe to̍h-sī tek-chōe Lí niā-niā, tī Lí ê ba̍k-chiu chêng chò chit khoán pháiⁿ tāichì; tì-sú Lí kóng-ōe ê sî hián-bêng chò gī, phòaⁿ-toàn ê sî hián-bêng kong-tō. | 註釋 串珠 康來昌 原文 典藏 |
51:5 | Góa sī tī chōe-ok tiong seⁿ ê, tī chōe ê tiong-kan, góa ê lāu-bú hoâi-īn góa. | 註釋 串珠 康來昌 原文 典藏 |
51:6 | Lí só͘ ì-ài ê sī sim-lāi sêng-si̍t; tī góa ê pak-tó͘ lāi, Lí ē hō͘ góa tit tio̍h tì-hūi. | 註釋 串珠 康來昌 原文 典藏 |
51:7 | Kiû Lí ēng gû-chhek-chháu sé góa, góa chiū chheng-khì; kiû Lí sé góa, góa chiū pí seh khah pe̍h . | 註釋 串珠 康來昌 原文 典藏 |
51:8 | Kiû Lí hō͘ góa thiaⁿ tio̍h hoaⁿ-hí khoài-lo̍k ê siaⁿ, hō͘ Lí só͘ at-tn̄g ê kut thang hoaⁿ-hí. | 註釋 串珠 康來昌 原文 典藏 |
51:9 | Kiû Lí am Lí ê bīn bô khòaⁿ góa ê chōe; chhat-siau góa só͘-ū ê chōe-ok. | 註釋 串珠 康來昌 字典 原文 典藏 |
51:10 | Siōng-tè ah, kiû Lí kā góa chhòng-chō chheng-khì ê sim, hō͘ góa ê lāi-bīn ū ōaⁿ sin chèng-ti̍t ê sim-sîn. | 註釋 串珠 康來昌 原文 典藏 |
51:11 | M̄-thang kóaⁿ góa lī-khui Lí ê bīn-chêng; m̄ thang tùi góa siu-hôe Lí ê Sèng Sîn. | 註釋 串珠 康來昌 原文 典藏 |
51:12 | Kiû Lí hō͘ góa iû-goân hióng-siū Lí kiù-un ê khoài-lo̍k; siúⁿ-sù góa ū chū-iû ê sim-sîn lâi hû-chhî góa. | 註釋 串珠 康來昌 原文 典藏 |
51:13 | Góa beh kā Lí ê tō-lō͘ chí-sī ū kòe-sit ê lâng, ū chōe ê lâng chiū ē lâi kui-sūn Lí. | 註釋 串珠 康來昌 原文 典藏 |
51:14 | Kiù góa ê Siōng-tè ah, kiû Lí kiù góa thoat-lī thâi lâng ê chōe; góa ê chi̍h beh tōa-siaⁿ gîm-si oló Lí ê gī. | 註釋 串珠 康來昌 原文 典藏 |
51:15 | Chú ah, kiû Lí khui góa ê chhùi-tûn, góa beh soan-iông Lí ê hó miâ-siaⁿ. | 註釋 串珠 康來昌 字典 原文 典藏 |
51:16 | Lí bô ài chè-mi̍h, nā ài, góa chiū beh hiàn; sio-chè Lí mā bô hoaⁿ-hí. | 註釋 串珠 康來昌 原文 典藏 |
51:17 | Siōng-tè ah, Lí só͘ ì-ài ê chè to̍h-sī iu-siong ê sim; iu-siong thòng-hóe ê sim, Lí bē khòaⁿ-khin. | 註釋 串珠 康來昌 原文 典藏 |
51:18 | Kiû Lí chiàu Lí ê hó ì-sù lâi hó khoán-thāi Si-óng, khí-chō Ê-lú-sa-lèm ê siâⁿ chhiûⁿ. | 註釋 串珠 康來昌 原文 典藏 |
51:19 | Hit sî, Lí ē hoaⁿ-hí gī ê chè kah sio-chè, í-ki̍p kui-chiah chengseⁿ ê sio-chè; hit sî, lâng ē kā kang ê gû hiàn tī Lí ê chè-tôaⁿ. | 註釋 串珠 康來昌 原文 典藏 |