章節 | 全民台語聖經全羅經文 | 註釋 |
50:1 | Chin-sêng ê Chông-pài( A-sah ê si. ) Choân-lêng-.ê Siōng-tè — Siōng-chú ū chhut siaⁿ lâi ho͘-tiàu thian-hā; tùi ji̍t chhut kàu ji̍t lo̍h ê só͘-chāi. | 註釋 串珠 原文 典藏 |
50:2 | Tùi oân-choân koh súi ê Si-óng, Siōng-tè ū hoat-chhut kng. | 註釋 串珠 原文 典藏 |
50:3 | Goán ê Siōng-tè ē kàng-lîm, choa̍t-tùi bē tiām-tiām. Ū hóe-iām tī I ê bīn-chêng teh to̍h, ū hong tī I ê sì-kho͘-ûi teh sàu. | 註釋 串珠 原文 典藏 |
50:4 | Ūi tio̍h beh sím-phòaⁿ I ê chú-bîn, I ē kiò téng-bīn ê thiⁿ kah tē lâi chò-chèng. | 註釋 串珠 原文 典藏 |
50:5 | I kóng: Tio̍h tiàu-chi̍p góa sèng ê chú-bîn lâi góa chia, to̍h-sī hiahê ēng chè-sū kah góa li̍p-iok ê lâng. | 註釋 串珠 原文 典藏 |
50:6 | Thiⁿ ē hián-bêng I ê kong-gī, in-ūi Siōng-tè pún-sin sī chò sím-phòaⁿ chiá. [Sè-la̍h] | 註釋 串珠 原文 典藏 |
50:7 | Góa ê chú-bîn, lín tio̍h thiaⁿ! Góa beh kóng! I-su-la-el, góa beh kā lí kéng-kài; góa sī Siōng-tè — lí ê Siōng-tè. | 註釋 串珠 原文 典藏 |
50:8 | Góa bô in-ūi lí ê chè-sū kā lí chek-pī; lí ê sio-chè tiāⁿtiāⁿ tī góa ê bīn-chêng. | 註釋 串珠 原文 典藏 |
50:9 | Góa bô tùi lí ê gû-tiâu chhú kang ê gû, mā bô tùi lí ê iûⁿ-tiâu chhú kang ê soaⁿ-iûⁿ. | 註釋 串珠 字典 原文 典藏 |
50:10 | In-ūi chhiū-nâ lāi ê pah-siù kah chèng soaⁿ ê chengseⁿ lóng sī góa ê. | 註釋 串珠 原文 典藏 |
50:11 | Soaⁿ lāi ê poe-chiáu, góa lóng bat; khòng-iá ê cháu-siù mā lóng sio̍k góa. | 註釋 串珠 字典 原文 典藏 |
50:12 | Góa nā iau, mā bē kā lí kóng, in-ūi sè-kài kah kî-tiong ê bān-mi̍h lóng sī sio̍k góa. | 註釋 串珠 原文 典藏 |
50:13 | Góa kám ē chia̍h gû-káng ê bah, á-.sī lim soaⁿ-iûⁿ-káng ê hoeh? | 註釋 串珠 字典 原文 典藏 |
50:14 | Lí tio̍h ēng kám-siā chò chè, hiàn hō͘ Siōng-tè, koh tio̍h tùi Chì-koân-.ê siā lí ê goān. | 註釋 串珠 原文 典藏 |
50:15 | Tī hoān-lān ê ji̍t-chí, lí tio̍h kiû-kiò góa; góa ē kā lí chín-kiù, lí mā tio̍h êng-kng góa. " | 註釋 串珠 原文 典藏 |
50:16 | M̄ koh, Siōng-tè tùi pháiⁿ lâng kóng, " Lí ná káⁿ thoân góa ê lu̍t-lē, chhùi káⁿ kóng-khí góa ê iok? | 註釋 串珠 原文 典藏 |
50:17 | Kî-si̍t lí thó-ià kà-sī, kā góa ê ōe pàng tī lí ê kha-chiah-āu. | 註釋 串珠 原文 典藏 |
50:18 | Lí khòaⁿ tio̍h chha̍t chiū kah i tâng-sim, koh kah kiâⁿ kan-îm ê lâng chò-hóe kiâⁿ kan-îm. | 註釋 串珠 原文 典藏 |
50:19 | Lí ê chhùi tiāⁿtiāⁿ kóng pháiⁿ ōe; lí ê chi̍h chè-chō kan-chà. | 註釋 串珠 原文 典藏 |
50:20 | Lí chē-.leh húi-pòng lí ê hiaⁿ-tī, bû-lōa lí ê tông-pau. | 註釋 串珠 原文 典藏 |
50:21 | Lí chò chiahê tāichì, góa tiām-tiām bô kóng-ōe, lí soah siūⁿ kóng góa tútú kah lí kāng-khoán; kî-si̍t góa beh kā lí chek-pī, kā chiahê tāichì lóng pâi tī lí ê ba̍k-chiu chêng. | 註釋 串珠 原文 典藏 |
50:22 | Lín chiahê bē kì-tit Siōng-tè ê lô͘-po̍k, tio̍h siūⁿ chit-ê tāichì, chiah bián tì-kàu góa kā lín thiah-chhùi, bô lâng thang kā lín chín-kiù. | 註釋 串珠 原文 典藏 |
50:23 | Kiàn-nā ēng kám-siā hiàn chò chè ê lâng to̍h-sī êng-kng góa; kín-sīn kiâⁿ chiàⁿ lō͘ ê lâng, góa beh hō͘ i khòaⁿ tio̍h Siōng-tè ê kiù-un. " | 註釋 串珠 字典 原文 典藏 |