章節 | 全民台語聖經全羅經文 | 註釋 |
46:1 | Siōng-chú kah Lán Tông-chāi( Khó-la̍h kiáⁿ-sun ê si, kau hō͘ ga̍k-koaⁿ; tiāu sī ēng lú-im. )Siōng-tè sī goán tô-siám ê só͘-chāi kah khùi-la̍t, mā sī hoān-lān tiong ki̍p-sî ê pang-chān. | 註釋 串珠 康來昌 原文 典藏 |
46:2 | Só͘-í, tē sûi-jiân piàn-chhian, soaⁿ sûi-jiân iô-tāng kàu tī hái tiong, | 註釋 串珠 康來昌 原文 典藏 |
46:3 | Hái chúi sûi-jiân hōa-hōa háu teh giâ éng, soaⁿ sûi-jiân in-ūi hái-tiòng iô-tāng, goán mā bô kiaⁿ. [Sè-la̍h] | 註釋 串珠 康來昌 原文 典藏 |
46:4 | Ū chi̍t tiâu hô, i ê chúi-lâu khui-chhe, hō͘ Siōng-chú ê siâⁿ hoaⁿ-hí; to̍h-sī Chì-koân-.ê tòa ê sèng-só͘. | 註釋 串珠 康來昌 原文 典藏 |
46:5 | Siōng-tè tī hit tiong-kan, siâⁿ it-tēng bē iô-tāng; thiⁿ-phú-kng, Siōng-tè chiū kā i pang-chān. | 註釋 串珠 康來昌 原文 典藏 |
46:6 | Ī-pang hōa-hōa háu, lia̍t kok iô-tāng; Siōng-tè chhut I ê siaⁿ, tē chiū siau-iûⁿ. | 註釋 串珠 康來昌 原文 典藏 |
46:7 | Bān-kun ê Siōng-chú kah goán tông-chāi, Iâ-kop ê Siōng-tè chò goán ê siâⁿ-pó. [Sè-la̍h] | 註釋 串珠 康來昌 原文 典藏 |
46:8 | Lâi, lâi khòaⁿ Siōng-chú ê só͘ chò, khòaⁿ I hō͘ tē hong-hùi kàu án-chóaⁿ. | 註釋 串珠 康來昌 字典 原文 典藏 |
46:9 | I hō͘ kau-chiàn soah, kàu tī choân tē; I at-tn̄g kiong, chám-tn̄g chhiuⁿ, kā chiàn-chhia pàng hóe sio. | 註釋 串珠 康來昌 字典 原文 典藏 |
46:10 | Lín tio̍h chēng-chēng, tio̍h chai góa sī Siōng-tè! Góa beh tī lia̍t pang tiong chò tōa siū chun-chông, tī choân tē-chiūⁿ mā siū chun chò tōa. | 註釋 串珠 康來昌 字典 原文 典藏 |
46:11 | Bān-kun ê Siōng-chú kah goán tông-chāi, Iâ-kop ê Siōng-tè chò goán ê siâⁿ-pó. | 註釋 串珠 康來昌 原文 典藏 |