章節 | 全民台語聖經全羅經文 | 註釋 |
42:1 | Tē-jī Koàn(42-72 phiⁿ) Liû-lōng-chiá ê Kî-tó( Khó-la̍h kiáⁿ-sun kà-sī ê si, kau hō͘ ga̍k-koaⁿ. ) Siōng-tè ah, góa ê sim pek-chhiat him-bō͘ Lí, chhin-chhiūⁿ lo̍k pek-chhiat him-bō͘ khe chúi. | 註釋 串珠 康來昌 原文 典藏 |
42:2 | Góa ê sim chhùi-ta him-bō͘ Siōng-tè, to̍h-sī éng-oán oa̍h ê Siōng-tè; góa tang-sî ē-tàng kàu Siōng-tè ê bīn-chêng khì kìⁿ I? | 註釋 串珠 康來昌 字典 原文 典藏 |
42:3 | Góa mê-ji̍t ēng góa ê ba̍k-sái chún pn̄g chia̍h; tùi-te̍k it-ti̍t mn̄g góa kóng, Lí ê Siōng-tè tī tó-ūi? | 註釋 串珠 康來昌 原文 典藏 |
42:4 | Góa chá-chêng kah kûn-chiòng chò-tīn khì, chhōa in lâi-kàu Siōng-tè ê chhù, ēng hoaⁿ-hí oló ê siaⁿ kah tāi-ke siú cheh. Góa tui-liām chiahê tāichì, góa ê sim hui-siông pi-siong. | 註釋 串珠 康來昌 字典 原文 典藏 |
42:5 | Góa ê sim ná ē ut-chut? Ná ē tī góa ê lāi-bīn tio̍h-kip? Tio̍h gióng-bōng Siōng-tè; in-ūi I ê bīn ǹg góa lâi chín-kiù góa, só͘-í, góa iáu koh beh oló I. | 註釋 串珠 康來昌 原文 典藏 |
42:6 | Góa ê Siōng-tè ah, góa ê sim tī góa ê lāi-bīn ut-chut, só͘-í, góa tùi Iol-tàn hô ê tē kah Hel-móng, mā tùi Mi-chah ê soaⁿ lâi kì-liām Lí. | 註釋 串珠 康來昌 原文 典藏 |
42:7 | Lí ê pho̍k-pò͘ chhut siaⁿ, chhim-ian kah chhim-ian chiū sio ho͘-èng; Lí ê pho-lōng kah Lí ê tōa-éng lóng kā góa im-ba̍t. | 註釋 串珠 康來昌 原文 典藏 |
42:8 | M̄ koh, Siōng-chú tī ji̍t-sî ē si-lo̍h I ê chû-ài; I tī àm-sî hō͘ góa chhiùⁿ koa, lâi tùi sù góa oa̍h-miā ê Siōng-tè kî-kiû. | 註釋 串珠 康來昌 原文 典藏 |
42:9 | Góa beh tùi Siōng-tè — góa ê chio̍h-pôaⁿ kóng, Lí ná ē bē kì-tit góa? Góa sī án-chóaⁿ in-ūi tùi-te̍k ê ap-pek lâi iu-būn, kiâⁿ lâi kiâⁿ khì? | 註釋 串珠 康來昌 原文 典藏 |
42:10 | Góa ê tùi-te̍k kā góa khau-sé kahná phah-chhùi góa ê kut-thâu; in it-ti̍t mn̄g góa kóng, lí ê Siōng-tè tī tó-ūi? | 註釋 串珠 康來昌 原文 典藏 |
42:11 | Góa ê sim, lí ná ē ut-chut? Sī án-chóaⁿ tī góa ê lāi-bīn tio̍h-kip? Lí tio̍h gióng-bōng Siōng-tè; góa iáu koh beh oló I, in-ūi I sī góa ê bīn ê êng-kng, mā sī góa ê Siōng-tè. | 註釋 串珠 康來昌 原文 典藏 |