章節 | 全民台語聖經全羅經文 | 註釋 |
40:1 | Siōng-chàn kah Kiû Chō͘ Chi Koa( Ta-bi̍t ê si, kau hō͘ ga̍k-koaⁿ. )Góa bat nāi-sim thèng-hāu Siōng-chú; I àⁿ-lo̍h thiaⁿ góa ê kiû-kiò. | 註釋 串珠 康來昌 原文 典藏 |
40:2 | I tùi khó-phàⁿ ê hām-kheⁿ, tùi thô͘-môe tiong khan góa khí-.lâi; I hō͘ góa ê kha khiā tī chio̍h-pôaⁿ téng, hō͘ góa ê kha-pō͘ chū-chāi. | 註釋 串珠 康來昌 原文 典藏 |
40:3 | I hō͘ góa ê chhùi chhiùⁿ sin ê koa, to̍h-sī oló lán ê Siōng-chú ê si-koa. Chin chē lâng khòaⁿ tio̍h chiū lâi kèng-ùi Siōng-chú, mā ē sìn-khò Siōng-chú. | 註釋 串珠 康來昌 字典 原文 典藏 |
40:4 | Chí-ū sìn-khò Siōng-chú, bô chhap hiahê kiau-ngō͘ kah phian-hiòng hi-ké ê lâng, chit khoán lâng ū hok-khì! | 註釋 串珠 康來昌 原文 典藏 |
40:5 | Siōng-chú — góa ê Siōng-tè ah, Lí só͘ kiâⁿ ê kî-sū kah Lí tùi goán só͘ chûn ê liām-thâu chin chē, goán bē tàng tùi Lí pâi-lia̍t; góa nā beh thê-khí-lâi kóng, hit-ê sò͘-gia̍h sǹg bē liáu. | 註釋 串珠 康來昌 原文 典藏 |
40:6 | Chè-sū kah lé-mi̍h Lí bô hoaⁿ-hí; Lí ū khui góa ê hīⁿ-khang thang thiaⁿ; sio-chè kah sio̍k-chōe-chè Lí bô ài. | 註釋 串珠 康來昌 原文 典藏 |
40:7 | Hit sî, góa ìn kóng, Lí khòaⁿ, góa lâi à! Góa ê tāichì í-keng kì tī chheh-.ni̍h. | 註釋 串珠 康來昌 原文 典藏 |
40:8 | Góa ê Siōng-tè ah, Lí ê chí-ì góa hoaⁿ-hí chun-thàn; Lí ê lu̍t-hoat tī góa ê sim-lāi. | 註釋 串珠 康來昌 字典 原文 典藏 |
40:9 | Góa tī tōa chū-hōe ê tiong-kan soan-iông Lí kong-gī ê hó siau-sit; góa bô beh thêng-chí góa ê chhùi-tûn. Siōng-chú ah, che sī Lí só͘ chai ê. | 註釋 串珠 康來昌 原文 典藏 |
40:10 | Góa m̄ bat kā Lí ê kong-gī khàm ba̍t tī góa ê sim-lāi; góa í-keng pâi-lia̍t Lí ê sìn-si̍t kah Lí ê kiù-un; góa tī tōa chū-hōe tiong m̄ bat am-khàm Lí ê chû-ài kah sìn-si̍t. | 註釋 串珠 康來昌 原文 典藏 |
40:11 | Siōng-chú ah, kiû Lí m̄ thang tùi góa thêng-chí Lí ê chû-pi; goān Lí ê chû-ài kah sìn-si̍t tiāⁿtiāⁿ pó-siú góa. | 註釋 串珠 康來昌 原文 典藏 |
40:12 | Kiû Chō͘ ê Kî-tó( SPh 70)In-ūi ū sǹg bē liáu ê chai-hō ûi-khùn góa, góa ê chōe-ok jiok tio̍h góa, hō͘ góa bē tàng gia̍h thâu; chiahê chōe-ok pí góa ê thâu-mn̂g khah chē, góa ê sim mā soah lī-khui góa. | 註釋 串珠 康來昌 原文 典藏 |
40:13 | Siōng-chú ah, kiû Lí hoaⁿ-hí chín-kiù góa! Siōng-chú ah, kiû Lí kín lâi pang-chān góa! | 註釋 串珠 康來昌 原文 典藏 |
40:14 | Goān siàu-siūⁿ beh hāi góa sèⁿ-miā ê lâng lóng làu-khùi kiàn-siàu! Goān ài góa siū hām-hāi ê lâng tian-tò siū lêng-jio̍k! | 註釋 串珠 康來昌 原文 典藏 |
40:15 | Goān tùi góa kóng " Ho͘h, lí chhám à! "ê lâng, in-ūi kiàn-siàu lâi bia̍t-bông! | 註釋 串珠 康來昌 原文 典藏 |
40:16 | Goān só͘-ū cháu-chhōe Lí ê lâng in-ūi Lí lâi hoaⁿ-hí khoài-lo̍k! Goān him-bō͘ Lí kiù-un ê lâng tiāⁿtiāⁿ kóng, Tio̍h chun Siōng-chú chò tōa! | 註釋 串珠 康來昌 原文 典藏 |
40:17 | Chóng-.sī, góa sī khùn-khó͘ sànchhiah, Chú iáu koh siàu-liām góa; Lí teh pang-chān góa koh chín-kiù góa. Góa ê Siōng-tè ah, kiû Lí m̄ thang iân-chhiân! | 註釋 串珠 康來昌 原文 典藏 |